Шөнийн цагаар барилга барьж байгаа талаарх гомдол хамгийн их иржээ
Нийслэлийн иргэдийн ая тухтай байдлыг хангахаар өдөр шөнөгүй ажилладаг бас нэгэн байгууллага бий. Энэ нь нийслэлийн Шуурхай мэдээллийн төв.
24 цагийн турш нийслэлийн иргэдийн гомдол саналыг 310005 тоот дугаарын утсанд хүлээн авч зохих газарт нь мэдэгдэх үүрэгтэй энэ байгууллагад сүүлийн 14 хоногт халаалт дулаантай холбоотой гомдол багасаж, барилга өмч газрын харилцаатай гомдол санал ихэссэн байна.
Ялангуяа барилгын ажлыг шөнийн цагаар хийж, оршин суугчдын тав тухыг алдагдуулж байна гэсэн гомдол хамгийн их иржээ. Иймд эдгээр санал гомдолыг шийдвэрлэх зорилгоор зохих журмын дагуу холбогдох байгууллага, албан тушаалтанд мэдэгдэж шаардлагатай арга хэмжээг авч ажиллажээ. Тухайлбал 04 сарын 28-ны 23.20 цагт Баянгол дүүргийн 14-р хороо 13А-р байрны урд “Өргөө” кино театрын зүүн талд барилга бариад оршин суугчдыг амраахгүй байна гэсэн мэдээллийн дагуу нийслэлийн Цагдаагийн газрын жижүүрт мэдэгдэж түр зогсоох арга хэмжээ авсан байна.
Мөн 04 сарын 30-ны 02.10 цагт Хан-уул дүүргийн 11-р хороо, Соёмбо хотхоны баруун талд шөнө барилга бариад амраахгүй байна гэсэн гомдол ирснийг нийслэлийн Цагдаагийн газрын жижүүрт мэдэгдэж, түр зогсоожээ.
Цаг агаар дулаарч, барилга, газар шороо, бүтээн байгууллалтын ажил эхэлж байгаатай холбоотойгоор амралтын өдрүүд болон шөнийн цагаар барилгын ажил хийж иргэдийг амраахгүй байгаа, хүнд даацын автомашинаар автозам эвдсэн, барилгын хогоо зориулалтын бус газар асгасан гэх зэрэг гомдол санал цаашид өсөх хандлагатай байгаа тухай Шуурхай мэдээллийн төвөөс мэдэгдэв.
24 цагийн турш нийслэлийн иргэдийн гомдол саналыг 310005 тоот дугаарын утсанд хүлээн авч зохих газарт нь мэдэгдэх үүрэгтэй энэ байгууллагад сүүлийн 14 хоногт халаалт дулаантай холбоотой гомдол багасаж, барилга өмч газрын харилцаатай гомдол санал ихэссэн байна.
Ялангуяа барилгын ажлыг шөнийн цагаар хийж, оршин суугчдын тав тухыг алдагдуулж байна гэсэн гомдол хамгийн их иржээ. Иймд эдгээр санал гомдолыг шийдвэрлэх зорилгоор зохих журмын дагуу холбогдох байгууллага, албан тушаалтанд мэдэгдэж шаардлагатай арга хэмжээг авч ажиллажээ. Тухайлбал 04 сарын 28-ны 23.20 цагт Баянгол дүүргийн 14-р хороо 13А-р байрны урд “Өргөө” кино театрын зүүн талд барилга бариад оршин суугчдыг амраахгүй байна гэсэн мэдээллийн дагуу нийслэлийн Цагдаагийн газрын жижүүрт мэдэгдэж түр зогсоох арга хэмжээ авсан байна.
Мөн 04 сарын 30-ны 02.10 цагт Хан-уул дүүргийн 11-р хороо, Соёмбо хотхоны баруун талд шөнө барилга бариад амраахгүй байна гэсэн гомдол ирснийг нийслэлийн Цагдаагийн газрын жижүүрт мэдэгдэж, түр зогсоожээ.
Цаг агаар дулаарч, барилга, газар шороо, бүтээн байгууллалтын ажил эхэлж байгаатай холбоотойгоор амралтын өдрүүд болон шөнийн цагаар барилгын ажил хийж иргэдийг амраахгүй байгаа, хүнд даацын автомашинаар автозам эвдсэн, барилгын хогоо зориулалтын бус газар асгасан гэх зэрэг гомдол санал цаашид өсөх хандлагатай байгаа тухай Шуурхай мэдээллийн төвөөс мэдэгдэв.