Нийслэлчүүд бид агаарын бохирдлоо бууруулахаар сүүлийн жилүүдэд ихээхэн анхаарал хандуулж олон төрлийн арга замыг эрэлхийлж тэдгээрээс заримыг нь хэрэгжүүлж, туршиж, шалгаж үзсээр ирсэн ч төдийлөн үр дүнд хүрэлгүй байсаар 2014 оны босгыг давлаа.

Өнөөдрийн байдлаар нийслэлд агаарын бохирдлыг үүсгэж буй цөөн тооны томоохон хэдэн хүчин зүйл байдаг. Эдгээрээс хамгийн их нөлөө үзүүлж буй нь 180,000.0 орчим өрх, гэр хорооллын оршин суугчид байдгаас тал хувь нь гэр сууцанд, тал хувь нь байшин сууцанд амьдарч байна гэсэн тооцоолол байдаг. Нэг айл жилд тус бүр 5.0 тн нүүрс түлнэ гэж тооцвол жилдээ 900,000.0 тн орчим нүүрс шатаагдаж үүнээс үүдэлтэй хорт хий, угаар агаарт дэгдэн гарч нийслэлчүүд биднийг хордуулсаар байна.

Тиймээс нийгмийн өмнө тулгамдаад буй хамгийн том бэрхшээл болох агаарын бохирдлыг бууруулахын тулд хамгийн энгийн ухаанаар агаарын бохирдол бууруулах арга замыг оновчтой тодорхойлж тэдгээр арга замын нийгэм эдийн засгийн үр өгөөжийг сайтар тооцон ажлын зөв дараалалд оруулан хэрэгжүүлэх нь агаарын бохирдол буурахад ихээхэн үр дүнгээ өгөхөөр харагдаж байна.

Энгийн үгээр хэлэхэд бид өвлийн хүйтэнд даарч байхдаа хэчнээн халуун цай унд уусан ч тухайн мөчид дулаацахаас биш удаан хугацаанд дулаан явдаггүй шүү дээ. Хамгийн сайн арга зам нь дулаахан хувцасаа өмсөөд дараа нь халуун цай хоол ундаа уувал тэр хэрээр удаан хугацаанд дулаахан байж болдогт оршино.

Үүний нэгэн адилаар агаарын бохирдлыг бууруулах энгийн хэрнээ шилдэг арга нь бид эхлээд барилга байшингаа дулааны нэгээхэн ч алдагдалгүй болгож дулаалах, ингэснээрээ жилд хэрэглэх эрчим хүчнийхээ хэрэглээ, зардлаа үлэмж хэмжээгээр бууруулах боломжийг бүрдүүлэх, үлдэж буй эрчим хүчний хэрэгцээгээ багахан хэмжээний нүүрсийг эрчим хүчний хэмнэлттэй утаагүй зуухаар шатаах замаар хангах нь хамгийн үр дүнтэй байна гэж тодорхойлж болох юм.

(ДУЛААЛГА+УТААГҮЙ ЗУУХ)=УТААГҮЙ ОРЧИН

Тиймээс бид юун түрүүнд байшингаа маш сайн дулаалах хэрэгтэй гэдэг дүгнэлтийг хийх шаардлагатай болж байна.

Дулаалга, энэ талаар ярихад бид юун түрүүн орон сууцаа аль болох хямд материалаар хэрхэн бага зардал гарган дулаалах талаар л бодолхийлдэг. Гэтэл үнэн хэрэгтээ бид өөрсдийн амь амьдралаа цогцлоон буй орон гэрээ сэтгэл зүрх гарган дулаалахын оронд илүү үнээр машин тэрэг худалдан авах, аялал зугаалгаар явах зэргээр жил тутам багагүй хэмжээний үргүй зардлыг гаргасаар л байдаг шүү дээ.

Тэгвэл бид үүнээс илүүтэйгээр хамгийн үр ашигтай эрчим хүчний хэмнэлттэй, эко, хүний эрүүл мэндэд хоргүй, галын аюулгүй дулаалгын материал гэж юу юм бэ? түүний давуу тал мөн чанар юу болох? түүнийг ашиглан орон гэртээ дулаалга хэрхэн хийж болох вэ?үүнийг хийх санхүүгийн оновчтой механизм нь юу байх вэ зэрэг талаар тунгаан бодох цаг нэгэнт тулгарч иржээ.

Тиймээс байшин барилга, орон гэрээ дулаалахдаа эрчим хүчний хэмнэлттэй, дулаан тусгаарлах үзүүлэлт хамгийн өндөр, үр ашигтай материалыг хэрхэн сонгож авахад асуудлын гол оршиж байна.

Тиймээс энэ талаар хэрэглэгчийг зөв сонголт хийхэд зориулж бяцхан зөвлөмжийг хүргэхэд өнөөгийн нөхцөлд бид аль ч төрлийн барилга байшингаа уламжлалт аргаар буюу шилэн хөвөн, цагаан хөөсөнцөр хавтан ашиглан дулаалга хийх нь ихээхэн түгээмэл байдаг шүү дээ.

Тэгвэл эдгээр уламжилалт арга нь өөрийн гэсэн давуу талуудтай ч багагүй хэмжээний дутагдалтай талуудыг мөн өөртөө агуулдаг нь барилгад эрчим хүчний алдагдал үүсгэх гол эх үүсвэр болдог байна.

