Д.Цэнгэлмаа: Улаанбаатар цахилгаан сүлжээ энэ жил 2,3 тэрбумаар засвар хийнэ
Нийслэл хотод барилга угсралт, засварын ажил ид эхлэж байгаа энэ үед бидний гол хэрэглээ цахилгааныг хариуцан ажилладаг “Улаанбаатар цахилгаан түгээх сүлжээ” ТӨХК-ний сүүлийн үед хийгдэх ажлын талаар тус компаний олон нийттэй харилцах мэргэжилтэн Д.Цэнгэлмаагаас тодрууллаа.
-Улаанбаатар цахилгаан түгээх сүлжээ компани энэ онд хийгдэх засварын ажлаа ямархуу зохион байгуулалтаар хийх гэж байна вэ?
-Манай компани жил бүрийн 3-9 дүгээр саруудад их ба урсгал засварын ажил хийдэг. Сүүлийн жилүүдэд улсын болон нийслэлийн хөрөнгө оруулалттай өргөтгөл, шинэчлэлийн ажлууд ч эрчимтэй хийгдэж байгаа. Засварын ажлын хувьд төлөвлөгөөгөө жилээр гаргадаг бол хуваарийг сар сараар гаргадаг. Хүчдэлтэй нөхцөлд засварын ажил хийх боломжгүй учраас хүчдэлийг түр таслах хэрэгтэй болдог. Тиймээс ирэх сарын засварт ажлын хуваарийг өмнөх сарын сүүлээр өдөр тутмын сонин, сайт, мессэжээр хэрэглэгчдэд мэдээлдэг. Харин аж ахуйн нэгжүүдэд утсаар залгаж, урьдчилан сануулдаг юм. Тухайлбал энэ сарын засварын хуваарь Өдрийн сонины гуравдугаар сарын 31-ний дугаарт гарсан байгаа. Мөн онлайнд өөрийн цахим хуудсандаа байрлуулсан.
-Нийслэл хот дахь цахилгааны шугам тоноглолд энэ жил ямар өртгөөр, хэр хэмжээний засвар хийхээр төлөвлөсөн бэ?
-Энэ жилийн хувьд 604 хаалттай дэд станц, 980 агаарын дэд станц, 35 КТПН, 40 хуваарилах байгууламж, 48 ш 35 кв-ын дэд станцад засварын ажил хийгдэнэ. Мөн 6/10 кВ-ын 169, 35 кВ-ын 19 цахилгаан дамжуулах агаарын шугамд аянгын улирлын бэлтгэл ажил хийгдэхээр төлөвлөсөн. Засварын ажлыг компани өөрийн хөрөнгөөр хийдэг юм. Энэ онд 2,3 тэрбум төгрөгийн төсөвт өртөгтэй засварын ажил хийхээр төлөвлөн хуваарийн дагуу ажлаа эхлүүлээд явж байна.
-Танайх олон тооны хэрэглэгчидтэй харьцдаг үйлчилгээний байгууллага. Хэрэглэгчдээс ирэх гомдол санал хэр их байдаг вэ? Ямархуу төрлийн саналууд давамгайлдаг вэ?
-УБЦТС компаний үйлчилгээний хүрээнд нийслэлийн 8 дүүрэг болон Төв аймгийн 16 сумын нийт 245 мянга гаруй хэрэглэгч харьяалагддаг. Мэдээж үйлчилгээ үзүүлж байгаагийн хувьд хэрэглэгчдийн санал хүсэлтийг шуурхай хүлээн авч, мэдээллийг цаг алдалгүй өгөхийг чухалчилдаг. Өнгөрсөн оноос манай компани хэрэглэгчидтэйгээ шууд харилцах зорилгоор цахилгаан эрчим хүчний мэдээлэл лавлагааны 70047004 дугаарын утас бүхий дуудлагын төвийг нээсэн. Дуудлагын төвд өдөрт дунджаар 4 мянга орчим хэрэглэгч холбогдон хүссэн мэдээллээ авч, санал хүсэлтээ хэлдэг. Төлбөрийн дүнгийн лавлагаа, бүх төрлийн засвар, гэнэтийн цахилгаан тасралт саатлын үе мөн төлбөрөө хугацаандаа төлөөгүйгээс хэрэглээг нь түдгэлзүүлсэн хэрэглэгчид ихэвчлэн энэ утсанд ханддаг. Санал гомдлыг шийдвэрлэхийн тухайд аль болох шуурхай хариу өгч ажиллахыг эрмэлзэж байна. Бусад төрлийн үйлчилгээний газруудтай харьцуулахад хүчдэлтэй харьцдаг гэдэг утгаараа судлах, тооцоолох, ажилтныхаа хөдөлмөрийн аюулгүй байдлыг хангах зэргээр цаг хугацаа илүү зарцуулдаг ч хэрэглэгчдэд үзүүлэх үйлчилгээнд тавигдах стандарт шаардлагын дагуу хугацаанд нь шийдвэрлэж хариу өгдөг гэж боддог.
