Дэлхийн хувцас загварын шилдэг бренд болох “Hermes” компани Парис хотод 3 дахь салбараа саяхан нээсэн юм. Шинэхэн дэлгүүрийн дотоод засал тус брендийн хэрэглэгчдэд маш их таалагдсан бөгөөд хувцас худалдан авах гэж бус дэлгүүрийн доторх тохижилттой танилцах хүсэлтэй иргэд  олширсон байна. “Hermes” бренд энэ дэлгүүрийг нээхийн тулд чамлахааргүй их хөрөнгө зарцуулсан гэдгээ мэдэгдсэн. Зөвхөн дэлгүүрийн барилга болох хуучин усан сангийн зориулалтаар ашиглаж байсан барилгыг худалдан авахын тулд сая доллар зарцуулжээ. Усан сангийн байрыг дэлгүүр болгохын тулд мөн тооны хөрөнгө зарцуулсан бөгөөд шалны хэсгийг гэхэд хуучин ус байсан газар гэдгийг мэдэгдүүлэхээр засч янзалсан нь сөнөсөн тэнгисийн газарт байгаа ч юм шиг санагдуулдаг гэнэ. Харин гутал, цүнх, гадуур хувцас зэрэг  тасгуудыг ангилахдаа Монгол гэрийн ханыг дугуйлаад орхисон мэт шийдэлтэйгээр хийжээ. Энгийнээр хэлбэл  цулгуй том талбайд гэрийн ханыг энд тэнд дугуйлан дотор нь бараа бүтээгдэхүүнээ ангилан байрлуулж өгсөн байна. Зурагт илүү тодорхой харагдах биз ээ.