Хашаандаа явган хүний зам тавьж гэрийнхээ гадаад өнгө үзэмжийг сайжруулах хүсэлтэй хүн бүхэнд ашигтай нэгэн зөвлөгөөг хүргэе. 
    Маш хялбар аргаар энэ асуудлыг шийдэж цэвэрхэн, гоёмсог зам тавьж болно. Уламжлалт аргаар чулуун зам тавихад  өнгө үзэмж муутай эсвэл цаг хугацааны явцад ийш тийшээ тарж замбараагүй болдог. Харин энэхүү арга нь тусгай хэв ашиглан түүнийгээ хүссэн өнгөөр будах бүрэн боломжтой. Та бүхэн заавал зураг дээрх шиг хэв гэлтгүй өөрсдийн гар доорх төмөр хэв ашиглаж болно.  Ийм зам тавихад танд цемент,  ус, хэв, будагч бодис байхад л хангалттай. 

1 алхам. Явган хүний зам тавих газраа сонгож элдэв хог шороо, том чулуунуудыг зайлуулж газраа бэлдэнэ.


2 алхам. Тусгай хэвийг  газарт байрлуулан бага зэрэг дарж цемент цутгахад бэлэн болго.

3 алхам. Доорх зургийн дагуу цементэндээ ус хольж бэлтгэнэ.

4 алхам. Явган хүний замаа цементийн саарал өнгөнөөс арай өөр өнгөтэй болгохыг хүсвэл цементийн будаг хольж хүссэн өнгөө гаргаж аваарай.


5 алхам. Холимогоо сайтар хутгасны дараа  газар байрлуулсан тусгай хэвэндээ хийж агаар үлдээлгүй шахаж өгнө.

6 алхам. Хавтгай мод, шпатель ашиглан илүү гарсан барзгар хэсгийг хусч тэгшилнэ.

 
7 алхам. Хэвийг болгоомжтой дээш сугалж аваад гарсан дүрсийн ирмэгийг эвтэйхэн дарж дугуйруулан байгалийн чулуутай төстэй болгоно.

8 алхам. Энэ мэт үйлдлийг давтаж бэлэн болсон цементэн хэвүүдийг сайтар хатааснаар танай хашааны үзэмж сайжирч, ирсэн зочдын хараа булаах чулуун зам бэлэн болно.