Барилгын тухай хуулийн шинэчилсэн найрууллагад “Барилгын материалын үйлдвэрлэлийг тусгай зөвшөөрлийн дагуу эрхэлнэ” хэмээн заасны дагуу энэ төрлийн үйлдвэр эрхлэгчид тусгай зөвшөөрөл авах болсон билээ. Одоогийн байдлаар манай улсад барилгын материалын үйлдвэр эрхэлдэг 800 шахам аж ахуйн нэгж байгаа ч 200 гаруй нь тусгай зөвшөөрлөө авчээ.
Үйлдвэр эрхлэгчид тусгай зөвшөөрөл авах хүсэлтээ Монголын барилгын материал эрхлэгчдийн холбоо /МБМЭХ/-нд тавьсны дагуу холбогдох мэргэжлийн хүмүүс очиж танилцан мэргэжлийн үнэлгээ өгч, нийт гишүүдийн хурлаар оруулж, олонх зөвшөөрсөн тохиолдолд тусгай зөвшөөрөл олгодог. Засвар үйлчилгээ, тохижилтын ажил ид эхлэж байгаа энэ үед барилгын материал үйлдвэрлэгч хэд хэдэн аж ахуй нэгж тусгай зөвшөөрөл авах хүсэлтэй байгаагаа илэрхийлж өргөдлөө ирүүлжээ. Үүний дагуу Барилгын хөгжлийн үндэсний нэгдсэн төвийн гүйцэтгэх захирал Г.Батсүх болон МБМҮХ-ны эксперт Р.Бямбажав, Г.Даваадорж, Б.Жамбалдорж нарын хүмүүс “Ezkоn”, “Азийн говь”, “РЭС” гэсэн гурван үйлдвэртэй танилцлаа.
Хамгийн анх “РЭС” бетон зуурмагийн үйлдвэртэй танилцав. Гадаад тохижилт, ажилчидын тав тух зэрэгт боломжийн анхаарсан ч зуурмгын сорьц авах мэргэжлийн лаборатори байхгүй байгааг шалгалтынхан шүүмжилсэн. Үйлдвэрийн дарга Ш.Чулуунбат “Өвлийн улиралд үйл ажиллагаа зогсдог учир лабораториа өөр газар шилжүүлсэн.Удахгүй авчирна.” Хэмээн тайлбарлаж байсан юм. Цагт 120м³ бетон зуурмаг үйлдвэрлэх хүчин чадалтай энэ үйлдвэр энэ сарын сүүлээр үйл ажиллагаагаа жигдрүүлэхийг зорьж байгаа гэнэ.



БНСУ-ын хөрөнгө оруулалттай” EZCON” ХХК нь бетон зуурмагийн нэмэлт бодисын үйлдвэр бөгөөд 2-3 төрлийн технологийг бетон зуурмагт нэвтрүүлж, ус багтай, уян хатан өвлийн улиралд тэсвэртэй болгодог байна. Үйлдвэрийн дотоод орчин муу, хөдөлмөр аюулгүй ажиллагааны дотоод журам байхгүй байсан нь шалгалтынханы хараанд өртсөн юм.  Бетон зуурмагт химийн элемент нэмдэг химийн үйлдвэр аюулгүйн ажиллагааны өөрийн гэсэн дүрэмгүй байж болохгүйг сануулсан. Үйлдвэр өвлийн амралттай байсан бөгөөд удахгүй үйл ажиллагаа нь эхлэх юм байна.



Хамгийн сүүлийн үйлдвэр “Азийн говь” ХХК. Хөнгөн бетоны энэ үйлдвэр 2006 оноос үйл ажиллаагаа эхлүүлжээ.  Мөн л үйлдвэрлэлээ эхлүүлээгүй байсан бөгөөд өнгөрсөн зуны зуурмагийн үлдэц наалдаж хатсан техник төхөөрөмжүүд биднийг угтсан. Шалгалтын багийнхан үйлдвэрлэлээ зогсоохдоо төхөөрөмжүүдээ цэвэрлэж байхыг зөвлөж, хөдөлмөрийн нөхцлөө сайжруулж, ажилчдынхаа эрүүл ахуйг бодолцох хэрэгтэйг сануулж байлаа. Үнэхээр хөдөлмөрийн орчиин маш муу, бургисан нарийн шороотой агааржуултын систем байхгүй байсан юм.