“Далан давхар”-т бүтээн байгуулалт явагдана
Иргэдийн эрүүл аюулгүй орчинд амьдрах эрхийг хангах зорилгоор “Самбалхүндэв”-ийн буюу Далан давхрын оршуулгын газрыг Дурсгалын цэцэрлэгт хүрээлэн болгохыг НИТХ-аас 2 жилийн өмнө шийдвэрлэсэн билээ.
Улаанбаатар хотын төв хэсэгт ЧД-ийн 12 дугаар хороонд 137 га талбай эзлэн, гэр хороололтой хаяа нийлэн байрлаж байгаа тус оршуулгын газар 1927 оноос хойш үүсч 1987 онд Ардын депататутын хурлын тогтоол гарган албан ёсоор хаасан боловч иргэд өнөөг хүртэл бурхан болоочдоо нутаглуулсаар байгаа юм.
Энд 47 586 шарил байдгаас оршуулгын газрын хашааны гадна, айлуудын хашаанд 61 булш тоологдсон байна. Нийт булшны 16 767 нь эвдэрч муудсан, 517 нь ухагдаж тоногдсон байдалтай байгаа бөгөөд тус оршуулгын газрыг дурсгалын цэцэрлэгт хүрээлэн болгохоор иргэд, олон нийтээс санал авсан юм. Саналаа өгсөн иргэдийн 70 орчим хувь нь дэмжжээ.
“Улаанбаатар хотын 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлага”-д Схамбалхүндэвийн эргэмжийн газар буюу Далан давхрын оршуулгын газрыг “Дурсгалын цэцэрлэгт хүрээлэн” байхаар тусгагдсан.
Уг төсөл нь нийслэлийн төсвийн хөрөнгөөр хийгдэх бөгөөд 2016 оны 11 дүгээр сард бүтээн байгуулалтын ажлыг дуусгахаар төлөвлөж байгаа юм. Нийслэлийн Ерөнхий төлөвлөгөөний газрын хийсэн төлөвлөлтийн зургаар тус төслийн байршлын архитектур орон зайн шийдэл нь 3 хэсгээс бүрдэх бөгөөд төв хэсэгтээ үндэсний соёл, уламжлал, орчин үеийн архитектур орон зайг харуулсан дурсгалын цогцолбор, зүүн баруун хэсэгт байнгын үйл ажиллагаа бүхий шашны цогцолбор байх бөгөөд эдгээрийг холбосон цэцэрлэгт гудамж бүхий тохижилт, явган хүний болон авто зам байхаар төлөвлөжээ.
Нэгдүгээр багц буюу концесс эзэмшигчийг сонгон шалгаруулж, гэрээ байгуулах ажлыг энэ оны 9-р сард дуусгахаар төлөвлөж байгаа юм.
Гэрээ байгуулсаны дараа бүртгэл мэдээллийн сан бүрдүүлэх бөгөөд шалгарсан концесс эзэмшигч нь 6 сараас дээшгүй хугацаанд ар гэрийнхэнийг нь эрэн сурвалжилж бүртгэл мэдээллийн санг бүрдүүлж, цаг агаар дулаарах үед чандарлах үйл ажиллагааг эхлүүлэх гэнэ.
Үүний дараа инженерийн дэд бүтцийн ажил эхлэх бөгөөд энэхүү бүтээн байгуулалтыг 2016 оны 3 дугаар сард эхлүүлж 11 дүгээр сард дуусгахаар төлөвлөж байна. Уг ажлын хүрээнд цахилгаан ба дулаан хангамжын ажлуудыг хийх юм.
3 дугаар багцын ажил мөн адил хугацаанд хэрэгжинэ. Тус багцын хүрээнд явган хүний зам, авто зам, эко авто зогсоол, газар нөхөн сэргээх, хөрс солих зэрэг ажлуудыг хийхээр төлөвлөж байгаа аж.
Улаанбаатар хотын төв хэсэгт ЧД-ийн 12 дугаар хороонд 137 га талбай эзлэн, гэр хороололтой хаяа нийлэн байрлаж байгаа тус оршуулгын газар 1927 оноос хойш үүсч 1987 онд Ардын депататутын хурлын тогтоол гарган албан ёсоор хаасан боловч иргэд өнөөг хүртэл бурхан болоочдоо нутаглуулсаар байгаа юм.
Энд 47 586 шарил байдгаас оршуулгын газрын хашааны гадна, айлуудын хашаанд 61 булш тоологдсон байна. Нийт булшны 16 767 нь эвдэрч муудсан, 517 нь ухагдаж тоногдсон байдалтай байгаа бөгөөд тус оршуулгын газрыг дурсгалын цэцэрлэгт хүрээлэн болгохоор иргэд, олон нийтээс санал авсан юм. Саналаа өгсөн иргэдийн 70 орчим хувь нь дэмжжээ.
“Улаанбаатар хотын 2020 он хүртэл хөгжүүлэх ерөнхий төлөвлөгөөний тодотгол, 2030 он хүртэлх хөгжлийн чиг хандлага”-д Схамбалхүндэвийн эргэмжийн газар буюу Далан давхрын оршуулгын газрыг “Дурсгалын цэцэрлэгт хүрээлэн” байхаар тусгагдсан.
Уг төсөл нь нийслэлийн төсвийн хөрөнгөөр хийгдэх бөгөөд 2016 оны 11 дүгээр сард бүтээн байгуулалтын ажлыг дуусгахаар төлөвлөж байгаа юм. Нийслэлийн Ерөнхий төлөвлөгөөний газрын хийсэн төлөвлөлтийн зургаар тус төслийн байршлын архитектур орон зайн шийдэл нь 3 хэсгээс бүрдэх бөгөөд төв хэсэгтээ үндэсний соёл, уламжлал, орчин үеийн архитектур орон зайг харуулсан дурсгалын цогцолбор, зүүн баруун хэсэгт байнгын үйл ажиллагаа бүхий шашны цогцолбор байх бөгөөд эдгээрийг холбосон цэцэрлэгт гудамж бүхий тохижилт, явган хүний болон авто зам байхаар төлөвлөжээ.
Нэгдүгээр багц буюу концесс эзэмшигчийг сонгон шалгаруулж, гэрээ байгуулах ажлыг энэ оны 9-р сард дуусгахаар төлөвлөж байгаа юм.
Гэрээ байгуулсаны дараа бүртгэл мэдээллийн сан бүрдүүлэх бөгөөд шалгарсан концесс эзэмшигч нь 6 сараас дээшгүй хугацаанд ар гэрийнхэнийг нь эрэн сурвалжилж бүртгэл мэдээллийн санг бүрдүүлж, цаг агаар дулаарах үед чандарлах үйл ажиллагааг эхлүүлэх гэнэ.
Үүний дараа инженерийн дэд бүтцийн ажил эхлэх бөгөөд энэхүү бүтээн байгуулалтыг 2016 оны 3 дугаар сард эхлүүлж 11 дүгээр сард дуусгахаар төлөвлөж байна. Уг ажлын хүрээнд цахилгаан ба дулаан хангамжын ажлуудыг хийх юм.
3 дугаар багцын ажил мөн адил хугацаанд хэрэгжинэ. Тус багцын хүрээнд явган хүний зам, авто зам, эко авто зогсоол, газар нөхөн сэргээх, хөрс солих зэрэг ажлуудыг хийхээр төлөвлөж байгаа аж.