“Буян-Ухаа I” хорооллын захиалгыг гуравдугаар сараас авч эхэлнэ
Төрийн орон сууцны корпораци /ТОСК/-ийн захирал А.Гантулгатай цаг үеийн асуудлаар ярилцлаа.
-Засгийн газраас “Буянт-Ухаа 1” хорооллын захиалга авах журмыг баталсан. ТОСК-иас нарийвчилсан журам батлах ёстой. Бэлтгэл ажил ямар шатанд байна вэ?
-ТОСК-иас нарийвчилсан журмаа бэлтгээд дуусч байна. Журам батлагдсаны дараа өөрийн цахим хуудсанд тавина. Мөн онлайнаар бүртгэл, өргөдлийг авах учраас тусгай программын дагуу бэлтгэл ажлаа хийж байна. Мэдээж хэрэг орон сууцанд орох хүмүүсийн тоо их, оруулах байр маань цөөхөн учраас олон нийтэд ил тод байдлаар шалгаруулалтыг явуулж, шилэн түрийвч буюу шударгаар сонголт хийх бэлтгэл ажлыг хийж байна. Борлуулалтын системээ онлайнаар авах нь анхных учраас борлуулалтын шинэ системээр ажиллахаар болсон. Дэлхийн өндөр хөгжилтэй орнууд болох Өмнөд Солонгос, Турк, Малайз, Сингапур зэрэг олон оронд борлуулалтын шинэ системийг ашиглаж байсан учраас бид туршлага судалж, алдаа дутагдал гаргахгүй байхын төлөө ажиллаж байна. Бид анхнаас нь зөв зохион байгуулалт, шударга, ил тод, ард түмэндээ нээлттэй ажиллах юм бол төрийн ажил шударга явагддаг гэдгийг ч ард түмэн харах болно. Бид бүх ажлаа аль болох ард түмний нүүрэн дээр ил тод байдлаар явуулахыг чухалчилж байна.
-Онлайнаар бүртгүүлэхээс гадна ямар материал бэлтгэх талаарх мэдээлэл иргэдэд хэрэгтэй байна?
-“Буянт-Ухаа 1” хороололд орох хүсэлтэй иргэд найман хувийн зээлд хамрагдах боломжтой учраас 30 хувийн урьдчилгаа төлсөн байх шаардлагатай. Засгийн газраас тавьж буй нийтлэг журмын шаардлага хангасан хүмүүс энэ хөтөлбөрт хамрагдана. Ерөнхий журамд тусгасан 15 жил зарахгүй, түрээслэхгүй байх, нийгмийн даатгалын шимтгэл хоёр жилээс доошгүй хугацаанд төлсөн байх ёстой гэсэн зарчмын шаардлага хангасан иргэд захиалга өгнө. Мөн Засгийн газраас өмнө нь хэрэгжүүлж байсан орон сууцны зээлийн хөтөлбөрүүдэд хамрагдаагүй байх бас нэг шаардлага бий. Онлайнаар бүртгэх явцад тухайн вэб сайт шаардлага хангаагүй бол бүртгэхгүй байхаар системчлэгдсэн байгаа.
-Төрийн албан хаагчдад орон сууцны 60 хувийг олгоно гэсэн. Хуваарилалтыг ТОСК-иас хийж, төрийн албаныхан өөрсдөө бас сонгон шалгаруулалтаа хийнэ гэсэн үү?
