Энэхүү байшин Португалын Алгарвэ дэх Лагос хотод баригджээ. Португалын архитекторч Марио Мартинсын энэхүү байшин нь голын эрэг дагуух чулуурхаг газраас ургасан мэт харагдах сонин шийдэл, хурц төсөөллөөрөө гарцаагүй ялгарна.

Байшингийн загвараас гадна байршил нь бусдын харааг эрхгүй булаана. Дугуйрсан хэлбэр нь байшингийн урд хэсэгт далайн эргийг санагдуулам усан санг байгуулахад тун ч зохицжээ. 

Байшингийн дотоод засал нь хар цагаан өнгийг хослуулсан засалтай. Муруйж дугуйрсан хэсгийг гадаад засал эвтэйхэн өөрчилж харагдуулж байгаа бол дотоод хэсэгт тайван орчин зонхилно.

 Өргөн том цонхнууд байгалийн гэрэл чөлөөтэй нэвтрэхээс гадна орчин тойрноо тольдон суух боломжийг бүрдүүлсэн байна. Дотоод заслын өчүүхэн хэсгүүдэд хүртэл байгалийн сайхныг биширсэн төсөөлөл шингээстэй.

Орчин үеийн шинэлэг шийдлийг агуулсан орчин үеийн байрны дизайнтай танилцацгаая.