Тиймээс эдгээр аргачлалболон материалууд нь цаг үеийн шаардлага хангаж байна уу?

Уламжлалт дулаалгын материалууд

Манайхан голдуу урд хөршид үйлдвэрлэсэн шилэн хөвөнгөөр байшин сууцаа дулаалдаг. Шилэн хөвөнгөөр барилгын хаана ч дулаалга хийх боломжтой ч тухайн гадаргуутай нэг биет болдоггүй, хоорондын зай завсараар халуун хүйтэн агаарын солилцоо үүсч тухайн хэсгийн үндсэн гадаргууд агаарын чийгшил үүсэх нөхцлийг бүрдүүлдэг бөгөөд энэ нь бүхэлдээ материалын дулаан тусгаарлах чанарыг бууруулдаг.

Тэгвэл цагаан хөөсөнцөр хавтангийн тухайд хоорондын залгаасаар мөн дулаан алдагдах боломжтой бөгөөд ихэнх үйлдвэрлэгчидийн хувьд энэхүү материал нь галын аюулд өртөмтгий материал байдаг.

Тиймээс техник технологийн хөгжил эрчимтэй хөгжиж буй өнөөгийн нөхцөлд хамгийн үр дүнтэй материал юу вэ энэ маань өнөөгийн цаг үеийн шаардлагыг хангаж байна уу гэдэгт та бүхэн нэг дүгнэлт хийгээрэй.

1.    Байшин сууцны мансарданд шилэн хөвөнгөөр хийсэн дулаалга үр дүнгээ өгөөгүй тул 2- 3 жилийн дараа буцаан авч дахин дулаалга хийж буй явц

Манай ард түмэн “тэвнийн чинээ нүхээр тэмээн чинээ салхи” гэж ярьдаг шүүдээ. Энэ ёгт үг өнөөгийн бидний амьдралд яг л биелэлээ олжээ.

Тухайн үедээ бага үнэтэй материалаар дулаалга хийсэн мэт санагдавч энэ нь дунд хугацаанд заавал дахин илүү эрчим хүчний алдагдал үүсэх үндсэн шалтгаан болдог.

Тиймээс бид “Kopea cтандарт” ХХК-ийн хамт олон нийслэлийн агаарын бохирдлыг бууруулах үйлсэд хувь нэмэр оруулах үүднээс залгаасгүй, зай завсаргүй нийлмэл бүтэц бүхий дулаагын материал буюу шүрших хөөсөн дулаалгын материалыг ашиглан дулаалга хийж дулааны бодит алдагдлыг хэрхэн бууруулж болох, улмаар эрчим хүчинд зарцуулж буй нүүрсний хэрэглээг хэрхэн бууруулж болохыг харуулах зорилгоор Нийслэлийн Агаарын Чанарын албанд хүсэлт гаргасны дагуу тэдгээрийн сонгосон айлын байшинг дулаалж үр дүнг танилцуулахаар шийдсэн юм.

2. Сонгосон айл.

Чингэлтэй дүүрэг Дулаалга хийхийн өмнө

Шилэн хөвөн дулаалгатай, тоосгон өрөг бүхий байшин сууц. 6*7 хэмжээтэй

3. Дулаан алдагдлыг хэмжихэд:

Гадаа -25 хэмийн хүйтэн байхад байшингийн гадна ханын хувийн дулаан дундаж (Х) цэгт -10,3 хэм байна. Энэ нь байшингийн ханаар дамжин доторх дулаан маш хурдан хугацаанд тархан гадагшилж байгааг харуулж байна.

4. Дулаалга гүйцэтгэсний дараа:

Гадна орчны хэм -25 байхад гадна ханын хэм (Х) цэгт -22.8 болж буурсан байна. Энэ нь ханын хэсгээр дамжин гадагшилж байсан дулааны урсгал зогссон буюу дулааны алдагдалгүй болсон болохыг харуулж байна.

5. Барилгын дотор хийгдэж буй дулаалгын ажлын явц

6. Дулаалгыг хийснээр байшинг халаахад ашигладаг нүүрсний хэрэглээг 2 дахин бууруулах боломжтой болох нь харагдаж байна.

7. Гэр хороололд байшин сууцтай 80,000.0 өрх байна гэж тооцвол 240,000.0 тн буюу 4000 вагон нүүрсийг шатааж мөн хэмжээний хорт бодис агаарт дэгдэхээс урьдчилан сэргийлэх боломж байгааг харуулж байна.

8. Дулаалгын технологийн онцлог. (Шүрших дулаалгын хөөс)

Давуу талууд нь:

• Зай завсар үүсэхгүй
• Залгаас үүсэхгүй
• Хүний бид хор нөлөөгүй
• Байгаль орчинд ээлтэй
• Галд тэсвэртэй
• Мөөгөнцөр үүсэхгүй
• Дулаан тусгаарлах чадамж өндөр

Дотор ханын дулаалга

Таазны дулаалга

Мансардны дулаалга

Гадна ханын дулаалга

Дээврийн дулаалга

Энэхүү дулаалгыг жижиг байшин сууцнаас эхлэн томоохон бүтээн байгуулалтын барилга байгууламжийн дулаалгын асуудлыг шийдвэрлэхэд ашиглахад нэн тохиромжтой юм.

“Kopea стандарт”ХХК 2014 он