Польш улсын Варшав хотод байрлах гүдгэр, агуй хэлбэрийн энэхүү байшинг харахад тун өвөрмөц бөгөөд үлгэрийн мэт ер бусын мэдрэмж төрдөг. Байшингийн зураг төслийг гаргасан уран барилгач Дагмара Облуска нь хүн гэртээ уужим амьсгаа авч, хором бүрт амьдарч буй орчноосоо тааламжтай мэдрэмж авч байх ёстой гэж  үздэг нэгэн юм.

      Тэрээр  барилгаа төлөвлөхдөө хурц өнцөг бага, саруулхан зайтай байхаар шийдэж өгчээ. Гол нурууг халхлах долгиолсон элдэв хэлбэрүүд,  цэлгэр талбай, хачин жигтэй ч загварлаг шийдлээр хийгдсэн уг байшингийн нэг давхрыг бүхэлд нь амарч тухлахад зориулсан.  Өндөр тааз нь өрөөг асар том болгохын сацуу дугуйрч долгиолсон шат ч бүхэлдээ харагдаж байхаар тооцоолжээ.