Гэрийн эзэгтэй нарын дийлэнх нь гал тогооныхоо өрөөнд олон сав суулга цуглуулж, тэдгээрийгээ хаана тавихаа мэдэхгүй хөглөрүүлэх тохиолдол олон.  Энэ асуудлыг соронзтой хутга тогтоогчыг ашиглан төмөр хайруулын таваг, сав суулга өлгөж болно. Гарын доорх сав суулгаа ингэж тогтоосноор хоолны шүүгээ илүү зайтай болдог хэмээн Австралийн Өмнөд Хайландын тогоочийн сургуулийг үндэслэн байгуулагч Патриша Пилипс зөвлөсөн юм.

              

Голчлон хоол бэлтгэдэг шүүгээ мөн зуухаа байрлуулахдаа хананд шахаж бус хоол хийх явцдаа гэр бүлийн гишүүдээ харж байхаар байрлуул хэмээн Чики Фүүдс группын захирал, тогооч Лиона Ватсон зөвлөж байна. Оновчгүй байрлал мэт санагдаж болох юм. Гэвч сайн бодоод үзэх юм бол яагаад болохгүй гэж? Ихэнх айлууд ялангуяа дээд талд нь хоолны хэрэгсэл, шүүгээ байрлуулснаас үүдэн зуухыг хананд тулгаж байрлуулдаг.  Гэрийн тань зай талбай хангалттай бол хоолны танхим руу хандуулан байрлуулснаар хоол хийж байхдаа ч гэр бүлийнхэн, зочдоо харж, телевиз үзэх бүрэн боломжтой.

Үндсэндээ бидний судалж мэдсэнээр ихэнх шарах шүүгээний товчлуурууд баруун талдаа харин хаалганы бариул нь зүүн талдаа байрладаг. Тиймээс шарах шүүгээг байрлуулахдаа гал тогооныхоо зүүн талд байрлуулснаар хүрэхэд илүү хялбар болдог. Хэт их хөлдөөсөн бүтээгдэхүүнээр оройн хоол бэлтгэхдээ нааш цааш их сунаж шөрмөс тань татаасай гэж хүсэхгүй байна.

Цэгцтэй байгаарай
Томхон  гэрэлтдэг хувцанцар савнууд мөн бүтээгдэхүүний нэрсийг ангилан нааж хүнсний зүйлсээ цэгцтэй хадгалж болно.  Ингэснээр хоол бэлтгэх гэж энд тэндээс хайж зүдрэхгүй. Цаашилбал, гурил, элсэн чихэр, будаа, элдэв хөөлгөгч зэргийг нэгэн жигд хэмжээтэй саванд хадгал. Нэг дор хэт их зүйл худалдан авч хадгалах хэрэггүй. Хүнсний бүтээгдэхүүнийг аль болох шинээр нь хэрэглэхийг зорьж байгаарай хэмээн Пилипс өгүүлсэн юм.

Шинэчлэл
Гал тогооны өрөөгөө шинэчлэн тохижуулснаар зөвхөн тэр хэсэгт өөрчлөлт ороод зогсохгүй гэрийн ерөнхий өнгө төрх сайжирдаг."Рийл ливин" сэтгүүлийн эрхлэгч Жон Макдоналдын зөвлөснөөр гал тогооны тавилгыг хагас тойрсон хэлбэртэй /U/ байрлуулах нь хамгийн эвтэйхэн. Хоол бэлтгэх явцад юунд ч саадгүй хүрэх боломжтой байдаг.  Мэдээжийн санагдаж болох ч автомат аяга таваг угаагчыг угаалтуурын ойролцоо байрлуулаарай.

Цай бэлтгэх хэсэг
 Цай, кофе бэлтгэж уух аяганы ком, данх, гүц, кофе чанагч халбага  зэргийг боломжтой газарт үзэмжтэй байрлуулвал түргэн хугацаанд цангаа тайлж, эрч хүч өгөх бүхэн бэлэн болж буй хэрэг юм.