Энд танилцуулж байгаа хөөсрүүлсэн цементэн хавтангийн үйлдвэр нь барилгын дээд зэргийн дулаалгын хөнгөн блок үйлдвэрлэдэг.

       Хөөсрүүлсэн цементэн хавтанг барилгын гадна фасадын дулаалганд хэрэглэхээс гадна барилгын ханын дүүргэлтэнд өргөн ашиглана. Хятадын барилгын материалын үйлдвэрлэлийн экспертүүдийн лабораторийн дүгнэлтээр энэхүү Хөөсрүүлсэн цементэн хавтанг “Галд тэсвэртэй А зэрэглэлийн материал” хэмээн үнэлсэн байна.

Бүтээгдэхүүний давуу тал

Дулаан хадгалах чадвар өндөр, галд тэсвэртэй, экологийн хувьд цэвэр бүтээгдэхүүн угсармал ба цутгамал барилгын бүтээцэд ашиглах боломжтой.

1.     Гал усанд тэсвэртэй

Органик бус химийн материалаар үйлдвэрлэсэн бүтээгдэхүүн тул галд үл шатах бөгөөд ус үл нэвтрүүлнэ. Бусад төрлийн хөөсөнцөр материалаас бат бөх бөгөөд A1 зэрэглэлийн супер үзүүлэлттэй дулаалгын материал болно.

2. Байгаль орчинд хоргүй, эрчим хүчний хэмнэлттэй

БНХАУ-ын Үндэсний Стандартын байгууллагын зөвшөөрөлтэй байгаль орчинд хоргүй барилгын материалын ангилалд багтана. Хорт бодис агуулаагүй, хор хөнөөлгүй, цацраг идэвхит туяагүй, бохирдол үүсгэхгүй бүтээгдэхүүн болно.

Хөөсрүүлсэн цементийн хавтанг барилгын гадна ханын фасадын дулаалга болгон хэрэглэнэ.

3. Удаан эдэлгээтэй, бат бөх

Он жил өнгөрөх тусам нар салхи, хур бороонд улам хатууран бэхэждэг физик шинж чанартай барилгын материал юм.

4. Дулаалга ба цаг агаар

Дулаалгын супер материал бөгөөд цаг агаарын эрс тэс уур амьсгалтай бүс нутагт хэрэглэнэ. Энэхүү хавтанг хэрэглэснээр жилийн 4 улиралд тохь тухтай амьдрах орчинг бүрдүүлнэ.

5. Стандартын шаардлага

Барилгын гадна ханы дулаалганд хэрэглэхдээ 35-80мм хүртэл зузаанаар хийж болно. Нэг ширхэг хавтангийн стандарт хэмжээ нь

250мм х 100мм х 50мм
400мм х 400мм х 50мм
300мм х 500мм х 60мм  гэсэн хэмжээтэй болно.

6. Физик шинж чанар

1. Нягтрал: 100кг/м³ ~ 240 кг/м³;
2. Дулаан тусгаарлалт: ≤ 0.052W/(m · K);
3. Даралт даах хатуулаг ≥ 0.3MPa;
4. Сунгалт даах хатуулаг ≥ 0.1MPa;

Хөөсрүүлсэн цементэн хавтангийн үйлдвэрийн үндсэн тоног төхөөрөмжүүд

Хөөсрүүлсэн цементийн хавтангийн үйлдвэр нь дараахь үндсэн тоног төхөөрөмжөөс бүрдэнэ. Үүнд:

1. Цемент зуурагч машин
2. Хөөсөн блокны хэв
3. Хөөсрүүлсэн цементэн хавтан зүсэгч машин
4. Хөөсрүүлсэн цементэн хавтан багцлан боогч машин

1. Цемент зуурагч машин

Зураг дээр: Миксер машин. Юуны өмнө тусгай жорын дагуу цемент, хөөсрүүлэгч, ус (үнс бага зэрэг нэмж болно.) зэргийг миксер машинд оруулж өгнө. 30-60 секундийн дараа зуурмаг бэлэн болно.