-Нэг үеийг бодоход цахилгааны төлбөрөө төлөх тал дээр иргэдийн ухамсар нэмэгдсэн гэж ярьдаг. Цахилгааны төлбөр төлөлт хэр байдаг вэ?
-Цахилгаан эрчим хүчний алдагдлыг бууруулах ажил 2004 оноос хойш маш эрчимтэй хийгдэж байгаа. Мөн техникийн шинэчлэлийг тасралтгүй хийж, борлуулалтын үйл ажиллагааг арилжааны хэлбэрт шилжүүлж, үйлчилгээний төвүүд тусгай программын дагуу ажлаа явуулдаг болсны үр дүнд цахилгаан эрчим хүчний алдагдал хамгийн өндөр байсан үетэй харьцуулбал 30.6 – 17.4 хувь болтлоо буурсан. Мэдээж үүнийг дагаад орлого төвлөрүүлэлт сайжирсан. Ер нь бол нийт хэрэглэгчдийн 80-90 хувь нь төлбөрөө сар бүр төлж хэвшсэн гэж ойлгож болно. Төлөхгүй үлдээд байдаг хэсэгт манай гэр хорооллын хэрэглэгчид түлхүү байгаа, бид хуулийн дагуу зохих арга хэмжээг шат шатанд нь авч хэрэгжүүлдэг.
-Танай байгууллагаас хэрэглэгчдэд хандсан зарим нэг үйлчилгээгээ онлайн хэлбэрт шилжүүлсэн. Энэ хэр үр дүнтэй байна вэ?
-Манай компани саяхан “Цахилгаан хэрэглэгч” онлайн системийг үйлчилгээндээ нэвтрүүлсэн. Нэвтрээд удаагүй ч хандалт ихтэй байгаа шүү. Өглөөнөөс орой хүртэл ажилдагаас төлбөрөө хугацаандаа төлж амждаггүй албан хаагчид маш ихээр ашиглаж байгаа. Манай аль ч хэрэглэгч http://my.tog.mn цахим хаягаар орж, цаг хугацааны хамааралгүйгээр цахилгааны төлбөрөө төлж, төлбөрийн дэлгэрэнгүй мэдээлэл авч, санал хүсэлт илгээж, гэрээгээ шинэчилж, сунгаж, тоолуурын бичилтийг хянаж, заалтыг илгээж болохоос гадна өөрт хэрэгтэй зөвлөмжүүдийг унших боломжтой. Системийн хувьд хэрэглэхэд тун энгийн хялбар.
-Улаанбаатар цахилгаан түгээх сүлжээ компани энэ онд хийгдэх засварын ажлаа ямархуу зохион байгуулалтаар хийх гэж байна вэ?
-Манай компани жил бүрийн 3-9 дүгээр саруудад их ба урсгал засварын ажил хийдэг. Сүүлийн жилүүдэд улсын болон нийслэлийн хөрөнгө оруулалттай өргөтгөл, шинэчлэлийн ажлууд ч эрчимтэй хийгдэж байгаа. Засварын ажлын хувьд төлөвлөгөөгөө жилээр гаргадаг бол хуваарийг сар сараар гаргадаг. Хүчдэлтэй нөхцөлд засварын ажил хийх боломжгүй учраас хүчдэлийг түр таслах хэрэгтэй болдог. Тиймээс ирэх сарын засварт ажлын хуваарийг өмнөх сарын сүүлээр өдөр тутмын сонин, сайт, мессэжээр хэрэглэгчдэд мэдээлдэг. Харин аж ахуйн нэгжүүдэд утсаар залгаж, урьдчилан сануулдаг юм. Тухайлбал энэ сарын засварын хуваарь Өдрийн сонины гуравдугаар сарын 31-ний дугаарт гарсан байгаа. Мөн онлайнд өөрийн цахим хуудсандаа байрлуулсан.
-Нийслэл хот дахь цахилгааны шугам тоноглолд энэ жил ямар өртгөөр, хэр хэмжээний засвар хийхээр төлөвлөсөн бэ?
-Энэ жилийн хувьд 604 хаалттай дэд станц, 980 агаарын дэд станц, 35 КТПН, 40 хуваарилах байгууламж, 48 ш 35 кв-ын дэд станцад засварын ажил хийгдэнэ. Мөн 6/10 кВ-ын 169, 35 кВ-ын 19 цахилгаан дамжуулах агаарын шугамд аянгын улирлын бэлтгэл ажил хийгдэхээр төлөвлөсөн. Засварын ажлыг компани өөрийн хөрөнгөөр хийдэг юм. Энэ онд 2,3 тэрбум төгрөгийн төсөвт өртөгтэй засварын ажил хийхээр төлөвлөн хуваарийн дагуу ажлаа эхлүүлээд явж байна.