-Ихэнх иргэд төрийн албан хаагч орон сууцны хөнгөлөлтөд хамрагдаж байгаад сэтгэл хангалуун бус байх шиг байна. Гэхдээ төрийн албанд ямар хүмүүс ажилладаг вэ гэдгийг ойлгох хэрэгтэй. Төрийн албанд багш, эмч нар ч багтдаг. Тухайлбал, МҮЭ-ээс гаргасан судалгаагаар багш, эмч нарын олонхи нь гэр хороололд, цалингаас цалингийн хооронд амьдардаг. Төрийн албан хаагч гэдэг нь энэ хүмүүсийн асуудлыг ярьж байгаа. Түүнээс нэг даргын туслах, хамаатан саданд хамааралтай асуудал биш. Тиймээс иргэд зөвөөр ойлгох хэрэгтэй. Эрүүл энхийн манаанд зогсч байгаа, боловсролын шугамд хүнд ачаалал үүрч байгаа төрийн албан хаагчдад зориулж байгаа хөтөлбөр гэж ойлгох хэрэгтэй. Хөтөлбөр -“Буянт-Ухаа 1” хорооллоор дуусахгүй, ТОСК-ийн зүгээс цаашид хямд өртөгтэй орон сууц ашиглалтад оруулахаар ажиллаж байна. Бид сүүлийн 25 жил хийгээгүй том бүтээн байгуулалтыг Шинэчлэлийн Засгийн газар, Хотын захиргаа, Барилга, хот байгуулалтын яам дэмжсэнээр Үндэсний бүтээн байгуулалтын Монголын таван компани нэгдэж хийж чадсан. Энэ компаниудын эзэд нь бүгд гадаадад туршлага хуримтлуулсан хүмүүс. Монгол хүн нэгдэж, нягтарч, зөв зохион байгуулалт, менежментээр төрийн бодлогыг авч явах юм бол бүтээж, хийж чаддагийг харуулж байна. Бидний хийж байгаа ажил бусад барилгын компаниудын дургүйцлийг хүргэж, үнэ ханш бууруулж байгаа тал бий. Хийж байгаа ажилд ч гэрэл сүүдрийн аль аль нь бий. Гэхдээ төрийн бодлого бол ард иргэдээ эх орондоо сайхан амьдрах нөхцөлийг бүрдүүлэхэд чиглэх ёстой. Бид нэг янданг нэг орон сууцаар солих бодлогыг л баримталж байна.
-Төрийн албан хаагчдад олгох орон сууцны олонхи нь багш, эмч нарт зориулагдсан гэж ойлгож болох уу?
-Тэгж ойлгож болно. Журамд нийцсэн, шаардлага хангасан байх л шаардлагатай.
-Төрийн албаныханд зориулагдсан квотыг ТОСК хийнэ гэсэн. Аль, аль төрийн албанд хэдэн орон сууц хуваарилахаар болсон бэ?
-Хуваарилах асуудлыг ТОСК-ийн бодлогын зөвлөлөөр шийднэ. Бодлогын зөвлөл хуралдаж, аль төрийн албанд хэдэн квот өгөх эсэхийг тодорхойлно.
-Орон сууцанд орох хүсэлтэй иргэдийн өргөдлийг хүлээж авах цахим хуудас хэзээ бэлэн болох вэ?
-ТОСК-иас өргөдөл авахын тулд шинэ программ бичих, борлуулалтын дүрэмд нийцсэн программ зохиох гээд олон ажил байгаа. Мэргэжлийн хүмүүс хийж байгаа бөгөөд бид аль болох хурдан ашиглалтад оруулахаар ажиллаж байна.
-Программ яг хэзээ бэлэн болж, иргэдээс өргөдлөө хэзээ авч эхлэх вэ. Иргэдэд хугацаа маш чухал байгаа байх?
-Ирэх гуравдугаар сарын эхээр л авч эхэлнэ гэж ойлгох хэрэгтэй. Бид ч гэсэн энэ хугацаанд иргэдээсээ өргөдөл авах ажлаа эхлүүлэхээр бэлтгэл ажлаа базаах, нарийвчилсан судалгааг бэлэн болгох гээд завгүй ажиллаж байна даа.
-Мэдээж хямд өртөгтэй орон сууцанд орох иргэдийн тоо олон байгаа. Тиймээс сонголтыг сугалааны аргаар явуулна гэж байна. Сугалааг хэрхэн зохион байгуулах вэ?
