“Барилга-Дэвшилтэт технологи” семинарт оролцож өөрийн байгууллагын дэвшилтэт технологи, бүтээгдэхүүнээ танилцуулсан байгууллага, аж ахуйн нэгжийг цувралаар танилцуулж буй билээ. Энэ удаад “Ган зангилаа” арматур бүтээцийн үйлдвэрийг танилцуулж байна.
      Тус үйлдвэр нь 2013 оны 2 сард Монгол, Швейцарь /Итали/ улсын хөрөнгө оруулалтаар үүсгэн байгуулагдаж, 05 сарын 1-ний өдөр албан ёсоор нээлтээ хийжээ. Хоногт 60 -70 орчим тонн арматур бэлдэц үйлдвэрлэх хүчин чадалтай.
      Чанартай мэргэжлийн баг бүрдүүлэх үүднээс 5 хүнийг Швейцарийн SA BAUFER VF үйлдвэрт сургалтын дадлага хийлгэсэн бөгөөд 10 хүнийг дотооддоо сургасан байна. Одоогоор нийт 2 инженер, 8 оператор, 4 кранчин ажилладаг.
       Арматурын бүтээцийг чанартай түүхий эдээр, улирлын хамааралгүйгээр үйлдвэрлэн, техникийн болон хөдөлмөрийн аюулгүй байдлыг хангасан үйлдвэрлэлийг барилгын салбарт нэвтрүүлэх, Евро стандартын чанарын удирдлагын тогтолцоог нутагшуулах зорилгоор байгуулагдсан “Ган зангилаа” арматур бүтээцийн үйлдвэр нь Монгол улсын стандартын дагуу, чанарын шаардлага хангасан арматураар дотоодын хэрэглэгчдээ хангадаг байна.
      Тус хэлбэржүүлэх үйлдвэр нь автомат машин, тоног төхөөрөмжүүдийн тусламжтайгаар барилгын талбайд үйлдвэрлэн гаргах боломжгүй, газар хөдлөлтөнд тэсвэртэй төмөр бетон арматурын иж бүрэн бүтээцүүдийг үйлдвэрлэн гаргадаг.
     Түүхий эдээ Төмөрт Транс, Дарханы төмөрлөгийн үйлдвэр зэрэг дотоодын нийлүүлэгчид болон гадаадын нийлүүлэгч БНХАУ-ын Бугатын гангийн үйлдвэрээс авдаг байна.
Арматурыг барилгын талбай дээр бэлдэх нь дараах сул талуудтай:

Эдгээр нь нийт бүтээцийн бат бөх болон аюулгүй байдалд сөргөөр нөлөөлдөг байна.
     Харин “Ган зангилаа” Хэлбэржүүлэх үйлдвэр нь дэвшилтэт технологид суурилсан суурь машин, тоног төхөөрөмжүүдээр барилгын талбайд үйлдвэрлэх боломжгүй, газар хөдлөлтөд тэсвэртэй байгууламжийг барихад шаардлагатай бүх төрлийн арматур бүтээц, хийцийг үйлдвэрлэдэг үйлдвэрлэлийн үйл ажиллагааны цогц шийдэл юм.

Холбоо барих утас: 99992129, 88000466