Газар чөлөөлөлт гэр хорооллын дахин төлөвлөлтийг удаашруулж байна
Гэр хорооллын дахин төлөвлөлтийн Төслийн удирдах хорооны өргөтгөсөн хурал өнөөдөр Хангарьд ордонд болж өнгөрлөө. Уг хуралд гэр хорооллын дахин төлөвлөлтийг гүйцэтгэгч 15 компани ажлын үйл явцынхаа талаар Нийслэлийн удирдлага болон холбогдох байгууллагынханд танилцууллаа.
Энэ онд 4793 айл орон сууцанд хамрагдах бөгөөд 720 хүүхдийн багтаамжтай дөрвөн цэцэрлэг баригдахаар төлөвлөгдсөн байна. Уг бүтээн байгуулалтанд нийт 148 тэрбум орчим төгрөгний хөрөнгө зарцуулах тооцоо гарчээ.
Хэрэгжүүлэгч компаниудын өөрсдөөс шалтгаалах ажлын явц сайн байгаа хэдий ч өрх айлуудын зарим нь газраа өөрийн нэр дээр болгоогүй, зарим нь хэт өндөр үнээр өгөх хүсэлтэй, газар шилжүүлэх зэргээс шалтгаалан дахин төлөвлөлт хийхэд хүндрэл гарсаар байгааг хэд хэдэн хэрэгжүүлэгч компаниуд хэлсэн.
Хурлын төгсгөлд гэр хорооллын дахин төлөвлөлтийг хийж гүйцэтгэж байгаа компаниуд адилхан саад бэрхшээл туулж байгаа учраас санаа нэгтгэн “Гэр хорооллын дахин төлөвлөлтийн төсөл хэрэгжүүлэгч компаниудын холбоо” нэртэй төрийн бус байгууллага байгуулсанаа дуулгав. Түүнчлэн дахин төлөвлөлтийн ажлыг хэрэгжүүлэхэд тулгамдсан асуудлуудаа нэгтгэн хэллээ.
Энэ онд 4793 айл орон сууцанд хамрагдах бөгөөд 720 хүүхдийн багтаамжтай дөрвөн цэцэрлэг баригдахаар төлөвлөгдсөн байна. Уг бүтээн байгуулалтанд нийт 148 тэрбум орчим төгрөгний хөрөнгө зарцуулах тооцоо гарчээ.
Хэрэгжүүлэгч компаниудын өөрсдөөс шалтгаалах ажлын явц сайн байгаа хэдий ч өрх айлуудын зарим нь газраа өөрийн нэр дээр болгоогүй, зарим нь хэт өндөр үнээр өгөх хүсэлтэй, газар шилжүүлэх зэргээс шалтгаалан дахин төлөвлөлт хийхэд хүндрэл гарсаар байгааг хэд хэдэн хэрэгжүүлэгч компаниуд хэлсэн.
Хурлын төгсгөлд гэр хорооллын дахин төлөвлөлтийг хийж гүйцэтгэж байгаа компаниуд адилхан саад бэрхшээл туулж байгаа учраас санаа нэгтгэн “Гэр хорооллын дахин төлөвлөлтийн төсөл хэрэгжүүлэгч компаниудын холбоо” нэртэй төрийн бус байгууллага байгуулсанаа дуулгав. Түүнчлэн дахин төлөвлөлтийн ажлыг хэрэгжүүлэхэд тулгамдсан асуудлуудаа нэгтгэн хэллээ.
- Хууль эрхзүйн орчин. Гэр хорооллын дахин төлөвлөлтийн хуулийг хэлэлцүүлэн батлуулах шаардлагатай байна. Засгийн газрын болон Нийслэлийн Удирдлагын зүгээс гаргасан бодлогыг уялдуулан түүнийгээ гэр хорооллын дахин төлөвлөлтийг хэрэгжүүлж буй компаниудад чиглүүлэг өгөх, дундаас дээш хугацаатай хөнгөлөлтэй нөхцлөөр зээл олгох боломжуудыг нээж өгөх, газар чөлөөлөх ажлыг сайн журамлаж өгөх, төлөвлөлтийн дагуу баригдсан барилгын дунд дахин барилга бариулахгүйгээр хадгалан үлдээхэд анхаарал хандуулах
- Борлуулалтын орчин. Дуусаагүй барилгын гэрчилгээг олгох замаар боломжийг бий болгох, ТОСК болон НОСК-ийн үйл ажиллагааг дахин төлөвлөлтийн хэрэгжүүлэгч компаниудтай уялдуулан ажиллах, үнэт цаасаар санхүүжих боломжийг салбарын түвшинд шийдэж өгөх, орон сууцны нэгдсэн сан бий болгох, зорилтот бүлэгт хандсан орон сууцнууд бариулах, орон нутгийн болон Засгийн газрын хамтарсан баталгаа гаргаж эх үүсвэрийг татах, орон сууц худалдан авах эрэлтүүдийг дэмжиж өгөх, нийлүүлэлт хийхэд хэд хувь худалдан авах санхүүгийн чадвартай байгаа эсэхийг мэдэх, зээлийн эрсдлийг 10-20 хувиар даатгаад урьдчилгаа төлбөрийг хэмжээг багасгах, дахин төлөвлөлтөөр баригдаж байгаа барилга руу одоогийн моргажийн зээлийг чиглүүлж өгөх.
- Дэд бүтэц. Эх үүсвэрүүдийг уялдуулах, техникийн боломж хүрэлцээтэй эсэх, инженерийн шугам сүлжээний ачааллуудыг төсөл хэрэгжүүлэгч аж ахуйн нэгжүүдийн ажилтай уялдуулах, цахилгаан эрчим хүчийг хэсэгчилэн хангах шаардлагатай байна.
- Ажиллах хүчин. “Барилга угсралтын мэргэжилтэй ажилчид ховор байдаг. Өнөөдрийн байдлаар 60 мянган гаруй барилгын ажилтан байна. Гэр хорооллын дахин төлөвлөлтийн богино хугацаанд хурдтай хийхийн тулд гаднаас ажиллах хүч авч үүнийг даган дотоодын ажиллах хүчээ авах, мэргэшсэн боловсон хүчнийг нэмэгдүүлэх, сургалтуудыг зохион байгуулах, МСҮТ-тэй хамтран ажиллах хүчийг нэмэгдүүлэх” зэргийг шийдэж өгөх хэрэгтэй байгааг НИТХ-ын дарга Д.Баттулга, Хотын захирагч Э.Бат-Үүл болон бусад холбогдох байгууллагуудад хэлж, ирэх долоо хоногт болох “зангиагүй уулзалт” –ндаа хүрэлцэн ирэхийг хүслээ.
Нийслэлийн захирагч Э.Бат-Үүл гэр хорооллын дахин төлөвлөлтийг хэрэгжүүлэгч компаниуд төрийн бус байгууллага байгуулсныг сайшаав. Мөн газар чөлөөлөх, албадан чөлөөлөх хуулийг засгийн газар өөр тусдаа хуультай холбосныг дурдаад, Үндсэн хуулийн 62 зүйлийн 1, 2-т заасны дагуу газар чөлөөлөх асуудлыг хот өөрөө бие даан шийдэх бололцоотой гэдгийг хурлын төгсгөлд хэлэв.