“Ард”-д эргээд кино үздэг болохсон
Одоогоос 50-аад жилийн тэртээ Улаанбаатар хотын анхны ерөнхий төлөвлөгөө шинэчлэгдэн батлагдаж, их бүтээн байгуулалт өрнөж байжээ. Хотын анхны барилгажилт нь нэгдүгээр 40 мянгат, хоёрдугаар 40 мянгат, 50 мянгат гэсэн орон сууцны томоохон бүтээн байгуулалтаар эхэлсэн. Дараагаар нь нийгмийн дэд бүтцийн барилга болох соёл, худалдаа, ахуй үйлчилгээний барилга байгууламжууд хожуу 1960-аад оны дунд үеэс баригджээ. Тэр үед “Сансар”, “Хөдөлмөр”, “Од” зэрэг нийт зургаан кино театр баригдсан байна.
Тэдгээрийн нэг нь өнөөдрийн та бидний мэдэх “АРД” кино театр. Тухайн үеийн ЗХУ-ын зураг төслийн байгууллагын боловсруулсан 800 хүний суудалтай өргөн дэлгэцийн кино театр. Энэхүү кино театрын барилгын зураг төслийг өөрчлөн боловсруулахад тэр үед барилгын зураг төслийн институтад ажиллаж байсан Болгарын төрийн шагналт архитектор Хадживанев гэдэг хүн гар бие оролцон ерөнхий төлөвлөлтөнд анхаарал тавин ажиллажээ. Тус кино театр 400 хүний суудалтай үзвэрийн хоёр танхимтайгаар /улаан, ногоон/ үйл ажиллагаагаа эхэлж байж.
“Ард” кино театр гэдэг нэр 1960-аад оноос ч өмнө байжээ. Өнөөдрийн бидний мэдэх Дүрслэх урлагийн музейн эсрэг талд байрлах “Мормоны сүм” байрлаж байгаа байшин “Ард” кино театр нэртэй нийслэлийнхэндээ олон киногоор үйлчилж байв. 200 хүний суудалтай кино танхимтай байж. Харин 1960 оны дунд үеэс баригдаж эхэлсэн шинэ кино театрт нэрийг нь шилжүүлжээ.
Ардчилал гарч, өмч хувьчлал эхэлснээр “Ард” кино театрыг өмчлөлийн шуурга дайрч өнгөрчээ. МУГЖ Д.Сосорбарам “Ард” кино театрыг худалдан авч дараа нь “Анод” банкинд /дампуурсан/ зарсан гэдэг. Одоо “Хас Банк”-ны Орон сууцны зээлийн болон хадгаламжийн төв үйл ажиллагаа явуулж байна.
Бид аливаа барилга байгууламжийг өөрийнх нь зориулалтын дагуу ашигладаг болмоор ч юм шиг. Өнөөдөр Улаанбаатар хот сая гаран хүн амтай. “Тэнгис”, “Өргөө”, “Соёмбо” гэсэн гуравхан кино театртай. Өнөөдөр манайд кино урлаг сэргэж байгаа тул урлагийн төлөө цохилох зүрхтэй хүн “Ард” кино театрыг өөрийнх нь зориулалтаар ашиглах хэрэгтэйг мэдэж л баймаар. Магадгүй бид “Ард” кино театртаа дэлгэцийн урлагийг дахиад л шимтэн үзэцгээдэг болох ч юм бил үү...
Тэдгээрийн нэг нь өнөөдрийн та бидний мэдэх “АРД” кино театр. Тухайн үеийн ЗХУ-ын зураг төслийн байгууллагын боловсруулсан 800 хүний суудалтай өргөн дэлгэцийн кино театр. Энэхүү кино театрын барилгын зураг төслийг өөрчлөн боловсруулахад тэр үед барилгын зураг төслийн институтад ажиллаж байсан Болгарын төрийн шагналт архитектор Хадживанев гэдэг хүн гар бие оролцон ерөнхий төлөвлөлтөнд анхаарал тавин ажиллажээ. Тус кино театр 400 хүний суудалтай үзвэрийн хоёр танхимтайгаар /улаан, ногоон/ үйл ажиллагаагаа эхэлж байж.
“Ард” кино театр гэдэг нэр 1960-аад оноос ч өмнө байжээ. Өнөөдрийн бидний мэдэх Дүрслэх урлагийн музейн эсрэг талд байрлах “Мормоны сүм” байрлаж байгаа байшин “Ард” кино театр нэртэй нийслэлийнхэндээ олон киногоор үйлчилж байв. 200 хүний суудалтай кино танхимтай байж. Харин 1960 оны дунд үеэс баригдаж эхэлсэн шинэ кино театрт нэрийг нь шилжүүлжээ.
Ардчилал гарч, өмч хувьчлал эхэлснээр “Ард” кино театрыг өмчлөлийн шуурга дайрч өнгөрчээ. МУГЖ Д.Сосорбарам “Ард” кино театрыг худалдан авч дараа нь “Анод” банкинд /дампуурсан/ зарсан гэдэг. Одоо “Хас Банк”-ны Орон сууцны зээлийн болон хадгаламжийн төв үйл ажиллагаа явуулж байна.
Бид аливаа барилга байгууламжийг өөрийнх нь зориулалтын дагуу ашигладаг болмоор ч юм шиг. Өнөөдөр Улаанбаатар хот сая гаран хүн амтай. “Тэнгис”, “Өргөө”, “Соёмбо” гэсэн гуравхан кино театртай. Өнөөдөр манайд кино урлаг сэргэж байгаа тул урлагийн төлөө цохилох зүрхтэй хүн “Ард” кино театрыг өөрийнх нь зориулалтаар ашиглах хэрэгтэйг мэдэж л баймаар. Магадгүй бид “Ард” кино театртаа дэлгэцийн урлагийг дахиад л шимтэн үзэцгээдэг болох ч юм бил үү...