Хуанпу мөрөн нь Хятадын  Яанже мөрнөөс  салаалж  Хятадын өмнөд далайд цутгадаг.  Нийт 113 м урт  энэхүү мөрөн Хятадын хамгийн хөгжилтэй хотын нэг болох Шанхай хотыг дайран урсдаг. Харин Нанпу гүүр нь энэхүү мөрөн дээр тавигдсан анхдагч гүүрний нэг бөгөөд Шанхай хотын  төвийг голын эсрэг талд орших Пудонг дүүргийг холбогч юм.  Түүнчлэн нутгийн хүмүүс энэхүү гүүрийг хотын  хөгжлийн тулгуур хэмээн итгэдэг байна.  Гүүр үндсэндээ маш өвөрмөц эргэлдсэн загвартай бөгөөд  жуулчдын нүд хужирлах, орон нутгийн сонирхлын цэг болдог  аялал жуулчлалын томоохон ач холбогдолтой гүүр юм.  Хятадууд Хуанпу голыг  амьдралын эх, Шанхай хотын үүсэл энэ голоос эхтэй хэмээн шүтдэг. Хэдий тийм боловч энэхүү өргөн мөрөн нь хотыг хоёр хэсэгт зааглаж байдгаас Шанхай хотынхон олон жилийн өмнөөс хоёр талыг нэгтгэсэн томоохон гүүр барихыг хүсч байжээ.


            Ингээд 1920 оноос эхлэн 1975 онд Сонгпу гүүрийг барьж ашиглалтанд оруулсан боловч Шанхай хотын нүсэр их хөдөлгөөний ачааллыг дан ганц гүүр барьж дийлэхгүй байв. Тиймээс Хуанпу мөрний дээр хоёр дахь гүүрийг ашиглалтанд оруулжээ. Нанпу гүүрийг барих төслийн ажил анх 1986 оны 8 сард батлагдаж 2 жил бэлтгэсний эцэст 1988 оноос баригдаж эхэлсэн түүхтэй.   Хоёр жилийн дараа Хятадын засгийн газар Пудонг дүүргийг хотын хөгжлийн  газар болгох шийдвэр гаргаснаар  Нанпу гүүрийн ач холбогдол улам ихэссэн байна.

               Гүүр барих ажил 1991 оны 6 сарын 20-нд дуусч албан ёсны нээлтээ тус оны 11 сарын 19-нд хийжээ.  12 сарын 1-нд  тээврийн хөдөлгөөн эхэлснээс хойш төмөр бэхэлгээ бүхий дэлхийн  4 дэх том гүүр болсон юм. Гүүрний ерөнхий зураг төслийг Шанхай Хотын Инженерийн Зураг Төслийн Институт болон Тонжи Архитекторын Зураг Төсөл, Судалгааны Институтээс гаргасан байна.  Азийн Хөгжлийн Банкнаас  нийт 820 сая юаны санхүүгийн эх  үүсвэр гаргажээ. Нанпу гүүр нь 8346 м урт .  Усны түвшнээс  дээш 46 м өндөрт  өргөгдсөн ба нийт 55 тоны даацтай.  Гүүрийг 150 м өндөр асар том хоёр H хэлбэрийн цамхаг болон  төмөр татуурга дэмжиж тулахын зэрэгцээ эх биеийг ган төмөр, бетон хавтангийн тусламжтай хийж гүйцэтгэжээ.