“Том төрөөс ухаалаг төр” лүү шилжих ажлын нэг чухал хэсэг нь иргэд болон  бизнес эрхлэгчдийн оролцоог төрийн бүх шат, үйл ажиллагаанд  хангах явдал билээ. Энэ  үүднээс Монгол улсын Засгийн газраас хөгжлийн бодлого, төлөвлөлтийн тухай хуулийн төслийг боловсруулан холбогдох талуудын санал зөвлөмжийг авах ажлыг зохион байгуулж эхний хэлэлцүүлгийг МҮХАҮТанхим, Эдийн засгийн хөгжлийн яамтай хамтран   зохион байгуулахаар болсон байна.

        Энэхүү хуулийн зорилт нь Монгол Улсын хөгжлийн бодлого, төлөвлөлтийн эрх зүйн үндсийг тодорхойлох, зарчмыг тогтоох, улс, орон нутаг, салбарын хөгжлийн бодлого, төлөвлөлтийн нэгдсэн тогтолцоог бүрдүүлж, уялдааг хангах, хөгжлийн бодлогын баримт бичгийг боловсруулах, батлах, хэрэгжүүлэх, хяналт-шинжилгээ, үнэлгээ хийх, тайлагнахтай холбогдсон харилцааг зохицуулахад оршиж байгаа аж.

Хэлэлцүүлэг 2014 оны 1 дүгээр сарын 13-ны өдрийн 14.00 цагт МҮХАҮТанхимын 507 тоот хурлын танхимд болох гэнэ.