Монголын Барилгын Инженерүүдийн холбооны Залуу инженерүүдийн клубээс зохион байгуулдаг Боулингийн аварга шалгаруулах тэмцээнийг 3 дахь жилдээ “Монголын Арвайнбайт” боулингийн холбоотой хамтран Үндэсний соёл амралтын хүрээлэнгийн Боулингийн төвд зохион байгууллаа.

      Энэ удаагийн тэмцээнд нийт 10 багийн 50 тамирчид хурд хүчээ сорин өрсөлдсөн юм. Тэмцээнд багууд 2 тоглолтоор өрсөлдөж, онооны нийлбэр дүнгээр эхний байрт шалгарсан 3 баг финалын төлөө өрсөлдөн тоглолоо. Мөн эхний тоглолтын дүнгээс хамгийн өндөр оноо авсан эрэгтэй-1, эмэгтэй-1 тамирчинг Шилдэг тоглогчоор шалгаруулсан юм.

     2013 оны Барилгын салбарын инженерүүдийн Боулингийн аврага багаар “Хар хорин өргөө” ХХК-ны “Хар хорин” баг тэргүүн байр

Дельта констракшн ХХК-н Дельта баг 2-р байр

БИАС-ийн 2002 оны төгсөлтийн “Нэг ангийхан” баг 3-р байр

     Харин тоглолтын оноогоор 244 оноо авсан “Цац суварга интернэшнл” ХХК-н Цац суварга багийн тамирчин Э.Ариунтуяа Шилдэг эмэгтэй тоглогч

       264 оноогоор Дельта багийн тамирчин Э.Цахиур Шилдэг эрэгтэй тоглогчоор шалгаран өргөмжлөл, мөнгөн шагналаар тус тус шагнууллаа

      "Боулинг-2013" тэмцээнд дээрх багуудаас гадна Монхидро констракшн ХХК, Орхон констракшн ХХК, Өлзийн Иш ХХК, Эрчим төсөл ХХК, Зэд прожект ХХК, Цац суварга интернэшнл ХХК, Төгс шугам констракшн ХХК –иуд идэвхтэй оролцлоо.  Энэ удаагийн тэмцээнийг “Зуурмаг” ХХК ивээн тэтгэгчээр оролцон хамтран зохион байгуулсан бөгөөд тус компанийн захирал А.Цэнд-Аюуш болон тэдний хамт олонд, тэмцээний шүүгчээр ажилласан Монголын арванбайт боулингийн холбооны тэргүүн Тамир нарт  чин сэтгэлийн талархал дэвшүүлж, ажлын амжилт хүсэн ерөөе. Дараа жилийн Боулингийн аварга шалгаруулах тэмцээн 2014 оны 11-р сард зохиогдоно.

МБИХ-ны менежер Х.Хонгорзул