“Ногоон барилга бидний ирээдүй” уриатайгаар зохион байгуулагдаж буй “Барилга Экспо -2014” үзэсэглэнгийн нээлтийн арга хэмжээөнөөдөр 12.00 цагт Мишээл экспо төвд боллоо. Үзэсгэлэнгийн нээлтэд Барилга хот байгуулалтын дэд сайд Г.Байгалмаа, Гэр хорооллын хөгжлийн орлогч дарга М.Гантулга, Барилгын хөгжлийн төвийн дэд захирал Ч.Отгончулуун, Монголын барилгачдын холбооны Ерөнхийлөгч М.Батбаатар, Барилгын материал үйлдвэрлэгчдийн холбооны гүйцэтгэх захирал О.Лхагвадорж нарын хүндэт зочид урилгаар оролцов.Нээлтийн арга хэмжээг “Жонон” хамтлаг ардын хөгжмийн ая дуугаар эхлүүлсэн.  
“Ногоон барилга бидний ирээдүй” уриатайгаар зохион байгуулагдаж энэхүү үзэсгэлэнгийн хамтран зохион байгуулагчаар БХБЯ, НЗДТГ, НГХХГ, МБМҮХ, БХҮНТ зэрэг төрийн болон мэргэжлийн төрийн бус байгууллагууд оролцож байна.

“ Барилга Экспо – 2014” үзэсгэлэнд хүрэлцэн ирсэн нийт зочид төөлөлөгч, үзэсгэлэнд оролцогч байгууллагууддаа энэ өдрийн халуун мэндийг хүргэе. Жил бүр зохион байгуулагддаг энэхүү “Барилга Экспо” үзэсгэлэнгээс тухайн жилийн барилгын салбарын шинэ дэвшилтэт технологиудыг харж чаддаг. Уг үзэсгэлэн жилээс жилд хүрээгээ тэлж, оролцогчдын нэмэгдэж, үзэсгэлэнд оролцож байгаа бүтээгдэхүүнүүд чанарын шаардлага хангасан дэвшилтэт технологийг үзүүлж байна.   
     БХБЯ-ны зүгээс дэвшилтэт техник, технологитой холбогдуулан олон арга хэмжээг эрчимтэй авч байгаа. Мөн өнгөрсөн жил Монгол Банктай хамтран салбарт нэн шаардлагатай байгаа үйлдвэрүүдийг оруулж ирэх, материал үйлдэврлэгч нарт хөнгөлөлтэй зээл олгосон. Энэхүү ажил нь амжилттай болсон байгааг эндээс олж харж байна. Энэхүү үйл ажиллагааг хамтран зохион байгуулсан  нийт байгууллага хамт олон, үзэсгэлэнд оролцож байгаа компаниудад талархал илэрхийлье. Цаашдынх нь ажилд өндрөөс өндөр амжилтыг хүсэн ерөөе.
 Өнөөдрийн үзэсгэлэн “Ногоон барилга бидний ирээдүй” гэсэн уриатай болж байгаа нь энэ жил Улаанбаатар хотод болон шинээр баригдах барилгууд илүү ногоон эко талдаа баригдах байх гэж бодож байна. Цаашдын их бүтээн байгуулалтын ажилд нь амжилт хүсье.

Барилгын Хөгжлийн Үндэсний Нэгдсэн төвийн захирал Г.Батсүх:

      “Эрхэм хүндэт ноёд хатагтай нартаа, эрхэм хүндэт “Барилга Экспо – 2014” үзэсгэлэнд оролцож байгаа оролцогчиддоо, үзэсгэлэн сонирхон ирж үзэж байгаа иргэддээ энэ өдрийн түмэн амгалан айлтгая. Ногоон барилга бидний ирээдүй уриан дор зохион байгуулагдаж байгаа энэ удаагийн үзэсгэлэн барилгын салбарт “Ногоон барилга концепциийг хэрэгжүүлэх, барилгын салбарын дэвштилтэт техник технологи, бүтээгдэхүүнийг нэвтрүүлэх зорилготой. Энэ удаагийн үзэсгэлэнд гадаадын 10 гаруй орны барилгын салбарын шилдэг брэнд материал үйлдвэрлэгчид, мөн дотоодын материал үйлдвэрлэгч нар оролцож байна. Үзэсгэлэнд оролцож чадаагүй 80 гаруй компаниуд байгаа нь үзэсгэлэн яармагын хүрээ өргөн болж буйг илтгэж байна. Хэрэв бидэнд Мишээл Экспогоос том талбайтай газар байвал үүнээс томоохон үзэсгэлэнг зохион байгуулах хүсэлт бий. Үзэсгэлэнд оролцож та бүхэн бүх байгууллагууддаа ажлын хөдөлмөрийн өндөр амжилт хүсье.      

 
Гэр хорооллын хөгжлийн газрын орлогч дарга М.Гантулга:

      Энэ жилийн хувьд барилгын салбар үсрэнгүй хөгжих төлөвтэй байгаа. Нийслэл хотыг хөгжүүлэх 2030 хүртэлх төлөвлөгөө гарсан. Үүнтэй холбоотойгоор барилгажилтын ажил ихээр хийгдэнэ. Үүнээс гэр хорооллын дахин төлөвлөлтийн зарчмаар явагдаж байна. 2020 оны хүртэлх төлөвлөгөөнд 80 мянгаас 100 мянган айлыг орон сууцжуулахаар байгаа. Тиймээс барилгын салбарын бүх төрлийн материал үйлдвэрлэгчид рүү чиглэн ажиллах шаардлагатай болж байгаа. Энэхүү үзэсгэлэнд оролцож байгаа компаниуд хамтран ажиллах байх гэж бодож байна. Та бүхний цаашдын ажилд амжилт хүсье.
 Уригдаж ирсэн хүндэт зочид үзэсэгэлэнд оролцож буй барилгын материал үйлдэрлэгч дотоод, гадаадын компаниудын бүтээгдэхүүнүүдтэй танилцлаа.