Монгол Улсын барилгын салбарт шинэ дэвшилтэт техник технологи, барилгын материалыг нэвтрүүлэх зорилгоор “Барилгын Дэвшилтэт Технологи” семинарыг 2014 оны 3-р сарын 6-ны өдөр зохион байгуулах гэж байна.
          Барилгын салбарт орчин үеийн дэвшилтэт техник технологи, барилгын материалыг нэвтрүүлснээр иргэдийн эрүүл аюулгүй, ая тухтай амьдрах орчныг бүрдүүлж, барилга угсралтын өртөг зардлыг хэмнэж, шинээр баригдах орон сууцны үнийг ч бууруулах боломжтой юм.
         Семинарт БХБЯам, БЗТЗХолбоо, МБМҮХолбоо, МБИХолбоо, СХЗГазар болон шинэ дэвшилтэт технологи нэвтрүүлэгч байгууллагууд оролцож байгаа бөгөөд Төрөөс баримталж буй барилгын салбарын шинжлэх ухаан, технологийн хөгжлийн өнөөгийн байдал, цаашдын чиг хандлагын талаар  мэдээлэл хийж, барилгын салбарт шинээр нэвтрүүлж буй дэвшилтэт технологи бүтээгдэхүүнийг танилцуулах болно.
Семинар нь барилгын салбарт тодорхой дэвшлийг авчирч, бизнес эрхлэгчдийн хамтын ажиллагааг өргөжүүлэх боломжийг бүрдүүлж байгаа бөгөөд семинарын дэмжигч байгууллагаар Хаан банк оролцож байна.
          Мөн барилгын салбарт дэвшилтэт технологи, бүтээгдэхүүнийг зах зээлд нэвтрүүлэхэд тулгамдаж байгаа асуудлуудыг хэлэлцэж, бизнес эрхлэгчдийн саналыг холбогдох төрийн байгууллагуудад хүргэх болно.
 “Барилгын Дэвшилтэт Технологи -2014” семинар 2014 оны 3-р сарын 6-ны өдөр 8:30-15:30 хүртэл 100 айл B.A.T center-н 6 давхарт хурлын танхимд болох бөгөөд барилга угсралт, зураг төслийн байгууллагуудыг өргөнөөр оролцохыг урьж байна.

Барилгын Зөвлөгөө Мэдээллийн Төв
Бүртгэл: 2014.03.03-ыг хүртэл явагдана. Үнэ төлбөргүй.
Оролцогчдын тоо хязгаартай тул яарагтун.
Утас: 70113333, 9900-5412
Хаяг: Баруун 4 зам, Барилга.МН