2013 оны 9-р сарын 14-нд Шинэ Орлеан хотод Праг төв албан ёсоор нээлтээ хийж Архитеклаб лаборатори өөрсдийн 19-зууны илэрхийлэл болсон шинэхэн байрандаа оржээ. Урлагийн бүтээлийн цуглуулга, судалгаа болон туршилт хийх зэрэг олон төрлийн үйл ажиллагаа явагдах тус төв нь уран барилга, урлагийн бүтээлийн цоо шинэ мэдрэмж төрүүлэхүйц болжээ.

         Сэгсэрч, савлагдсан мэт шийдэл бүхий энэхүү ажиллах орчныг бүрэн хангасан байшин нь тусгайлан бэлтгэсэн хөндий байгууламжийг анодын аргаар боловсруулсан хөнгөн цагаан материалаар бүрэх байдлаар босгожээ. Харин уг барилгын үлдсэн ажлыг холимог болон шингэн силуэт байшинг өмнөх хэлбэрт нь тулгуурлан барьж байсан Жэкоб + Макфарлайн студи  хийсэн байна.  

        Барилгын гадна хэсэгт уран бүтээлчдийн программчилсан интерактив гэрлүүд бүхий хавтангуудыг байрлуулжээ.  Дотроо нийт  3590 ам дөрвөлжин талбайтайгаас 443 шоо дөрвөлжин хэсгийг урлагийн бүтээлийн цуглуулгад, 1196 ам дөрвөлжин хэмжээтэй талбайг үзэсгэлэнгийн танхим, 215 ам дөрвөлжинг сургалтын лаборатори, бичиг баримтын архивт зориулан тохижуулсан бол 478 ам дөрвөлжин талбайд цэцэрлэг, цайны газар, удирдлагын хэсэг байрлана.

       Уран барилгын судалгааны Праг төв нь цаашид урлаг, уран барилга, интерьер дизайны хоорондын харилцаанд анхаарсан соёлын салбарын хөгжилд үнэтэй хувь нэмэр оруулна гэдэгт итгэлтэй байна.