-Хүмүүсийн ярьж байгаа шиг олон хүн цуглуулаад гараараа сугалаа сугалах нь маш хүндрэлтэй. Тэр олон хүнийг нэг дор цуглуулах гэдэг ч юм уу маш их цаг шаардах зүйл. Мэдээллийн технологи өндөр хөгжсөн өнөө цагт электрон шуудан маягаар сугалаа явуулах, ухаалаг арга зөндөө бий. Сонгуулийн саналыг автомат машинаар тоолдог шиг орчин үеийн технологи ашиглах саналтай байгаа. Иргэдэд хардлага төрүүлсэн, үр дүн нь худлаа гарах зэрэг хардлагын чанартай зүйл хийхгүй. Тиймээс чанартай, хардлага төрүүлэхгүй байх үүднээс зохион байгуулалтыг сайн хийнэ. Хүмүүс намайг их хардаж байх шиг байна. Энэ А.Гантулга гэдэг хүн танил талдаа, хамаатан садандаа байр өгөх гэж байна гэсэн яриа их байсан. Намайг мэддэг бизнесийнхэн болон төрийнхөн шударга зантайг минь мэдэх байх. Төрийн даалгасан даалгавар, үүргээ шударгаар биелүүлэхийг л хүсч байна даа. Аль болох олон иргэдийг орон сууцтай болгох, гэр хорооллын нэг ч гэсэн янданг орон сууцаар солих л чин хүслээр ажиллаж байгаа, манай хамт олон. Орон сууцны хөтөлбөр нүдээ олсон, эзнээ олсон сонголттой байх болно.
-“Буянт-Ухаа 1” хороололд орох иргэд аль банкнаас зээл авах боломжтой вэ?
-Журамд тусгаснаар Монголын бүх арилжааны банкуудтай хамтарч ажиллана. Ард иргэддээ нээлттэй байхын тулд банк бус санхүүгийн байгууллагаас зээл аваад ч гэсэн орон сууцаа авах боломжтой.
-Банкууд 30 хувийн урьдчилгаанд байр барьцаанд тавих боломж олгосон. Энэ нь “Буянт-Ухаа 1” хороололд үйлчлэх үү?
-Банкны тавьж байгаа бүх шалгуур, шаардлага үйлчлэх болно.
-Иргэд “Буянт-Ухаа 1” хороолол шиг хямд үнэтэй орон сууц олон байгаасай гэж их хүсч байх шиг?
-Нэг зүйлийг онцлон хэлэхэд, энэ хөтөлбөр дуусахгүй, дундаршгүй. Өнөөдөр газрын асуудлаа шийдээд 10 мянган айлын орон сууц ашиглалтад оруулахаар ажиллаж байна. Хэрэв 10 мянган айлын орон сууц ашиглалтад орвол бид заавал тийм, ийм байх ёстой гэсэн шаардлага тавиад байхгүй. “Буянт-Ухаа 1” хорооллын сүүлийн ээлж буюу цэцэрлэг, сургууль, худалдааны төв бүхий цогц үйлчилгээтэй үлдсэн орон сууц нь тавдугаар сарын 23-нд ашиглалтад орно. “Буянт-Ухаа 2” хорооллыг ирэх жил ашиглалтад оруулахаар төлөвлөсөн. Мөн ирэх жил 10 мянган айлын орон сууц барина гэсэн төлөвлөгөө гаргасан. Энэ мэт гэр хорооллыг барилгажуулах, орон сууцжуулах ажил цаашид ч үргэлжилсээр байх юм шүү гэдгийг ард иргэд сайн ойлгох хэрэгтэй. Орон нутагт 1000 айлын орон сууц ашиглалтад оруулахаар судалгаа хийж байна. Эхний ээлжинд 7-8 аймагт барих байх. Ямар ч гэсэн энэ хөтөлбөр ингээд дуусахгүй, үргэлжлээд байна гэдгийг л иргэд маш сайн ойлгох хэрэгтэй.
