2013 онд Францын Montpellier хотоос олон улсын хэмжээнд хүний биеийн музейн төслийн уралдаан зарласан. Уг уралдаанд “BIG” төсөл түрүүлсэн байна. Ингээд уг төслийг танилцуулахаар бэлтгэлээ.
           Олон жилийн анагаах ухааны түүхтэй уг хотод баригдах 7800 м² талбай бүхий энэхүү музей нь хүний биеийг урлаг талаас нь судлах, шинжлэх ухаан нийгмийн хандлагыг соёлын үйл ажиллагаатай холбох, үзэсгэлэн, сургалт семинарыг зохион байгуулах олон талын ашигтай байгууламж болох юм.
Уг байгууламж нь 8 үндсэн танхимыг долгиолсон хэлбэрээр зохион байгуулсан ба байгаль болон хот хоорондын уялдаа холбоог сайжруулахыг зорьсон байна. Гайхамшигтай харагдац, өдрийн гэрлийг оруулах, дотоод холбоосыг ил гаргах зорилгоор музейн барилгад хөдөлгөөн өгсөн.
       Барилгын дээврийг цэцэрлэгт хүрээлэн байхаар төлөвлөсөн. Энэхүү органик цэцэрлэг нь үйлчлүүлэгчид өөрийн биеийг танин мэдэхэд тус дөхөм болох юм.

        Bjarke Ingels-ийн тайлбарласнаар: Нийлшгүй бодисууд болох “тос ус” 2 холилдсон юм шиг явган хүний зам цэцэрлэгт хүрээлэнгийн хөрс ижил түвшинд байрлана.Уг цэцэрлэгт хүрээлэн нь дээш өргөгдсөн террас хэлбэрийн байх ба харахад дан ганц павильонууд долгиолсон байдал нь өөр хоорондоо атгасан гарны хэлбэрээр илэрхийлэгдэнэ хэмээжээ.
        Хүний биеийн музейн гадаргуу нь тунгалаг байна. Фасадны тахирласан хэлбэр нь хойд болон урд, зүүн болон баруун талын нүүрний харагдацыг хооронд нь саармагжуулж өгнө. Тааламжтай байдлыг бий болгох зорилгоор янз бүрээр хувирдаг жалюзан хөшиг хийж өгсөн энэ нь нарны шууд тусгалаас хамгаалахаас гадна гадаргууг хүний хурууны хээний хэлбэр хөдөлгөөнөөр хээлж өгснөөр онцгой содон байдлыг бий болгосон.
           Хотын дарга ноён Hйlиne Mandroux -оор ахлуулсан шүүх бүрэлдэхүүн, эцсийн шатанд шалгарсан 5 бүтээлээс хүрээлэн буй орчин, функциудын нарийн уялдааг хослуулан шинийг санаачилсан хэмээн сайшаан BIG-ийн бүтээлийг шалгаруулсан байна.Энэхүү шинэ музей нь Montpellier-ийн шинжлэх ухаан, соёлын өвд ихээхэн хувь нэмэр оруулахаас гадна жуулчид, гэр бүл, сургууль, академи урлаг сонирхогчдын анхаарлыг татах болно.
Барилгын ажил 2016 онд эхэлж 2018 онд үүд хаалгаа нээхээр төлөвлөгдөж байгаа ажээ.
Төлөвлөлт: Төв хэсэгт байрлах хүлээн авах танхимаас эхлэн 8 үндсэн бүлэгт хуваасан.

 Шулуун зохион байгуулалт:  Барилгыг тойрон хүрээлж буй элементүүдтэй  /Байгалийн гэрэлтүүлэг, гадна орчин, оновчтой төлөвлөлт/ нэгтгэхийн тулд  үндсэн хөдөлгөөнийг шулуун байхаар зохион байгуулсан.

Шулуун зохион байгуулалтыг нягтруулах: Функцийн хил хязгаарыг хэвээр авч үлдэн уян хатан хөдөлгөөнийг бий болгох үүднээс үйл ажиллагааны функциудыг  ижил түвшинд байрлахаар хооронд нь шахсан. Ингэснээр аль ч танхимаас өөр танхим руу  чөлөөтэй нэвтрэх боломжийг олгож байна. 
 

Органик хөдөлгөөнд оруулах: Функцийг уян налархай, байгалийн хөдөлгөөнд оруулснаар үйл ажиллагааны хооронд орон зай үүсч, функцийг зааглахаас гадна хүрээлэн буй орчноо танин мэдэхэд тус дөхөм болох юм.
 

Бэлтгэсэн: Архитектор З. Булган