2. Хөөсөн блокны хэв

Хөөсөн блокны хэвийг цэвэрлэж, ажилд бэлтгэнэ. Хэвний доод талд полиэтилен (гялгар уут) дэвсэж өгнө. Ингэснээр зуурмаг нүх сүвээр гадагш урсахгүй бөгөөд бэхэжсэний дараа хэвнээс салгаж авахад амархан. Хэвэнд зуурмаг наалдаж бохирдуулахгүй.

Хэвний хэмжээ 1220х930х330мм,  зузаан 1.2мм

3. Хөөсрүүлсэн цементэн хавтан зүсэгч машин

Хагас автомат үйл ажиллагаатай  зүсэгч машин нь босоо хэвтээ чиглэлээр зүсэлт хийнэ.
            1. Хэвтээ чиглэлд зүсэгч: 3.0м х 1.45м х 1.78м
            2. Баруун чиглэлтэй эргүүлэгч: 1.9м х 2.06м х 0.86м
            3. Босоо чиглэлд зүсэгч: 3.2м х 1.78м х 1.66м гэсэн хэмжээтэй гурван хэсгээс бүрдэнэ. 1.5кВт-ын редуктор бүхий хөдөлгүүртэй, цахилгаан хэрэглээ нь 7.5 кВт.
Урт өргөн нь 300х300 мм, 300х600 мм, 450х300 мм, 450х600 мм хэмжээтэй хөөсөн блокны хавтан бэлтгэх бөгөөд зузааны хэмжээг янз бүрээр тохируулж болно.

Хатаасан хөөсрүүлсэн цементэн хавтанг нэг талаас нь оруулж эхлээд хэвтээ чиглэлээр зүсэлт хийнэ. Өөрөөр хэлбэл дээд доод талыг нь тэгшлэнэ. Дараа нь хавтан автоматаар эхний дамжлагаас гарч булт дамжуулагчаар шилжинэ. Баруун чиглэлтэй эргүүлэгч дээр очин эргэлт хийж, босоо чиглэлд зүсэгч дээр очиж зүсэгдэнэ. Босоо чиглэлээр зүсэгч машинаар хавтангийн зузаан нимгэнийг тохируулан зүснэ.

4. Хөөсрүүлсэн цементэн хавтан багцлан боогч машин

Хөөсрүүлсэн цементэн хавтан багцлан боогч машин нь 0.9м болон 2.6м урт хоёр хэсгээс бүрдэнэ. Өргөн нь 1.1м, өндөр нь 1.8м байна. Гинжин дамжуулагчтай.

12кВт цахилгаан хэрэглээтэй энэ машин нь 0.6х0.4х0.4м хэмжээтэйгээр хөөсрүүлсэн цементэн хавтанг багцлан бооно. Температур болон багцлах хугацааг автоматаар тохируулна.

Зураг дээр: Хөөсөн блок нь маш хөнгөн байдаг.  Нягтрал  (160-300 кг/м³ ) Нягтрал багатай хөөсөн блок нь дулаан тусгаарлах чадвар өндөр байдаг ч тээвэрлэлтийн явцад эмтэрч гэмтэх тул полиэтилен материалаар бооно.

Зураг дээр: Үйлдвэрийн эцсийн бүтээгдэхүүн. Хөөсөн блокыг барилгын салбарт өргөн ашиглана. Үүнд:

1. Гадна ханын фасадны дулаалганд хэрэглэнэ.

Үйлдвэрлэгчийн үнийн санал

Хөөсрүүлсэн цементэн хавтангийн үйлдвэрийн иж бүрэн машин тоног төхөөрөмжийг үйлдвэрээс шууд авах үнэ 110 мянган юань, гааль ба тээврийн зардал тооцогдоогүй.

Захиалагч хүссэн хэмжээгээрээ хэв болон хөөсрүүлэгч түүхий эдийг нэмж захиална. Үүнээс гадна хийн компрессор, ус халаах бойлер, термометр, усны торх, жин хэмжигч зэрэг жижиг дагалдах хэрэгсэл хэрэгтэй.Хэвний полиэтилен уут нь 1.5 юань. Нэг уутыг 3-5 удаа хэрэглэнэ.

“Перидикат-Энх” ХХК

Утас: 99054296, 99878966