-Залуу гэр бүл, хөгжлийн бэрхшээлтэй хүмүүс, өндөр настан зэрэг зорилтот бүлэгт Засгийн газраас тавьсан шаардлагаас гадна өөр шаардлага тавих уу?
-Мэдээж орон сууцтай болох иргэд олон, байр нь бага учраас өргөдөл авах хугацаагаа зарлана. Тухайн хугацаанд багтаж өргөдлөө өгсөн хүмүүсээс шалгаруулна. Гол нь Засгийн газраас тавьж байгаа шаардлагыг хангасан байх л шаардлагатай.
-Засгийн газраас 15 жил зарахгүй, түрээслэхгүй гэсэн шаардлага тавьсан. Үүнд хэрхэн хяналт тавих вэ?
- Хугацаа зааж өгсөн нь орон сууцны хөөсрөлтийг бууруулах зорилготой. Хямд үнэтэй орон сууцыг мөнгөтэй хүмүүс аваад дараа нь өндөр үнээр зарах бизнес явуулдаг. Энэ бизнесийг зогсоох, орон сууцны хөөсрөлтийг бууруулах зорилгоор 15 жил гэдэг хугацааг зааж өгсөн. 15 жил худалдахгүй гэдэг журмыг Засгийн газраас гаргасан. Хэрэв тухайн иргэн байраа худалдах шаардлага гарвал тухайн жилийнх нь ТОСК-иас явуулж буй орон сууцны хамгийн бага үнээр тооцож худалдана. Өөрөөр хэлбэл, зөвхөн ТОСК-д л худалдах эрх нь нээлттэй болж байгаа юм. ТОСК буцаан худалдаж авсан байраа дараагийн эзэнд нь шилжүүлэх зохицуулалт хийгээд явна. Түрээслэхгүй, зарахгүй гэдгийг тухайн орон сууц худалдан авч байгаа иргэд, бүртгэлийн байгууллага, ТОСК гурав санамж бичигт гарын үсэг зурна. Түрээслэхгүй гэдэгт хяналт тавихад хэцүү. Гэхдээ бид чадлынхаа хэрээр хяналтыг тавина. Айл бүрт хяналт тавихын төлөө явна.
-ТОСК-иас нарийвчилсан журмаа бэлтгээд дуусч байна. Журам батлагдсаны дараа өөрийн цахим хуудсанд тавина. Мөн онлайнаар бүртгэл, өргөдлийг авах учраас тусгай программын дагуу бэлтгэл ажлаа хийж байна. Мэдээж хэрэг орон сууцанд орох хүмүүсийн тоо их, оруулах байр маань цөөхөн учраас олон нийтэд ил тод байдлаар шалгаруулалтыг явуулж, шилэн түрийвч буюу шударгаар сонголт хийх бэлтгэл ажлыг хийж байна. Борлуулалтын системээ онлайнаар авах нь анхных учраас борлуулалтын шинэ системээр ажиллахаар болсон. Дэлхийн өндөр хөгжилтэй орнууд болох Өмнөд Солонгос, Турк, Малайз, Сингапур зэрэг олон оронд борлуулалтын шинэ системийг ашиглаж байсан учраас бид туршлага судалж, алдаа дутагдал гаргахгүй байхын төлөө ажиллаж байна. Бид анхнаас нь зөв зохион байгуулалт, шударга, ил тод, ард түмэндээ нээлттэй ажиллах юм бол төрийн ажил шударга явагддаг гэдгийг ч ард түмэн харах болно. Бид бүх ажлаа аль болох ард түмний нүүрэн дээр ил тод байдлаар явуулахыг чухалчилж байна.
-Онлайнаар бүртгүүлэхээс гадна ямар материал бэлтгэх талаарх мэдээлэл иргэдэд хэрэгтэй байна?
