Барилгын салбарын №1 мэдээллийн хэрэгсэл болох БАРИЛГА.МН сэтгүүлийн 3 дугаар сарын шинэ дугаар худалдаанд гарлаа. Энэ удаагийн дугаарт Барилгын Зураг Төсөл Зохиогчдын Холбооны тэргүүн Н.Доржтой хийсэн сонирхолтой ярилцлага, нийслэл хотод баригдаж байгаа оффисын барлгын үнийн талаар “Тэнгэрт тулсан үнэтэй оффис” нэртэй нийтлэл, сүүлийн үед ыарилгын тусгай зөвшөөрлийг наймаалцаж, худалдаалах явдал хэтэрхий замбараагүй болсонтой холбогдуулан “Тусгай зөвшөөрлийг наймаалцсаар” нийтлэл, “Бетоны өгөршлөөс сэргийлэх арга”, Шинэ орон сууц болон барилгын материалын үнэ ханш зэрэг мэдээлэл багтсан. Мөн БХБЯ-ны Орон сууц, Нийтийн аж ахуйн бодлогын хэрэгжилтийг зохицуулах газрын дарга Р.Эрдэнэцэцэгтэй хийсэн ярилцлага Барилга.МН сэтгүүлийн шинэ дугаараас унших боломжтой.
Ингээд шинэхэн дугаарын мэдээллээс товч хуваалцая.




Хэн юу хэлэв буланд...
Нийслэл хот нэг сая хүн амтай, 12-хон гал унтраах ангитай
         Нийслэл хотод  сүрлэг өндөр барилга байгууламж жилээс жилд нэмэгдсээр байна. Энэ нь хэдийгээр хотын өнгө үзэмжинд эергээр нөлөөлж, тааламжтай сайхан харагддаг хэдий ч аюулгүй байдал талаасаа  ямар хэмжээнд байгааг мэдэх аргагүй. Тиймээс энэ талаар Онцгой Байдлын Ерөнхий Газрын Барилгын зураг төсөл, техникийн гүйцэтгэл хариуцсан мэргэжилтэн, онцгой байдлын хошууч Ж.Жаргалсайхантай ярилцлаа.                                                                      
   

• Сүүлийн үед баригдаж буй барилга, орон сууцууд аюулгүй байдлыг хэр хангаж чадаж байна вэ?

Манай хот төлөвлөлт алдагдаж, халагламаар болсныг архитекторууд хэлдэг. Аюулгүй байдал талаас нь үзэхэд гурван хэлбэрийн зөрчил илэрдэг.

1. Барилга захиалагч өөрийн барилгын зураг төслийн загвараа гаргаад, мэргэжлийн байгууллагуудад өгч, нөгөө зураг төлсийн компани газар дээр нь очиж хэмжилт хийх ёстой. Нийслэлийн ерөнхий төлөвлөгөөний газрын ерөнхий архитектортой хамт зураг төслийг газар дээр нь үздэг.  Архитекторын төлөвлөлт даалгавар гэж бий. Түүнийг гаргуулсны дараагаар Засаг даргын захирамж гардаг. Энэ газар дээр ийм барилга барьж болно гэсэн зөвшөөрөл өгдөг. Эдгээр ажлын явцад дандаа мэргэжлийн хүмүүс оролцоод явдаг. Гэвч манай Онцгой байдлын газрыг оролцохооргүй болгосон. Ингэснээр барилгын хоорондын болон дотор зай, хэмжээ зэргийг алдагдуулаад байна. Тэгээд шаардлага тавихаар өөдөөс тэдэн оны төлөвлөгөө гээд баахан  бичиг үзүүлдэг. Бодит амьдрал дээр бүх төлөвлөлт нь алдагдчихсан. Зай хэмжээ, авто машин орох, гарах хөдөлгөөнөөс гадна зогсоол бүр ч байхгүй болох гээд байна. ...

 Сурвалжлага.
 
             Бид өмнөх дугаарын “Асуудал дагуулсан барилгууд” цуврал сурвалжлагаар Вива сити хотхоны талаар хөндөж байсан ч энэ удаад тэндэхийн оршин суугчдын хүсэлтээр дахин сурвалжлан хүргэж байна.
 
       Хэдхэн жилийн өмнө эзэнгүй байсан Яармагийн гүүрний баруун урд талын  800 метр орчим газарт залуусын гэх тодотголтой Вива сити  хотхон сүндэрлэж өнгөрсөн оны 6 сард сүр дуулиантайгаар нээлтээ хийсэн. Тус хотхоны гүйцэтгэгчээр Монгол доторхи вант улс гэгддэг Эм Си Эс группын охин компани “Эм Си Эс пропертис” компани ажиллажээ. Харамсалтай нь залуу гэр бүлд зориулсан хямдхан, тохилог, иж бүрэн тавилгатай гээд л залуусыг “уяраасан” зар сурталчилгаагаар бөмбөгдөж байсан энэхүү хороолол амлаж байсан шигээ гайхалтай байсангүй.
       


Хаус Дизайн
 
Далайн эргийн байшин
       Аргентин улсын Буэнос Арис хотын далайн эргийн тайван тогтуун хэсэгт БАК студийн уран барилгачид  нэгэн байшин барьжээ.  Элсэн манхнаас ердөө хэдхэн метрийн зайнд байрласан учир тэнд амьдарч буй хүмүүст маш тайван уур амьсгалыг бүрдүүлж өгдөг. Нэг талдаа далайн эрэг нөгөө талд нь бяцхан ойн зурвас харагддаг энэхүү байшинд амьдрахад байгалийн үзэсгэлэнг бүрэн дүүрэн мэдрэх гайхалтай боломжийг олгоно. Эргэн тойрон ямар ч байшин, барилгагүй зөвхөн багахан ургамал , ногоо хуайс модод, элс хүрээлнэ.  Газраас бага зэрэг өргөгдсөн загвартай болохоор гүн цэнхэр далайг харан суух ер бусын сайхан шийдэлтэй.