Хямд өртөгтэй, урт хугацаат санхүүжилтыг гадаад зах зээлээс босгох боломжийг компаниудад  үнэт цаас олгож байдаг. Тэгвэл өөрийн нэрийн үнэт цаас гаргаж энэ боломжийг ашиглахаар зорьсон бетон зуурмагийн нэгэн үйлдвэр өнгөрсөн долоо хоногийн сүүлээр анхны хувьцаагаа амжилттай арилжжээ.
      “Мерекс” ХХК 2012 онд байгуулагдсан бөгөөд барилгын материал бетон зуурмагийн чиглэлээр үйл ажиллагаагаа явуулдаг байна. Тэд анх өнгөрсөн оны сүүлчээр Санхүүгийн зохицуулах хороонд үнэт цаас гаргах хүсэлтээ гаргаж байсан бөгөөд тус газраас хүсэлтийг хүлээн авч  хувьцаагаа Хөрөнгийн биржид борлуулахыг хэдхэн хоногийн өмнө зөвшөөрчээ. Ийнхүү тэдний  анхны арилжаа амжилттай явагдаж 26 сая хувьцаагаа тус бүрийг нь 100 төгрөгөөр борлуулж чадсан байна. “Мерекс” компаний хамт олон төвлөрүүлсэн хөрөнгөөрөө зуурмаг зөөгч машин худалдан авах, оффисын барилга барихад зориулах гэнэ.
     Дашрамд дуулгахад “Мерекс” ХХК үнэт цаасаа олон нийтэд таниулсан 14 дэх  харин зуурмагийн үйлдвэрүүдээс 2 дахь компани болжээ.