-“Буянт-Ухаа 1” хороололд орох хүсэлтэй иргэд найман хувийн зээлд хамрагдах боломжтой учраас 30 хувийн урьдчилгаа төлсөн байх шаардлагатай. Засгийн газраас тавьж буй нийтлэг журмын шаардлага хангасан хүмүүс энэ хөтөлбөрт хамрагдана. Ерөнхий журамд тусгасан 15 жил зарахгүй, түрээслэхгүй байх, нийгмийн даатгалын шимтгэл хоёр жилээс доошгүй хугацаанд төлсөн байх ёстой гэсэн зарчмын шаардлага хангасан иргэд захиалга өгнө. Мөн Засгийн газраас өмнө нь хэрэгжүүлж байсан орон сууцны зээлийн хөтөлбөрүүдэд хамрагдаагүй байх бас нэг шаардлага бий. Онлайнаар бүртгэх явцад тухайн вэб сайт шаардлага хангаагүй бол бүртгэхгүй байхаар системчлэгдсэн байгаа.
-Төрийн албан хаагчдад орон сууцны 60 хувийг олгоно гэсэн. Хуваарилалтыг ТОСК-иас хийж, төрийн албаныхан өөрсдөө бас сонгон шалгаруулалтаа хийнэ гэсэн үү?
-Ихэнх иргэд төрийн албан хаагч орон сууцны хөнгөлөлтөд хамрагдаж байгаад сэтгэл хангалуун бус байх шиг байна. Гэхдээ төрийн албанд ямар хүмүүс ажилладаг вэ гэдгийг ойлгох хэрэгтэй. Төрийн албанд багш, эмч нар ч багтдаг. Тухайлбал, МҮЭ-ээс гаргасан судалгаагаар багш, эмч нарын олонхи нь гэр хороололд, цалингаас цалингийн хооронд амьдардаг. Төрийн албан хаагч гэдэг нь энэ хүмүүсийн асуудлыг ярьж байгаа. Түүнээс нэг даргын туслах, хамаатан саданд хамааралтай асуудал биш. Тиймээс иргэд зөвөөр ойлгох хэрэгтэй. Эрүүл энхийн манаанд зогсч байгаа, боловсролын шугамд хүнд ачаалал үүрч байгаа төрийн албан хаагчдад зориулж байгаа хөтөлбөр гэж ойлгох хэрэгтэй. Хөтөлбөр -“Буянт-Ухаа 1” хорооллоор дуусахгүй, ТОСК-ийн зүгээс цаашид хямд өртөгтэй орон сууц ашиглалтад оруулахаар ажиллаж байна. Бид сүүлийн 25 жил хийгээгүй том бүтээн байгуулалтыг Шинэчлэлийн Засгийн газар, Хотын захиргаа, Барилга, хот байгуулалтын яам дэмжсэнээр Үндэсний бүтээн байгуулалтын Монголын таван компани нэгдэж хийж чадсан. Энэ компаниудын эзэд нь бүгд гадаадад туршлага хуримтлуулсан хүмүүс. Монгол хүн нэгдэж, нягтарч, зөв зохион байгуулалт, менежментээр төрийн бодлогыг авч явах юм бол бүтээж, хийж чаддагийг харуулж байна. Бидний хийж байгаа ажил бусад барилгын компаниудын дургүйцлийг хүргэж, үнэ ханш бууруулж байгаа тал бий. Хийж байгаа ажилд ч гэрэл сүүдрийн аль аль нь бий. Гэхдээ төрийн бодлого бол ард иргэдээ эх орондоо сайхан амьдрах нөхцөлийг бүрдүүлэхэд чиглэх ёстой. Бид нэг янданг нэг орон сууцаар солих бодлогыг л баримталж байна.
-Төрийн албан хаагчдад олгох орон сууцны олонхи нь багш, эмч нарт зориулагдсан гэж ойлгож болох уу?
-Тэгж ойлгож болно. Журамд нийцсэн, шаардлага хангасан байх л шаардлагатай.