-Танайх олон тооны хэрэглэгчидтэй харьцдаг үйлчилгээний байгууллага. Хэрэглэгчдээс ирэх гомдол санал хэр их байдаг вэ? Ямархуу төрлийн саналууд давамгайлдаг вэ?
-УБЦТС компаний үйлчилгээний хүрээнд нийслэлийн 8 дүүрэг болон Төв аймгийн 16 сумын нийт 245 мянга гаруй хэрэглэгч харьяалагддаг. Мэдээж үйлчилгээ үзүүлж байгаагийн хувьд хэрэглэгчдийн санал хүсэлтийг шуурхай хүлээн авч, мэдээллийг цаг алдалгүй өгөхийг чухалчилдаг. Өнгөрсөн оноос манай компани хэрэглэгчидтэйгээ шууд харилцах зорилгоор цахилгаан эрчим хүчний мэдээлэл лавлагааны 70047004 дугаарын утас бүхий дуудлагын төвийг нээсэн. Дуудлагын төвд өдөрт дунджаар 4 мянга орчим хэрэглэгч холбогдон хүссэн мэдээллээ авч, санал хүсэлтээ хэлдэг. Төлбөрийн дүнгийн лавлагаа, бүх төрлийн засвар, гэнэтийн цахилгаан тасралт саатлын үе мөн төлбөрөө хугацаандаа төлөөгүйгээс хэрэглээг нь түдгэлзүүлсэн хэрэглэгчид ихэвчлэн энэ утсанд ханддаг. Санал гомдлыг шийдвэрлэхийн тухайд аль болох шуурхай хариу өгч ажиллахыг эрмэлзэж байна. Бусад төрлийн үйлчилгээний газруудтай харьцуулахад хүчдэлтэй харьцдаг гэдэг утгаараа судлах, тооцоолох, ажилтныхаа хөдөлмөрийн аюулгүй байдлыг хангах зэргээр цаг хугацаа илүү зарцуулдаг ч хэрэглэгчдэд үзүүлэх үйлчилгээнд тавигдах стандарт шаардлагын дагуу хугацаанд нь шийдвэрлэж хариу өгдөг гэж боддог.
-Нэг үеийг бодоход цахилгааны төлбөрөө төлөх тал дээр иргэдийн ухамсар нэмэгдсэн гэж ярьдаг. Цахилгааны төлбөр төлөлт хэр байдаг вэ?
-Цахилгаан эрчим хүчний алдагдлыг бууруулах ажил 2004 оноос хойш маш эрчимтэй хийгдэж байгаа. Мөн техникийн шинэчлэлийг тасралтгүй хийж, борлуулалтын үйл ажиллагааг арилжааны хэлбэрт шилжүүлж, үйлчилгээний төвүүд тусгай программын дагуу ажлаа явуулдаг болсны үр дүнд цахилгаан эрчим хүчний алдагдал хамгийн өндөр байсан үетэй харьцуулбал 30.6 – 17.4 хувь болтлоо буурсан. Мэдээж үүнийг дагаад орлого төвлөрүүлэлт сайжирсан. Ер нь бол нийт хэрэглэгчдийн 80-90 хувь нь төлбөрөө сар бүр төлж хэвшсэн гэж ойлгож болно. Төлөхгүй үлдээд байдаг хэсэгт манай гэр хорооллын хэрэглэгчид түлхүү байгаа, бид хуулийн дагуу зохих арга хэмжээг шат шатанд нь авч хэрэгжүүлдэг.
-Танай байгууллагаас хэрэглэгчдэд хандсан зарим нэг үйлчилгээгээ онлайн хэлбэрт шилжүүлсэн. Энэ хэр үр дүнтэй байна вэ?
-Манай компани саяхан “Цахилгаан хэрэглэгч” онлайн системийг үйлчилгээндээ нэвтрүүлсэн. Нэвтрээд удаагүй ч хандалт ихтэй байгаа шүү. Өглөөнөөс орой хүртэл ажилдагаас төлбөрөө хугацаандаа төлж амждаггүй албан хаагчид маш ихээр ашиглаж байгаа. Манай аль ч хэрэглэгч http://my.tog.mn цахим хаягаар орж, цаг хугацааны хамааралгүйгээр цахилгааны төлбөрөө төлж, төлбөрийн дэлгэрэнгүй мэдээлэл авч, санал хүсэлт илгээж, гэрээгээ шинэчилж, сунгаж, тоолуурын бичилтийг хянаж, заалтыг илгээж болохоос гадна өөрт хэрэгтэй зөвлөмжүүдийг унших боломжтой. Системийн хувьд хэрэглэхэд тун энгийн хялбар.