Монголын Барилгачдын Үйлдвэрчний Эвлэлийн холбоо нь анх 1963 оны 12-р сарын 09 нд Барилгын ажилчдын анхдугаар хурлаа хийж, дүрэм, бүтэц зохион байгуулалтаа батласнаар үйл ажиллагаагаа эхэлсэн түүхтэй.

    Барилгачдын Үйлдвэрчний Эвлэлийн холбоо 50 жилийн ойгоо угтан ЗТБХБЯ /БХБЯ/-тай 2013-2015он хүртэл гурван талт хэлэлцээр байгуулж, Цэнхэр карт хөтөлбөрийн хүрээнд ХАБЭА-н сургалтуудыг анхан шатанд явуулж, аж ахуйн нэгжүүдэд зөвлөмж хүргүүлэн ажиллажээ. МБҮЭХ нь 1990 оны барилгын салбарын уналтыг зогсоож, салбарын хөгжил өнөөдрийн түвшинд хүрэхэд тодорхой хэмжээний үүрэг гүйцэтгэсэн байгууллага юм.

     50 жилийн хүндэтгэлийн үйл ажиллагаанд ҮЭ-ийн үе үеийн гишүүд, ахмад барилгачид хүрэлцэн ирсэнээс гадна МҮЭХ-ны ерөнхийлөгч Х.Амгаланбаатар, Барилгын Хөгжлийн Төв, Барилга корпорацийн ерөнхийлөгч Л.Шагдаррагчаа, МБХ-ны ерөнхийлөгч М.Батбаатар болон хамтран ажилладаг байгууллагуудын төлөөлөл хүрэлцэн ирж гишүүд дэмжигчиддээ баярын мэнд хүргэж, дурсгалын зүйлс гардууллаа.

    Мөн бүтээн байгуулалтын тэргүүн эгнээнд явдаг барилгачдынхаа хөдөлмөрлөх эрх, нийгмийн асуудлыг шийдвэрлэхэд идэвхи санаачлагатай ажиллаж ирсэнийг онцлон тэмдэглэх хэрэгтэйг ойн арга хэмжээнд ирсэн зочид хэлж байлаа.

    Түүхт 50 жилийн ойн үеэр МҮЭХ-ны тэргүүний идэвхтэн цол тэмдгээр П.Амаржаргал, хүндэт тэмдгээр н.Жавзан нарын хүмүүс энгэрээ мялаалаа.

Их бүтээн байгуулалтын эзэд болсон барилгын салбарын үе үеийн ахмадууд, ҮЭ-ийн гишүүдэд Монголын Барилгачдын Үйлдвэрчний Эвлэлийн Холбооны 50 жилийн ойн мэндийг хүргэе.