Барилгын Зөвлөгөө Мэдээллийн Төвөөс жил бүр уламжлал болгон барилгын салбарын аж ахуйн нэгж, байгууллагуудын дунд зохион байгуулдаг сагсан бөмбөгийн аварга шалгаруулах тэмцээн 2014 оны 3 сарын 22, 23-ны өдрүүдэд болно.

Энэ жилийн сагсан бөмбөгийн аврага шалгаруулах тэмцээний GOLD спонсороор "ХЕРА КОНСТРАКШН" ХХК оролцож, бидний үйл ажиллагаан дэмжиж ажиллаж байна.

     Энэхүү тэмцээн нь эх орны бүтээн байгуулалтад нэгэн сэтгэл зүтгэлээр амрах завгүй гар бие оролцдог барилгын салбарын ажилтан, албан хаагчдын нэг өдрийн алжаалыг тайлахын зэрэгцээ тэдний хамтын ажиллагааг өргөжүүлж, найз нөхдийн хүрээгээ тэлэх боломжийг олгодог нөхөрсөг тэмцээн гэдгээрээ салбарынхны хүсэн хүлээдэг арга хэмжээ болж чадсан юм.

    Барилгын салбарын сагсан бөмбөгийн тэмцээний хүрээ жилээс жилд өргөжиж, оролцогчдын тоо нэмэгдэж байгаа төдийгүй тэмцээнд оролцогч багуудын тоглолтын ур чадвар дээшлэн улам бүр өрсөлдөөнтэй болсоор байгаа билээ. Иймд барилгын салбарын байгууллага, аж ахуйн нэгж та бүхнийг 2014 оны сагсан бөмбөгийн аварга шалгаруулах тэмцээндээ идэвхитэй оролцож, бүтээн байгуулалтын нөр их ажлын улирал эхлэхээс урьтаж нэгэн өдрийг хамт олон, салбараараа хөгжилтэй өнгөрөөхийг урьж байна.

    Тэмцээнд оролцох хүсэлтэй барилгын салбарын байгууллага, аж ахуйн нэгж та бүхэн дараах утсаар холбогдож дэлгэрэнгүй мэдээллийг авах боломжтой.
Мэдүүлэх хүлээн авах хугацаа: 2014/03/10-19 нь хүртэл

Утас: 70113333, 99907815, 99907814

Бүртгэл: Чингэлтэй дүүрэг, 2-р хороо, Баруун 4 зам, Нарантуул зочид буудал Б корпус, 2-р давхарт БЗМТөв

Тэмцээний удирдамж, мэдүүлэх хуудсыг ЭНДЭЭС татаж авна уу.