Дэлхийн хамгийн том ургамлын хүлэмж  Эден  нь Газар дундын тэнгисийн биом, гадаад биом, Лондонгийн цамхагийг бүхэлд нь багтаахуйц том хэмжээтэй халуун орны биом гэсэн 3 үндсэн хэсгээс бүрдэнэ. Халуун орны биомд нь дэлхийн хамгийн том хиймэл ширэнгэ, олон зүйлийн ургамал, модод мөн асар том хүрхрээ бий.  Хүлэмжийн автомат  чийгшүүлэгч төхөөрөмж нь өдөртөө 60 хувь, харин орой 90 хувийн чийгшилтэй байлгана.  Газар доор суурилуулсан хоолойн тусламжтай хөрсийг усжуулан хүрхрээний усыг дахин ашиглаж агаарын чийгшлийг нэмэгдүүлэх давхар үүрэгтэй.


       
       Харин Газар дундын тэнгисийн биом харьцангуй хуурай орчинд Калифорни болон Өмнөд Африкийн ургамлууд ургах таатай нөхцлийг бүрдүүлсэн. Эдгээр ургамлын тоонд чидун жимс, нимбэг, болон усан үзмийн мод орох ажээ.  Мөөгөнцрөөс сэргийлэх үүднээс  хэсгийн агаарын чийгшил харьцангуй байх ёстой.


     
        Гадаад биомын хувьд Англи улсад ургадаг Лаванда, Гашиш, Цайны мод, Наранцэцэг гэх мэтчилэн ургамал тарьсан.  Мөн хүлэмжид ямар төрлийн ургамал, ногоо нь эмчилгээ, хүнс, төрөл бүрийн материал, биотүлшний зориулалттай болох талаар бүх төрлийн зөвлөгөөг өгдөг.  2011 онд төслийг санаачлагч Тим смит дэлхийн Хармони Ран байгууллагаас хойч үед тустай үйл хийсэн хэмээн тусгай шагнал хүртсэн бөгөөд жилийн дөрвөн улиралд энэхүү ургамлын хүлэмж таван тивийн хүмүүст нээлттэй үйл ажиллагаагаа явуулдаг байна.