Пено блокны үйлдвэр

Javkhlan Javkhlan
2019-11-05 Алдаа мэдээлэх
14716
Пено блокны үйлдвэр
Пеноблокны үйлвэрийн тоног төхөөрөмж /БНХАУ/

Пеноблок нь цемент, үнсний /элс/ зуурмагт хөөс хольж бетоны бүтцийг хөнгөн, дулаан тусгаарлах, хадгалах чадвар өндөр, галд тэсвэртэй, экологийн хувьд цэвэр бүтээгдэхүүн тул хүссэн хэмжээгээр зүсэж болдог  угсармал ба цутгамал барилгын бүтээцэд  хана дүүргэлтийн материалаар ашиглах боломжтой.

 

 

Пеноблокны давуу талууд:

  1. Гал, усанд тэсвэртэй.
  2. Байгаль орчинд хоргүй, эрчим хүчний хэмнэлттэй.
  3. Удаан эдэлгээтэй, бат бөх
  4. Дулааны алдагдал багатай, дуу чимээ тусгаарлалт сайтай
  5. Автомат ажиллагаатай зүсэгч төхөөрөмжөөр зүсэлт хийнэ
 
Барилгын гадна ханы дулаалганд 35-80мм хүртэл зузаанаар хийж болно. Нэг ширхэг хавтангийн стандарт хэмжээ нь :
  • 250мм х 100мм х 50мм
  • 400мм х 400мм х 50мм
  • 300мм х 500мм х 60мм 
 
Физик шинж чанар:
  • Нягтрал: 100кг/м3 ~ 240 кг/м3;
  • Дулаан тусгаарлалт: ≤ 0.052W/(m · K);
  • Даралт даах хатуулаг ≥ 0.3MPa;
  

Пеноблокны үйлдвэрийн технологи, үндсэн тоног төхөөрөмжүүд

Пеноблокны үйлдвэр нь дараахь үндсэн тоног төхөөрөмжөөс бүрдэнэ. Үүнд:
  1. Пеноблокны хольц зуурагч машин
  2. Пеноблокны  хэв
  3. Пеноблокны зүсэгч машин
  4. Пеноблокны  багцлан боогч машин
 
  1. Пеноблокны хольц зуурагч машин: Тусгай жорын дагуу цемент, хөөсрүүлэгч, ус ,үнс зэргийг миксер машинд оруулж өгнө. 30-60 секундийн дараа зуурмаг бэлэн болно. (Зураг дээр: Миксер машин)
 
  1.  Пеноблокны  хэв
Пено блокны хэвийг цэвэрлэж, ажилд бэлтгэнэ. Хэвний доод талд полиэтилен (гялгар уут) дэвсэж өгнө. Ингэснээр зуурмаг нүх сүвээр гадагш урсахгүй бөгөөд бэхэжсэний дараа хэвнээс салгаж авахад хялбар. Хэвэнд зуурмаг наалдаж бохирдуулахгүй.

Хэвний хэмжээ 1220х930х330мм,  зузаан 1.2мм
 
Зураг дээр: Пеноблок нь маш хөнгөн байдаг.  Нягтрал (160-300 кг/м3 ). Нягтрал багатай пеноблок нь дулаан тусгаарлах чадвар өндөр байдаг ч тээвэрлэлтийн явцад эмтэрч гэмтэх тул полиэтилен материалаар савлана. Хэвний полиэтилен уут нь 450 төгрөг. Нэг уутыг 3-5 удаа хэрэглэнэ.
 

3. Пеноблокны зүсэгч машин

Хагас автомат үйл ажиллагаатай  зүсэгч машин нь босоо хэвтээ чиглэлээр зүсэлт хийнэ.
  • Хэвтээ чиглэлд зүсэгч: 3.0х1.45х1.78 м
  • Баруун чиглэлтэй эргүүлэгч: 1.9х2.06х0.86 м
  • Босоо чиглэлд зүсэгч: 3.2х1.78х1.66 м гэсэн хэмжээтэй гурван хэсгээс бүрдэнэ. 1.5 кВт-ын редуктор бүхий хөдөлгүүртэй, цахилгаан хэрэглээ нь 7.5 кВт. Урт өргөн нь 300х300 мм, 300х600 мм, 450х300 мм, 450х600 мм хэмжээтэй пено блокны хавтан бэлтгэх бөгөөд зузааны хэмжээг янз бүрээр тохируулж болно.
Пеноблокыг нэг талаас нь оруулж эхлээд хэвтээ чиглэлээр зүсэлт хийнэ. Өөрөөр хэлбэл дээд доод талыг нь тэгшлэнэ. Дараа нь хавтан автоматаар эхний дамжлагаас гарч булт дамжуулагчаар шилжинэ. Баруун чиглэлтэй эргүүлэгч дээр очин эргэлт хийж, босоо чиглэлд зүсэгч дээр очиж зүсэгдэнэ. Босоо чиглэлээр зүсэгч машинаар хавтангийн зузаан нимгэнийг тохируулан зүснэ.
 
4. Пеноблокны багцлан боогч машин
Багцлан боогч машин нь 0.9м болон 2.6м урт хоёр хэсгээс бүрдэнэ. Өргөн нь 1.1м, өндөр нь 1.8м байна. Гинжин дамжуулагчтай.
12кВт цахилгаан хэрэглээтэй энэ машин нь 0.6х0.4х0.4м хэмжээтэйгээр пеноблокыг багцлан бооно. Температур болон багцлах хугацааг автоматаар тохируулна.
 
Пеноблокны үйлдвэрийн иж бүрэн машин тоног төхөөрөмжийн үнэ
 
№      Тоног төхөөрөмжийн нэр Тоо ширхэг Нэгжийн үнэ
/Юань/
1      Пеноблокны  хольц зуурагч машин 1 35 000
2      Пеноблок зүсэгч машин 1 55 000
3      Пеноблок багцлан боогч машин 1 20 000
4      Пеноблокны хэв 1 5 600
       Дүн   115 600
       + Хөөс 1тн 1750$
 
Жич: Тээврийн зардал, гаалийн татвар ороогүй.
 

Холбоотой мэдээ

Ачааллаж байна ..