Ямар ч улс орны хамгийн үнэ цэнэтэй, эрхэмлэх зүйлсийн нэг нь үндэсний өв соёл.Бидэнд уламжлагдан ирсэн өв соёл түүхийг ирээдүй хойч үедээ үлдээхийн тулд өөрсдөөсөө шалтгаалах зүйлсийг хийх хэрэгтэй.   

     Үндэсний өв соёлыг орчин үетэй нь хослуулан авч үлдэх зорилгоор барилга архитектур, интерьер дизайны бүхий л төрөл /стильд/ үндэсний хээ, өнгө, гар урлал, ахуйн хэрэглээний зүйлсийг шингээн, хослуулах бүрэн боломжтой юм.

      Dinning area /classic/  интерьерт эсгий урлал, үлэмжийн чанар дууны үгийг уйгар бичгээр бичэн орууллаа. Хүүхэд байхад үлгэр номонд гардаг туйлс, уул үүлэн хээ зэргийг орчин үеийн интерьерт хослуулан шийдсэн.

      Монгол урчуудын гар урлал, тэр дундаа эсгий урчуудын хийц урлалыг интерьерийн хосломол шийдлээр тусгаж өгсөн нь гэр бүлийн уур амьсгал, үр хүүхдийн эх түүхээ мэдэх гэх мэт зүйлд ач холбогдолоо өгдөг.

     Хаусны гадна болон шатны хашлагат мөн үндэсний билэгдэл, хээг оруулсан. Энэ нь классик стильтэй илүүтэйгээр зохицож байна. Хаан бугуйвч, хатан сүйх зэргийг гэр бүлийн ноён нуруу тэгш, энхтайван, амар амгаланг билгэддэг.

     Оффис албан тасалгаа, тэр дундаа /boss room/ буюу захирал, ерөнхийлөгчийн өрөөний нэр өрөөний дугаар, албан тушаал зэргийг арьсан дээр дардас оруулсан нь тухайн хаалга, оффисийн интерьерийг тансаг мэдрэмж төрүүлэх нэг хэсэг болно.

       Алхан хээний модулийг эвдэж модерн хэлбэрт оруулсан. Энэхүү ширээг тус тусд нь авч нийлүүлбэл алхан хээ болно. Бид шаардлагатай үед ширээ засах зэрэг хэрэгцээ гардаг. Аливаа хэрэглээнд тохируулан, үндэсний хээний төрлийг ашиглахаар зорьсон юм.

      Монгол үндэсний интерьерийг илүүтэйгээр тодруулан харуулах бас нэгэн зүйл нь тавилга юм. Тансаг /Luxury/ тавилга дээрх хээ, сийлбэр зэрэг байх нь барууны орны классик стильд түгээмэл байдаг. Харин үндэсний хээг тавилгын хаалган дээр, гоёлын хүрээ зэрэгт шигтгэж өгсөнөөр интерьерийг илүү үндэсний өнгө төрхтэй харагдуулдаг байна. Мөн бидний ахуйн хэрэглээнд байсан тулга, илүүр, цацал, домбо гэх зэрэг эртний нүүдлийн соёл эргэншилд хэрэглэгддэг байсан зүйлсийг дээрх тавилгатай тохируулан сувинер магадгүй өдөр тутмын хэрэглээнд оруулж байгаа нь онцлох дизайн болно.

      Бид хөгжил дэвшил, суурин иргэншилд орсон цагаас өөрсдийн хэрэглэж байсан хэл бичиг, эд зүйл, зан үйл зэргийг бага багаар орхигдуулж байгаа нь өнөө цаг үед ихэд харагдаж байгаа. Иймээс монгол ахуйн соёл, зан үйл зэргийг өвлөн авч орчин үетэй нь хослуулан хадгалж үлдэх нь бидний үүрэг билээ.

       Арслантай, эрээн авдар гэхэд манайд мэдэхгүй хүн байхгүй. Харин өрөөний интерьерт уламжлан авч үлдсэн авдар нь зохицохгүй тохиолдол ажиглагддаг. Мөн адил авдарын нүүрэн хэсэгт байдаг хээ, угалз зэргийг арьсан дээрх дардасаар хийж урлаж байна. Арьсан салон, арьсан буйдан зэрэг нь тансаг байдлыг ихэд илтгэдэг. Иймээс тавилга, интерьерт арьсан материалыг үндэсний гар урлалтай хосломол шийдлээр шйидсэн.

      Үндэсний шагайн наадгай алаг мэлхий түүх, морь уралдуулах, дөрвөн бэрх хаях зэрэг бидйний бахархалтай үндэсний тоглоом бий. Дахин давтагдашгүй, тансаг интерьерт зохицох өөрийн өнгө төрхийг агуулсан бэрхийн дөрвөн шагайг зочны өрөөний тавиур, ханын стенк, зурагтын тавиур зэрэгт хаалганы бариул болгон шийдсэн. Магадгүй танд уламжлан өвөлж ирсэн хөөрөг, хэт хутга, мөнгөн аяга, морин хуур, бөхийн зодог шуудаг гэх мэтчилэн үндэсний үнэт өв соёл байдаг бол түүнийг агуулах тавилга, тавиур нь интерьерт хэрхэн харагдах нь чухал юм.