Нийслэлийн хамгийн хөл хөдөлгөөн ихтэй газруудын нэг болох  Сонгино хайрхан дүүргийн “Хархорин” захын өмнө явган зорчигчдод зориулсан гүүрэн гарц байдаг ч баар, зоогийн газрын зориулалтаар ашигласаар өдийг хүрсэн. Гүүрэн гарцыг зориулалтын дагуу ашиглах хүсэлтэй байгаагаа иргэд удаа дараа харьяа дүүргийн удирдлагуудад илэрхийлж байжээ.
Мөн энэ  хэсэгт зам тээврийн осол, гэмтэл ихээр гардаг төдийгүй замын хөдөлгөөний ачаалал байнга нэмэгддэг болохыг  цагдаагийн байгууллагаас мэдэгддэг.  Иргэдийн дээрх  хүсэлтийн дагуу дүүргээс  Хархорин захын удирдлагуудтай уулзан, тус гүүрэн гарцыг шинэчлэн, засварлаж зориулалтын дагуу ашиглах асуудлыг хэлэлцэж, санал солицлох ажлыг эхлүүлсэн байна. Ингэхдээ өндөр настан, хөгжлийн бэрхшээлтэй иргэд, ачаа бараагаа зөөж байгаа хүмүүст зориулан гүүрэн гарцын 2 талд цахилгаан шаттай хийхээр төлөвлөсөн аж.