Дархан-Уул аймагт хоёр сая тонн газрын тос боловсруулах хүчин чадалтай үйлдвэр баригдана. Нийт 600 сая ам.долларын хөрөнгө оруулалтын 85 хувийг Японы Засгийн газрын Олон улсын хамтын ажиллагааны банкнаас хөнгөлөлттэй нөхцлөөр зээлэх аж.
        Уг үйлдвэрийн ТЭЗҮ-ийг Японы тал хийсэн бөгөөд ажил нь энэ жилээс эхэлж, 2015 онд ашиглалтад оруулахаар төлөвлөөд байгаа юм. Газрын тос боловсруулах үйлдвэр баригдсанаар 600 гаруй хүнийг ажлын байраар хангах боломжтой. Үүнээс 50 хүнийг хамтын ажиллагааны гэрээний дагуу Япон улсад сургах юм байна. Харин барилгын ажлын явцад япончууд өөрсдөө 250 гаруй хүнийг сургаж, бэлтгэхээр гэрээнд заагджээ.