-Төрийн албаныханд зориулагдсан квотыг ТОСК хийнэ гэсэн. Аль, аль төрийн албанд хэдэн орон сууц хуваарилахаар болсон бэ?
-Хуваарилах асуудлыг ТОСК-ийн бодлогын зөвлөлөөр шийднэ. Бодлогын зөвлөл хуралдаж, аль төрийн албанд хэдэн квот өгөх эсэхийг тодорхойлно.
-Орон сууцанд орох хүсэлтэй иргэдийн өргөдлийг хүлээж авах цахим хуудас хэзээ бэлэн болох вэ?
-ТОСК-иас өргөдөл авахын тулд шинэ программ бичих, борлуулалтын дүрэмд нийцсэн программ зохиох гээд олон ажил байгаа. Мэргэжлийн хүмүүс хийж байгаа бөгөөд бид аль болох хурдан ашиглалтад оруулахаар ажиллаж байна.
-Программ яг хэзээ бэлэн болж, иргэдээс өргөдлөө хэзээ авч эхлэх вэ. Иргэдэд хугацаа маш чухал байгаа байх?
-Ирэх гуравдугаар сарын эхээр л авч эхэлнэ гэж ойлгох хэрэгтэй. Бид ч гэсэн энэ хугацаанд иргэдээсээ өргөдөл авах ажлаа эхлүүлэхээр бэлтгэл ажлаа базаах, нарийвчилсан судалгааг бэлэн болгох гээд завгүй ажиллаж байна даа.
-Мэдээж хямд өртөгтэй орон сууцанд орох иргэдийн тоо олон байгаа. Тиймээс сонголтыг сугалааны аргаар явуулна гэж байна. Сугалааг хэрхэн зохион байгуулах вэ?
-Хүмүүсийн ярьж байгаа шиг олон хүн цуглуулаад гараараа сугалаа сугалах нь маш хүндрэлтэй. Тэр олон хүнийг нэг дор цуглуулах гэдэг ч юм уу маш их цаг шаардах зүйл. Мэдээллийн технологи өндөр хөгжсөн өнөө цагт электрон шуудан маягаар сугалаа явуулах, ухаалаг арга зөндөө бий. Сонгуулийн саналыг автомат машинаар тоолдог шиг орчин үеийн технологи ашиглах саналтай байгаа. Иргэдэд хардлага төрүүлсэн, үр дүн нь худлаа гарах зэрэг хардлагын чанартай зүйл хийхгүй. Тиймээс чанартай, хардлага төрүүлэхгүй байх үүднээс зохион байгуулалтыг сайн хийнэ. Хүмүүс намайг их хардаж байх шиг байна. Энэ А.Гантулга гэдэг хүн танил талдаа, хамаатан садандаа байр өгөх гэж байна гэсэн яриа их байсан. Намайг мэддэг бизнесийнхэн болон төрийнхөн шударга зантайг минь мэдэх байх. Төрийн даалгасан даалгавар, үүргээ шударгаар биелүүлэхийг л хүсч байна даа. Аль болох олон иргэдийг орон сууцтай болгох, гэр хорооллын нэг ч гэсэн янданг орон сууцаар солих л чин хүслээр ажиллаж байгаа, манай хамт олон. Орон сууцны хөтөлбөр нүдээ олсон, эзнээ олсон сонголттой байх болно.
-“Буянт-Ухаа 1” хороололд орох иргэд аль банкнаас зээл авах боломжтой вэ?
-Журамд тусгаснаар Монголын бүх арилжааны банкуудтай хамтарч ажиллана. Ард иргэддээ нээлттэй байхын тулд банк бус санхүүгийн байгууллагаас зээл аваад ч гэсэн орон сууцаа авах боломжтой.
-Банкууд 30 хувийн урьдчилгаанд байр барьцаанд тавих боломж олгосон. Энэ нь “Буянт-Ухаа 1” хороололд үйлчлэх үү?
-Банкны тавьж байгаа бүх шалгуур, шаардлага үйлчлэх болно.
