Орон сууц сонирхсон иргэдийн хөл хөдөлгөөн их байна
“Барилга Экспо 2014” орон сууц, хаус дизайны үзэсгэлэн Мишээл Экспо төв дээр хоёр дахь өдрөө үргэлжилж байна. Өнөөдөр амралтын өдөр болохоор тус үзэсгэлэнг иргэд өргөнөөр сонирхож байна. Үзэсгэлэнд оролцож буй ком'аниудын орон сууцны үнэ ханш нь хотын аlь хэсэгт байрлаж байгаа, амьдрах таатай орчин нөхцлийг хэр бүрдүүлсэн, ямар материлаар баригдсан зэргээс шалтгаалан харьцангуй өөр өөр үнэтэй байна.
Үзэсгэлэнгийн үеэр орон сууц сонирхон судалж яваа залуу гэр бүлүүдийн төлөөлөлтэй уулзаж цөөн хэдэн асуултанд хариу авлаа.
Сонгино хайрхан дүүргийн иргэн Т.Билгүүн
- Орон сууцны үзэсгэлэнгээс хэдэн өрөө байр сонирхож байна?
Эхнэр бид хоёр өрөө байр сонирхоод, олон сонголттой байгаа учраас хооронд харьцуулж үзээд, танилцуулгуудыг цуглуулаад явж байна.
- Залуу гэр бүлийн хувьд орон сууцны зээлийн нөхцлийг хэр боломжийн гэж бодож байна?
Уг нь их боломжийн нөхцөл байгаа юм. 40-50 м2 орон сууцнуудын эрэлт хэрэгцээтэй байна. Үүнийг дагаад 40-50 м2 орон сууцнуудын 1 м2-ын үнэ 2 сая гарантай болчихсон байх. 8 хувийн зээл анх журам нь батлагдахдаа 20 жилийн хугацаатай гэсэн боловч банкин дээр очоод зээлийн хугацаа нь 15 жил болсон. Тэгээд 8 хувийн зээл нь /-+/ болчихсон. Монол банкны журмын дагуу бол зээлийн хүү нь тогтвортой байлгах заалттай юм билээ. Одоо хэрэгжиж байгаа орон сууцны зээлийн журам учир дутагдалтай л санагдаад байгаа. Цаашдаа орон сууцны зээлийн хүү ахин нэмэгдэхгүй гэх баталгаа харагдахгүй байгаа. Тэглээ гээд орон сууцгүй байх хэцүү, худалдан авах хэцүүхэн л байх юм.
Хан уул дүүргийн иргэн Б.Базарханд
- Үзэсгэлэнгийн талаар та сэтгэгдэлтэй байна?
Олон төрлийн байр, орон сууц үзэж сонирхлоо нэг дороос ингээд үзчих нь их зүгээр юм. Энд тэндээс орон сууцны үнэ ханш ямар байгаа бол гэж ирж хайгаад байхгүй нэг дороос хангалттай мэдээлэл авчихлаа.
- Орон сууцны үзэсгэлэн дээр таны сонирхсон байр үнийн хувьд боломжийн байж чадаж байна уу?
Би зайсанд орон сууц сонирхож байгаа юм. Үнийн хувьд нэлээн үнэтэй байна. Гэхдээ боломжийн үнэтэй орон сууцнууд ч цөөнгүй харагдлаа. Өмнөх жилтэй харьцуулахад орон сууцны үнэ нэлээн өсчээ.
Сонгино хайрхан дүүргийн иргэн Л.Эрдэнэдалай
Сонгино хайрхан дүүргийн иргэн Л.Эрдэнэдалай
- Та хэдэн өрөө байр сонирхов, үнийн ханшийн болзол нь хэр байна?
Би 2 өрөө байр сонирхлоо. Үнийн хувьд боломжийн байрнууд байна шүү. Метр квдрат нь 1 сая 500 мянгаас 2 сая төгрөгийн үнэтэй байна. Түүнээс үнэтэй орон сууцнууд байна, зуун хувь мөнгөө бүрэн төлөөд авбал боломжийн үнэтэй байрнууд ч харагдлаа.
- Орон сууцны зээлийн бодлого өөрт тань хэр нийцэж байгаа вэ?
Би хувиараа хөдөлмөр эрхэлдэг. Над шиг хувиараа хөдөлмөр эрхэлдэг хүмүүс орон сууцны зээл авах гэхээр банкууд орлого нь тодорхой бус гээд зээл өгдөггүй.