Та нийгмийн тулгамдсан асуудал болоод буй хотын хүн амын нягтаршилыг арилгахын тулд хотын захын оршин суугчдыг хэрхэн зохион байгуулах байсан бэ? Уг барилгын  ажил нь “VM House”- ийн хувьд 2 дахь төслийн ажил юм. \ижил түвшний оршин суугчид, ижил хэмжээ,ижил орчин зэрэг шаардлагыг хангах зорилготой.\
 
Тайлбар: VM гэдэг нь “JDS Architects” болон “Bjarke Ingels Group” -ийн  Денмарк хотод хэрэгжүүлсэн  орон сууцны барилгын төсөл юм. М төсөл нь 2004 онд 94 нэгжтэйгээр дууссан бол V төсөл нь 114 нэгжтэйгээр 2005 онд дууссан байна.
 
      Хэрхэн авто зогсоолын орон зайг терассан  амины сууцны суурь болгох вэ? Яг л барилгын нимгэн өнгөлгөөт давхаргаар хучигдсан бетонон  уул  шиг. Энэ 11 давхар шатлал бүхий барилга нь өөр хоорондоо дараах байдлаар 2 хэсэгт хуваагдана. Авто зогсоол болон орон сууцны блок.  Энэ 2 харилцан хамааралтай функцыг хооронд нь нэгтгэхийг зорьсон байна.
Төслийн 3\2- ийг авто зогсоол, 3\1- ийг амьдрах талбай эзэлнэ.
 
        Зогсоолын орон зай  нь гаднах гудамжтай холбогдох шаардлагатай, мөн орон сууцанд нарны гэрэл, цэвэр агаар, орчны харагдац хэрэгтэй. Бүх орон сууц нь наран тал руу  харсан дээврийн цэцэрлэгт хүрээлэнтэйгээс гадна  үзэсгэлэнтэй харагдах орчноор хүрээлэгдэнэ. Дээврийн цэцэрлэгт хүрээлэн нь террас, ногоон байгууламжаас бүрдэх ба улирал солигдоход өөрийн өнгө аясаа мөн өөрчлөх аж.
Дээврийн цэцэрлэгт хүрээлэнд зориулан өндөр хүчин чадлын усан хангамж төлөвлөж өгсөн байна.
Өрөөнд нарны гэрэл, цэвэр агаар оруулах зорилгоор орон сууц болон  цэцэрлэгт хүрээлэнг  гүйдэг хаалга бүхий шилэн ханан фасадаар тусгаарлажээ.
 
     Орестаденд эхний 80 орон сууцны авто зогсоол руу гаднаас шууд орохоор төлөвлөгдсөн бол бусад 480 автомашиныг уулан доторх ташуу цахилгаан шатны тусламжтайгаар зөөвөрлөдөг байна. Зарим газраа таазны өндөр нь 16 м хүртэл өндөр байх ба энэ нь сүмийн орон зайг санагдуулам сэтгэгдэл төрүүлдэг.
 
       Байгууламжийн хойд болон баруун талыг  нүхтэй хөнгөн цагаан хавтанцраар бүрснээр агаар болон байгалийн гэрлийг зогсоолын талбай руу оруулж өгнө. Байгууламжийн гадна фасадны хэлбэрийг Эверэст уулнаас санаа авч хийжээ. Өдөр болоход гадна хананы хавтанцруудын нүхээр өнгөлсөн хавтан харагдах ба энэ нь гадаргууд асар том фото зургийг бий болгоно. Шөнийн цагаар гадна фасад нь дотроосоо гэрэлтэж зогсоолын талбай болон давхар бүр өөр өөр өнгөтэй болдог байна.
Энэхүү уул хэлбэрийн  байгууламж нь хотын төвийн нягтрал ихтэй замбараагүй амьдралаас хотын захын амар тайван амьдралыг санаачилж, санал болгож байгаа төсөл сонирхолтой ажээ.
       Иймээс Улаанбаатар хотын хүн амын төвлөрлийг шийдвэрлэх, замбараагүй тэлсээр байгаа гэр хорооллыг цэгцлэх үүднээс гэр хорооллын дахин төлөвлөлтийн ажлыг эхлүүлээд буй энэ цагт санаа авахуйц төсөл хэмээн энэхүү мэдээллийг бэлтгэн хүргэлээ.