Монголын барилгын салбарт нэвтэрч буй барилгын шинэ нэр төрлийн материал, дэвшилтэт технологийг барилга угсралт, барилгын материал үйлдвэрлэл,  зураг төслийн байгууллагынханд таниулах, “Барилга-Дэвшилтэд технологи” семинар өнөөдөр /2014.03.06/ болж өнгөрлөө.  
 Семинарыг Барилгын Зөвлөгөө Мэдээллийн Төвийн захирал Г.Батсүх нээж үг хэллээ. БХБЯ-ны Барилга, Барилгын Материалын Бодлого Зохицуулах газрын дарга Б.Цэдэнсамба дарга тавьсан илтгэлдээ “Манайд улсын барилгын материалын үйлдэрлэлийг эрхлэх эрхзүйн орчин, норм стандартаасаа илүү ахицтайгаар барилгын материалын үйлдвэрлэлийг дэмжиж хөгжүүлэх талаар, салбарын яамнаас онцгой анхаарч, тодорхой арга хэмжээ авсны үр дүнд 2013 онд гарсан бодит жишээг дурдаад 2014 онд ч эрчимжүүлж ажиллана” гэв.
Энэхүү семинарт өөрсдийн эзэмшин нэвтрүүлж буй шинэ техник, технологи, барилгын материал бүтээгдэхүүнээ танилцуулсан компаниудыг дурдвал:
- “United Top Assets Group” – Эко авто зогсоолын барилга.
-  “Дохиолол хамгаалалтын систем” ХХК -  Барилга, орон сууцны дохиолол хамгаалалтын технологи
- “Монгол Алт” ХХК - Хийт бетон, цементийн үйлдвэрийн хүчин чадал, бүтээгдэхүүн
- “Ган зангилаа”  Арматур, бүтээцийн үйлдвэр - Арматур
- "ТЭБОНГ ГУНЖУ КИСУЛ" ХХК - Агааржуулалтын систем
                                  
  Семинарт БХБЯ-ны барилгын салбар дахь мэргэжлийн ТББ-уудын төлөөлөл, хувь хүмүүс оролцлоо.  Уг семинарын төгсгөлд аж ахуйн нэгж байгууллагын төлөөллүүд болон БХБЯ-ны Барилгын материалын үйлдвэрлэл хариуцсан мэргэжилтэн  Г.Цэрмаа, Монголын Барилгын Материал Үйлдэвэрлэгчдийн холбооны дэд тэргүүн Ч.Баатарсүрэн, Монголын Барилгын Үндэсний Хөгжлийн Төвийн гүйцэтгэх захирал Г.Батсүх нар оролцсон чөлөөт ярилцлага хэлэлцүүлэг боллоо.