Өвлийн сууц, зуны сууц гээд нэг хүн хэд хэдэн амины орон сууцтай байх шаардлага байна уу? Жилийн дөрвөн улиралтай оронд бүр дөрөв ч баймаар юм шиг санагдаж байж магад.

Тэгвэл “D*House”компаний уран бүтээлчдийн баг“Dynamic House” төслөөрөө цаг уурын бүх өөрчлөлтөд зохицдог динамик хаус буюу “Өвлөөс Зун”амины орон сууцыг зохион бүтээжээ.

        “Dynamic House” төслийн гол онцлог нь нэг байшинг цаг уурын бүх нөхцөлд тохируулан хувиргах буюу барилгын хэлбэр загварыг геофизикийн онцлог, улирлын өөрчлөлтөөс хамааруулан хүрээлэн буй орчны нөхцөл солигдоход түүнд яг зохицон динамикаар өөрчлөгддөг болгох юм. Ингэснээр байгалийн энергийг бүрэн дүүрэн ашиглах, эрчим хүчийг хэмнэх зорилтыг дэвшүүлжээ.

       Английн дизайнерДавид Бэн Грунбэрг, Даниел Вүүлфсон нар байшингийн хэлбэр ямар байвал зохих хувилбарыг сонгоод, дотоод зохион байгуулалтын хуваалтыг хийсэн байна. Энэ төсөл нь анхандаа Грунбэргийн дипломын ажлын нэг хэсэг байжээ.  Тэд хэлбэрээ олсон хойно байшин маань цаг, улирал даган мөн өдрийн нөхцөл байдалд зохицон өөрчлөгдөнө гэж ярилцаж байв.   Дэлхийн хаана ч байсан, цаг уурын ямар ч орчинд зохицож болохуйц байшинг төлөвлөж хөгжүүлнэ гэж зорьжээ. Ингээд Грунбэрг, Вүүлфсон нарт туршилтын байшинг хэрэгжүүлэхээр Д*Хаус компанид хандан ажлаа эхлүүлсэн байна.