Цахилгаан хэрэглэгч хэн боловч эрчим хүчээр хангагч байгууллагатайгаа гэрээ байгуулсны үндсэн дээр цахилгаанаар хангагддаг.
          Улаанбаатар цахилгаан түгээх сүлжээ төрийн өмчит хувьцаат компаниас айл өрх, аж ахуйн нэгж байгууллагуудтай хийдэг “Цахилгаан эрчим хүчээр хангах гэрээ”-гээ өнгөрсөн оны зургадугаар сараас шинэчилж эхэлсэн билээ. Хэрэглэгчдэд мэдээлэлийг шуурхай, үнэн зөв хүргэх зорилгоор нэг жилийн хугацаатай гэрээ байгуулж байсныг өөрчилж, айл өрх буюу ахуйн хэрэглэгч 3, аж ахуйн нэгжийг 2 жил болгож сунгажээ. Өөрөөр хэлбэл өнгөрсөн онд шинэчилсэн гэрээгээ байгуулсан хэрэглэгчдийн гэрээг ийнхүү сунгаж тооцохоор шийдвэрлэсэн байна. Иймд тухайн хэрэглэгчийн гэрээний  мэдээлэлд өөрчлөлт ороогүй л бол 3 жилийн турш гэрээтэй холбоотой асуудал үүсэхгүй аж.
Харин шинэчилсэн гэрээгээ байгуулж амжаагүй хэрэглэгчид заавал байгуулах шаардлагатай юм. Гэрээ байгуулахын тулд харьяа дүүргийн “Хэрэглэгчдэд үйлчлэх төв”-д биеэр очиж, эсвэл http://my.tog.mn цахим хаягаар онлайнаар байгуулах боломжтой гэнэ.