Англи хэлний SPIRE хэмээх үг монгол хэлнээ ганжир хэмээн буудаг байна.
Олонд Чикагогийн” Шовх ганжир” гэж нэрлэгдсэн нэгэн барилгыг Амеркчууд 2010 онд ашиглалтанд оруулжээ. Өндрөөрөө дэлхийд 2-рт бичигдэх энэ барилга 150 давхар яг 610м урттай гэнэ.
 Харин орон сууцны чиглэлээр баригдсан дэлхийн хамгийн өндөр барилга бөгөөд 2 жилийн турш барьж босгожээ.
Ороомог хэлбэртэй, шилэн гадаргуутай энэхүү барилга холоос үнэхээр ганжир адил гялтагнан харагддаг байна.
           Энэ нүсэр барилгын дэргэд бас нэгэн бүтээн байгуулалт  өрнөж, тун удахгүй ашиглалтанд орохоор “дуншиж” эхэлжээ. Хот суурин газарт хоёр төрлийн цахилгааны эх үүсвэрийг  ашиглах нь илүү найдвартай төдийгүй хэмнэлт хийх  боломжийг олгодог.
Иймд  610м өндөртэй аварга том бүтээн байгуулалтыг найдвартай бас хямд цахилгаанаар хангахаар нарны цахилгаан станцын эх зургийг гаргаж,  барьж босгох ажлыг эхлүүлжээ. Хэлбэрийн хувьд мөн л ороомог хэлбэртэй бөгөөд газарт ойр хэвтээ маягийн ороомог байхаараа “Шовх ганжир”-аас ялгаатай. Бүтээгчид нь нарны цахилгаан станцын сонгодог жишээ болгохоор төлөвлөж байгаа бөгөөд байгууламжийн дотор үзэсгэлэнгийн танхим, хурлын заал байхаар тооцоолжээ.

       
Дашрамд дуулгахад дэлхийн хамгийн өндөр барилга Дубай хотод байдаг бөгөөд 162 давхар 818м өндөртэй юм байна.