Нийслэл хотод хогны сав нэг үеэ бодоход овоо хэд болсон. Тэр тусмаа хотын төв хэсгээр чамлахааргүй тооны хогны сав бий. Гэвч эдгээр хогны савны загвар хийц тун ч болхи. Гоё сайхныг бус зүгээр л хогны савтай болж харагдах гэсэн хэн нэгний хэнэггүй сонголт  шиг санагддаг юм. Дээр нь бичсэн “дахивар” гэдэг үгийг Монгол хэлийг мод болгосон зарим залуус ойлгох ч үгүй байх шиг. Магад зарим нь ойлгохыг ч хүсдэггүй  байж мэднэ.

Гэтэл хөгжилтэй орнуудад “ярьдаг” хогны савууд ашиглалтанд орж эхэллээ. “Боловсон соёлтой байсан танд баярлалаа”, “Хогоо хаясанд баярлалаа” гэх зэргээр талархлын үгээр иргэдийг урамшуулдаг хогны савууд Америк, Англи, Япон Солонгос зэрэг орнуудад хэдийнээ хэрэглэгдэж эхлээд байна. Эдгээр хогны савууд нь нарийн хоолойгоор хогны үйлдвэрүүдтэйгээ шууд холбогдсон байх нь ч бий гэнэ.
 Ийм нарийн технологийг Хотын даргаас шаардаагүй ч бичиг үсэг мэдэхгүй балчраас эхлэн хэн хүнгүй хогоо зөв хаячихаар ойлгомжтой, загвар хийцтэй хогны сав Улаанбаатар хотод олон болоосой хэмээн хогны савны хэд хэдэн загварыг танилцуулж байна.