Монголын барилгын материал үйлдвэрлэлийн талаар төрөөс баримталж буй бодлого чиглэлийг танилцуулах, барилгын материалын үйлдвэрлэлд орчин үеийн дэвшилтэт техник, технологи нэвтрүүлэх, ногоон барилгын концепцийг хэрэгжүүлэх зорилгоор “Ногоон барилга бидний ирээдүй” уриан дор “Үйлдвэрлэл ба Инноваци” барилгын материал үйлдвэрлэгчдийн уулзалтыг 2014 оны 4 сарын 26-ны өдөр зохион байгуулах гэж байна.

Уулзалтанд БХБЯам, Монголын Барилгын Материал Үйлдвэрлэгчдийн Холбоо /МБМҮХ/, Барилгын Хөгжлийн Үндэсний Нэгдсэн Төв /БХҮНТ/, Нийслэлийн Жижиг Дунд Үйлдвэрлэлийг Дэмжих Төв, Барилга.МН Барилгын Зөвлөгөө Мэдээллийн Төв зэрэг төрийн болон мэргэжлийн төрийн бус байгууллагууд оролцож барилгын материалын үйлдвэрлэлд баримтлах төрийн бодлого, ногоон барилга, дэвшилтэт технологи зэрэг сэдвүүдээр илтгэл тавина.

Солонгос улсын Барилгын Технологийн Хүрээлэнгийн төлөөлөгчид, эрдэмтэд болон ногоон барилгын чиглэлээр үйл ажиллагаа явуулдаг компаниудын 10 гаруй төлөөлөгчид хүрэлцэн ирж, энэхүү уулзалтанд Солонгос улсын ногоон барилгын бодлого, үйл ажиллагааны талаар танилцуулах болно. Уулзалтанд хүрэлцэн ирснээр 2014 оны 4 сарын 25-27 өдрийн хооронд зохиогдож буй “Барилга Экспо-2014” олон улсын үзэсгэлэн яармагыг үзэж гадаад, дотоодын аж ахуй нэгжүүдийн брэнд барилгын материал, шинэ дэвшилтэт технологитой танилцах боломжтой.

Барилгын материалын үйлдвэрлэлийн чиглэлээр үйл ажиллагаа явуулж байгаа аж ахуйн нэгж байгууллагын удирдлагууд, төлөөлөгчдийг  “Үйлдвэрлэл ба Инноваци” барилгын материал үйлдвэрлэгчдийн уулзалтанд 2014 оны 4 сарын 26-ны 10:30 цагт “Мишээл Экспо” төвийн үзэсгэлэнгийн 2-р давхарын хурлын танхимд хүрэлцэн ирэхийг урьж байна.

Оролцогчдын тоо хязгаартай урьдчилан бүртгүүлнэ үү. (Үнэ төлбөргүй)
Хариуцсан ажилтан: Г.Номин Утас: 99907816 Имэйл: nomin@barilga.mn
(Байгууллагын нэр, албан тушаал, утас, мэйл хаягаа илгээнэ үү.)