-Иргэд “Буянт-Ухаа 1” хороолол шиг хямд үнэтэй орон сууц олон байгаасай гэж их хүсч байх шиг?
-Нэг зүйлийг онцлон хэлэхэд, энэ хөтөлбөр дуусахгүй, дундаршгүй. Өнөөдөр газрын асуудлаа шийдээд 10 мянган айлын орон сууц ашиглалтад оруулахаар ажиллаж байна. Хэрэв 10 мянган айлын орон сууц ашиглалтад орвол бид заавал тийм, ийм байх ёстой гэсэн шаардлага тавиад байхгүй. “Буянт-Ухаа 1” хорооллын сүүлийн ээлж буюу цэцэрлэг, сургууль, худалдааны төв бүхий цогц үйлчилгээтэй үлдсэн орон сууц нь тавдугаар сарын 23-нд ашиглалтад орно. “Буянт-Ухаа 2” хорооллыг ирэх жил ашиглалтад оруулахаар төлөвлөсөн. Мөн ирэх жил 10 мянган айлын орон сууц барина гэсэн төлөвлөгөө гаргасан. Энэ мэт гэр хорооллыг барилгажуулах, орон сууцжуулах ажил цаашид ч үргэлжилсээр байх юм шүү гэдгийг ард иргэд сайн ойлгох хэрэгтэй. Орон нутагт 1000 айлын орон сууц ашиглалтад оруулахаар судалгаа хийж байна. Эхний ээлжинд 7-8 аймагт барих байх. Ямар ч гэсэн энэ хөтөлбөр ингээд дуусахгүй, үргэлжлээд байна гэдгийг л иргэд маш сайн ойлгох хэрэгтэй.
-Залуу гэр бүл, хөгжлийн бэрхшээлтэй хүмүүс, өндөр настан зэрэг зорилтот бүлэгт Засгийн газраас тавьсан шаардлагаас гадна өөр шаардлага тавих уу?
-Мэдээж орон сууцтай болох иргэд олон, байр нь бага учраас өргөдөл авах хугацаагаа зарлана. Тухайн хугацаанд багтаж өргөдлөө өгсөн хүмүүсээс шалгаруулна. Гол нь Засгийн газраас тавьж байгаа шаардлагыг хангасан байх л шаардлагатай.
-Засгийн газраас 15 жил зарахгүй, түрээслэхгүй гэсэн шаардлага тавьсан. Үүнд хэрхэн хяналт тавих вэ?
- Хугацаа зааж өгсөн нь орон сууцны хөөсрөлтийг бууруулах зорилготой. Хямд үнэтэй орон сууцыг мөнгөтэй хүмүүс аваад дараа нь өндөр үнээр зарах бизнес явуулдаг. Энэ бизнесийг зогсоох, орон сууцны хөөсрөлтийг бууруулах зорилгоор 15 жил гэдэг хугацааг зааж өгсөн. 15 жил худалдахгүй гэдэг журмыг Засгийн газраас гаргасан. Хэрэв тухайн иргэн байраа худалдах шаардлага гарвал тухайн жилийнх нь ТОСК-иас явуулж буй орон сууцны хамгийн бага үнээр тооцож худалдана. Өөрөөр хэлбэл, зөвхөн ТОСК-д л худалдах эрх нь нээлттэй болж байгаа юм. ТОСК буцаан худалдаж авсан байраа дараагийн эзэнд нь шилжүүлэх зохицуулалт хийгээд явна. Түрээслэхгүй, зарахгүй гэдгийг тухайн орон сууц худалдан авч байгаа иргэд, бүртгэлийн байгууллага, ТОСК гурав санамж бичигт гарын үсэг зурна. Түрээслэхгүй гэдэгт хяналт тавихад хэцүү. Гэхдээ бид чадлынхаа хэрээр хяналтыг тавина. Айл бүрт хяналт тавихын төлөө явна.