Орчин үеийн хот тэр тусмаа барилга байгууламжид хүнсний жимс, ногоо хэрхэн тарих вэ? Яг энэ асуултын шийдлийг  Коно Дизайнаас Токио хотын оффисын барилгын хананд хэрхэн  ургамал тарьснаас  харж болно.


Энэхүү зураг дээрх барилга нь Пасона группын толгой оффис юм.  Барилгын фасад, албан тасалгаа, цайны газар, дээврийн хөндий, удирдлагын өрөө гээд бараг бүх газарт ногоон байгууламж орсон.  Нийт 7053 ам дөрвөлжин талбай бүхий барилгын 1410 ам дөрвөлжин талбайд  ийнхүү ногоо тариалсан нь барилгын  1/5 хувийг эзэлж байна.  Оффис ногоон байгууламжид  200 төрөл зүйлийн ургамал тэр дундаа голлон  будаа, жимс, ногоо ургадаг. Эдгээр ургацыг  тус компаний ажилчдын цайны газарт хэрэглэдэг байна.


          Үр тариаг усан суурьтай хөрсөнд ургуулах бөгөөд автомат усжуулалтын системтэй. Мөн өрөөний чийглэг,  агаарын хэм,  чанар зэргийг ажилчдын ажиллах нөхцлийг бүрэн хангах байдлаар тоноглосон.  Уулзалт , семинарын өрөөн дотор  жимсний модод, салатны навч, улаан лооль гол танхимд броккли байцаа, будаа хэрхэн ургаж буй нь нэн сонирхолтой.   Нарны  гэрлийг флюресцент,  LED  гэрлээр шийдэж өгсөн.


         Энэхүү Коно Дизайныг санаачлагч Ёшими Коно “Миний үйлчлүүлэгч орчин үеийн хотод  цоо шинэ дүр төрх нэмэх, фермерийн аж ахуйг шинэлэг байдлаар хөгжүүлэх холын бодолтой.  Ногоон хот болох  талаар олон зүйл ярьдаг ч идэвхитэй хэрэгжүүлэх нь нэн чухал.  Миний хувьд  хүмүүсийн завгүй амьдрал, фермерийн боловсролыг  япончуудын фермерийн арга технологи, бодит туршлагатай хослуулах нь чухал гэж боддог” хэмээн өгүүлсэн юм.