“Буянт-Ухаа” хорооллын захиалгыг өнөөдөр 13:00 цагаас эхлэн ТҮЦ машинаар албан ёсоор авч эхэллээ. Захиалгыг гуравдугаар сарын 24-ны 18:00 цаг хүртэл авах юм байна.
Иргэд ТҮЦ машинд байршуулсан “Орон сууцны захиалга” гэсэн цэсэнд бүртгүүлэхдээ цахим үнэмлэхээ авч очихыг ТОСК-оос анхааруулж байна. ТҮЦ машин иргэдийг бүртгэхдээ холбоотой мэдээллийг мэдээллийн сангаас шүүн бүртгэх юм байна. Хэрвээ Засгийн газраас гаргасан журамд нийцэхгүй бол ТҮЦ машин бүртгэхээс татгалзсан хариу өгөх аж.
       Тухайлбал Улаанбаатарын оршин суугаа хаягаа нэгдүгээр сарын 1-нээс хойш хийлгэсэн, залуу гэр бүл 35 нас хэтэрсэн, гэрлэлтээ 2014 оны нэгдүгээр сарын 1-нээс хойш бүртгүүлсэн гэх мэтээр шаардлага хангаагүй бол ТҮЦ машин бүртгэхээс татгалзсан хариу өгөх юм байна.
Иргэд бүртгүүлэхдээ асуулгын дагуу заавал үнэн зөв хариулт өгч бөглөх шаардлагатай. Учир нь хоёр дахь шатны мэдээллийг нягтлах ажиллагаа давхар явагдах юм байна.
Орон сууц худалдан авах иргэдэд дараах нийтлэг шаардлага тавигдана
-2014 оны нэгдүгээр сарын 1-ний өдрийн байдлаар Улаанбаатар хотод байнга оршин суух хаягийн бүртгэлтэй Монгол Улсын иргэн байх
-Анх удаа орон сууц худалдан авч байгаа /Энэ заалтад 18 нас хүрэхээс өмнө гэр бүлийн гишүүдийн хамтран өмчлөх орон сууцанд бүртгэлтэй этгээдийг хамруулна/
-Төрийн болон аж ахуй нэгжид байгууллагад 2-оос доошгүй жил ажиллаж сүүлийн 2 жил нийгмийн даатгалын шимтгэлээ тасралтгүй төлсөн
-Банк санхүүгийн байгууллагад чанаргүй зээлийн өргүй байх
-Өмнө нь банк санхүүгийн байгууллагаас орон сууцны зээл авч байгаагүй байх
-Орон сууцны үнийн 30-аас доошгүй хувийг урьдчилж төлөх боломжтой байх
-Орон сууцны үлдэгдэл төлбөрийг төлөхөөр банкнаас зээл авахад банк санхүүгийн байгууллагаас холбогдох журмын дагуу зээлдэгчдэд тавигдах нөхцөл шалгуурыг хангасан байх