Барилгын ослоос урьдчилан сэргийлэх тухай сургалт болж байна
Барилгын салбарт хамгийн ихээр үгүйлэгдэж байгаа зүйлийн нэг бол яах аргагүй хөдөлмөрийн аюулгүйн ажиллагаа юм. Үйлдвэрлэлд энэхүү арга барилыг эзэмшээгүйгээс дотор нь ажиллаж буй ажилчид төдийгүй баригдаж байгаа барилгын гадуур явж байгаа иргэдийн амь нас хохирсон явдал хэд хэдэн удаа гарсан билээ. Энэ бүх байдлыг анхааран үзээд МБИХ-оос санаачлан Монголд анх удаа барилгын салбарт ажиллагсдад зориулан барилгын үйлдвэрлэлийн ослоос урьдчилан сэргийлэх сургалтыг өөрийн байрандаа зохион байгуулж байна.
Сургалтыг Япон улсад хөдөлмөр аюулгүйн ажиллагааны сургалтад хамрагдсан сургагч багш нар удирдан явуулж байгаа бөгөөд Монгол дахь Японы барилгын инженерүүдийн холбоо хамтран ажиллаж байгаа аж. Энэ нь өдөр тутам ажил эхлэхийн өмнө ажиллагсдаа хөдөлмөр аюулгүйн ажиллагааны сургалтад хамруулдаг наран улсын туршлагыг эх орондоо нэвтрүүлэх гэсэн бодлоготой холбоотой хэмээн зохион байгуулагчид ярьж байсан. Өглөө бүрийн аюулгүйн ажиллагааны сургалтыг зохион байгуулснаар Япончууд барилгын ослыг 90 гаруй хувиар бууруулж чаджээ. Манайд ч мөн зохих үр дүнгээ өгөх боломжтой сургалтад одоогоор арван компаний хөдөлмөр аюулгүйн ажиллагааны мэргэжилтэн хамрагдаж байгаа нь чамлалтай тоо юм. Үүний шалтгаан нь өмнөх сургалтууд зөвхөн хөдөлмөрийн аюулгүйн ажиллагааны гэх нэртэй дарга удирдах түшний ажилтнуудын түвшинд хууль эрх зүйн хүрээнд явагддаг байсан холбоотой. Удирдагч хүн бүх зүйлийг хууль тогтоомжийн дагуу явуулдаг байлаа ч үйлдвэрлэлийн осол буурдаггүй болох нь туршлагаар тогтоогдсон. Харин ажлын талбарт ажиллаж байгаа инженер, ажилчид өөрийгөө ослоос хэрхэн хамгаалахаа мэддэг болсон цагт бодит үр дүн харагдана. Ийм ч учраас өмнөх сургалтуудын арга барилыг эвдэж ажилагсад, албан хаагчдад түлхүү хандсан шинэ зүйлийг хийхээр зорьж байгаагаа МБИХ-ны гүйцэтгэх захирал Б.Гантөмөр дурьдсан. Барилгын салбарт ажиллагсдын хөдөлмөр хамгаалал гэхээр нэг цогц зүйлийн талаар ярьж байгаа мэт сонсогдов ч газар шороон дээр ажиллагсад, өрөг хийж буй, өндөрт ажиллаж байгаа хүн гээд тус тусдаа өөр өөрийн онцлогт тохирсон аюулгүйн ажиллагааны дүрэмтэй байх нь мэдээж. Энэ бүхэнд тохирсон зааварчилгааг сургагч багш нар өгч байгаа бөгөөд эдгээр багш нар өмнө нь уул уурхайн болоод хүнсний томоохон үйлдвэрүүдэд зааварчилгаа өгсөн нь бодит үр дүнгээ өгч байжээ. Сургалт өнөөдрөөс эхлэн тав хоногийн турш үргэлжилнэ.
П.Өлзий
Сургалтыг Япон улсад хөдөлмөр аюулгүйн ажиллагааны сургалтад хамрагдсан сургагч багш нар удирдан явуулж байгаа бөгөөд Монгол дахь Японы барилгын инженерүүдийн холбоо хамтран ажиллаж байгаа аж. Энэ нь өдөр тутам ажил эхлэхийн өмнө ажиллагсдаа хөдөлмөр аюулгүйн ажиллагааны сургалтад хамруулдаг наран улсын туршлагыг эх орондоо нэвтрүүлэх гэсэн бодлоготой холбоотой хэмээн зохион байгуулагчид ярьж байсан. Өглөө бүрийн аюулгүйн ажиллагааны сургалтыг зохион байгуулснаар Япончууд барилгын ослыг 90 гаруй хувиар бууруулж чаджээ. Манайд ч мөн зохих үр дүнгээ өгөх боломжтой сургалтад одоогоор арван компаний хөдөлмөр аюулгүйн ажиллагааны мэргэжилтэн хамрагдаж байгаа нь чамлалтай тоо юм. Үүний шалтгаан нь өмнөх сургалтууд зөвхөн хөдөлмөрийн аюулгүйн ажиллагааны гэх нэртэй дарга удирдах түшний ажилтнуудын түвшинд хууль эрх зүйн хүрээнд явагддаг байсан холбоотой. Удирдагч хүн бүх зүйлийг хууль тогтоомжийн дагуу явуулдаг байлаа ч үйлдвэрлэлийн осол буурдаггүй болох нь туршлагаар тогтоогдсон. Харин ажлын талбарт ажиллаж байгаа инженер, ажилчид өөрийгөө ослоос хэрхэн хамгаалахаа мэддэг болсон цагт бодит үр дүн харагдана. Ийм ч учраас өмнөх сургалтуудын арга барилыг эвдэж ажилагсад, албан хаагчдад түлхүү хандсан шинэ зүйлийг хийхээр зорьж байгаагаа МБИХ-ны гүйцэтгэх захирал Б.Гантөмөр дурьдсан. Барилгын салбарт ажиллагсдын хөдөлмөр хамгаалал гэхээр нэг цогц зүйлийн талаар ярьж байгаа мэт сонсогдов ч газар шороон дээр ажиллагсад, өрөг хийж буй, өндөрт ажиллаж байгаа хүн гээд тус тусдаа өөр өөрийн онцлогт тохирсон аюулгүйн ажиллагааны дүрэмтэй байх нь мэдээж. Энэ бүхэнд тохирсон зааварчилгааг сургагч багш нар өгч байгаа бөгөөд эдгээр багш нар өмнө нь уул уурхайн болоод хүнсний томоохон үйлдвэрүүдэд зааварчилгаа өгсөн нь бодит үр дүнгээ өгч байжээ. Сургалт өнөөдрөөс эхлэн тав хоногийн турш үргэлжилнэ.
П.Өлзий