Найман хувийн хүүтэй зээлийн сургаар залуус орон сууцтай болох гэж зорьж байв. Учир нь 18 нас хүрсэн, тогтсон ажилтай, орлоготой л бол дөнгөж сургуулиа төгссөн нэгэнд ч орон сууц авах боломж нээлттэй гэж байна.
Гэтэл бодит байдал дээр 10-30 хувь гэж байсан урьдчилгаа 30 хувь болж, дээр нь цалингийн хэмжээ, орон сууцны үнийн огцом өсөлт зэргээр босго өндөрсөв. Залуус гэсэн тодотголоос нь үнэндээ ганц бие нэг нь хасагдаж, залуу гэр бүл гэсэн тодотголд хоёулаа ажил хийдэг байх шаардлага гарсан юм.
Тэгэхээр энэ шалгуурт ганц бие битгий хэл хоёулаа ажил хийдэг байсан ч тэнцэхэд бэрх болж байна. Харин ТОСК-ийн захиалгаар баригдаж буй “Буянт-Ухаа" хорооллын үнэ хямд учир наанадаж урьдчилгаа төлбөр болон cap бүр төлөгдөх мөнгө нь хасагдаж, энэ орон сууц эзэндээ очиход нэг алхам урагшилсан.
Орон сууцанд орохыг хүссэн ч урьдчилгаа мөнгөгүй иргэн нийслэлийн орон сууцыг дэмжих санд 5 жилийн хугацаанд хүүгүйгээр cap бүр мөнгөө хадгалуулах гэнэ.
 
Гэсэн хэдий ч зорилтот бүлгийн гэх залуу гэр бүл, өндөр настан, хөгжлийн бэрхшээлтэй иргэд мөн л урьдчилгаа хамгийн багадаа /30м2 байранд/ 10 сая төгрөг бэлнээр төлөх шаардлага гарч, бүдрэх шалтгаан нэмэгдэв.
Тиймээс урьдчилгаа төлбөргүй зээл олгох боломж байдаггүй юм байхдаа гэх иргэд олон байгаа юм. Нэгэнт байрныхаа төлбөрийг cap бүр төлж чадахгүй л бол банк буцааж авах боломжтой. Байрны үнэ цаашид өснө үү гэхээс буурна гэж байхгүй тул банкинд учрах эрсдэл үгүй. Харин залуус байрныхаа төлбөрийг төлөхийн тулд ажлаа сайн хийж, орлогоо нэмэгдүүлэх шаардлагатай болно.
Сардаа 800 мянган төгрөг орлоготой ганц бие залуу байлаа гэж бодоход мөнгөө хуримтлуулж чадалгүй дэмий зүйлд үрж байснаас сардаа байрныхаа лизинд хагас цалингаа зарцуулаад явах нь ашигтай зэрэг санал иргэдийн зүгээс гаргасаар буй.
Тэгвэл ингэж урьдчилгаан дээрээ гацсан иргэдэд боломж олгохуйц нэгэн хөтөлбөр яригдаж эхлээд байна. Тэр нь Нийслэлийн Орон Сууцны Корпораци байгуулах гэнэ. Орон сууцанд орохыг хүссэн ч урьдчилгаа мөнгөгүй иргэн нийслэлийн орон сууцыг дэмжих санд таван жилийн хугацаанд хүүгүйгээр cap бүр мөнгөө хадгалуулах гэнэ.
Уг санд таван жилийн турш cap бүр 180 мянган төгрөг төвлөрүүлсэн тохиолдолд 29 ам метр нэг өрөө, 250 мянган төгрөг төвлөрүүлсэн тохиолдолд 49 ам метр өрөө, 350 мянган төгрөг төвлөрүүлбэл 60 ам метр гурван өрөө байранд таван жилийн дараа орох бөгөөд үлдсэн төлбөрөө 10 жилийн дотор cap бүр үргэлжлүүлэн төлөх гэнэ.
Төлбөрөө төлж дуусахаас өмнө байр нь НОСК-ийн өмч байх бөгөөд төлбөрөө төлж дуусангуут тухайн иргэний өмчлөлд шилжих хувилбараар яригдаж байгаа юм.
Тодорхой орлоготой иргэн дээрхи болзлыг хүлээн зөвшөөрсөн тохиолдолд Нийслэлийн Орон Сууцны Корпорацитай гэрээ байгуулах бөгөөд уг асуудлыг зохицуулах журмыг хэлэлцэж байгаа аж.
Орон сууцны зээл урьдчилгаагүй болох нь ойрын хэдэн жилдээ лав тохиохгүй нь бололтой. Харинбанкинд мөнгөө хуримтлуулахаар аваад үрчих гээд байвал НТОСК-д хадгалуулчихаад таван жил санаа амар явж байж болох нь. Сургуулиа 22 настайдаа төгсөөд ажилд орсон бол 27 нас хүртлээ cap бүр мөнгөө хадгалуулаад л 27 насандаа байртай болох нь ээ залуус аа.