Барилгын салбарынхан зөвлөлдөж байна
Өнөөдөр Төрийн ордонд “Барилгын салбарын хөдөлмөрийн аюулгүй байдал, эрүүл ахуйн хяналтын тогтолцооны шинэчлэл” сэдэвт үндэсний зөвлөгөөн болж байна. Уг зөвлөгөөнийг Барилга, хот байгуулалтын яам, Хөдөлмөрийн яам, Монголын барилгачдын холбоо, Монголын Ажил олгогч эздийн нэгдсэн холбоо, Барилгын хөгжлийн төв хамтран зохион байгуулж байгаа аж.
Зөвлөгөөний үеэр БХБЯ-ны ТНБДарга Р.Эрдэнэбүрэн барилгын салбарын хөдөлмөрийн аюулгүй байдал, эрүүл ахуйн хяналтын тогтолцоог боловсронгуй болгох чиглэлээр яамнаас баримталж буй бодлого зорилтыг танилцууллаа. Тэрээр хэлсэн үгэндээ барилгын салбар өсөлттэй байхын хэрээр хөдөлмөрийн аюулгүй байдалд илүүтэй анхаарч ажиллаж байх шаардлагатайг онцлоод өмнөх жилүүдтэй барилгын осол, эндэгдэл харьцангуй буурч байгаа ч энэ нь хангалттай үзүүлэлт биш, тайвшрах ёсгүйг анхааруулсан. Салбарын яамнаас цаашид хөдөлмөрийн аюулгүй байдлын чиглэлээр нэгдүгээрт өнгөрсөн жилээс хэрэгжүүлж эхэлсэн “Цэнхэр карт” хөтөлбөрийг үргэлжүүлэх, хоёрдугаарт салбарын эрх зүйн шинэчлэл, шинэ хуулинд энэ чиглэлийн өөрчлөлт шинэчлэлтийг нарийвчлан тусгаж өгөх гэсэн зорилт тавьж байгаа гэлээ.
Үргэлжлүүлэн Стандартчилал, хэмжил зүйн газраас мэдээлэл хийсэн. Өнгөрсөн жил Монголын барилгын салбарт мөрдөгдөж буй стандартад улсын үзлэг явуулахад барилгын чиглэлийн 575 стандартаас хэвээр мөрдөх 331, дахин хянах 224, хүчингүй болгох 20 стандарт байгаа бол ХАБЭА-ны 129 стандартаас хэвээр мөрдөх 4, дахин хянах 118 , хүчингүй болгох 7 стандарт байгаа нь тогтоогджээ. Тиймээс үзлэгийн үр дүнд үндэслэн шаардлагатай стандартыг шинээр боловсруулах, дахин хянах ажлыг салбар яам, холбогдох төрийн байгууллагатай хамтран зохион байгуулах, хөдөлмөрийн аюулгүй байдлын хариуцлагын тогтолцоонд шаардагдах техникийн нөхцөлийг хамтран боловсруулах, батлуулах саналыг дэвшүүллээ.
Улсын мэргэжлийн хяналтын газрын мэдээлж байгаагаар өнгөрсөн онд улсын хэмжээгээр нийт 406 үйлдвэрлэлийн осол гарч, 425 хүн осолд өртсөн бол 51 хүн ослын улмаас амь насаа алджээ. Мөн 210 хүн осолд өртөж хөгжлийн бэрхшээлтэй болж, 164 хүн түр хугацаагаар хөдөлмөрийн чадвараа алдсан байна.
Барилгын үйлдвэрлэлийн явцад:
Зөвлөгөөний үеэр БХБЯ-ны ТНБДарга Р.Эрдэнэбүрэн барилгын салбарын хөдөлмөрийн аюулгүй байдал, эрүүл ахуйн хяналтын тогтолцоог боловсронгуй болгох чиглэлээр яамнаас баримталж буй бодлого зорилтыг танилцууллаа. Тэрээр хэлсэн үгэндээ барилгын салбар өсөлттэй байхын хэрээр хөдөлмөрийн аюулгүй байдалд илүүтэй анхаарч ажиллаж байх шаардлагатайг онцлоод өмнөх жилүүдтэй барилгын осол, эндэгдэл харьцангуй буурч байгаа ч энэ нь хангалттай үзүүлэлт биш, тайвшрах ёсгүйг анхааруулсан. Салбарын яамнаас цаашид хөдөлмөрийн аюулгүй байдлын чиглэлээр нэгдүгээрт өнгөрсөн жилээс хэрэгжүүлж эхэлсэн “Цэнхэр карт” хөтөлбөрийг үргэлжүүлэх, хоёрдугаарт салбарын эрх зүйн шинэчлэл, шинэ хуулинд энэ чиглэлийн өөрчлөлт шинэчлэлтийг нарийвчлан тусгаж өгөх гэсэн зорилт тавьж байгаа гэлээ.
Үргэлжлүүлэн Стандартчилал, хэмжил зүйн газраас мэдээлэл хийсэн. Өнгөрсөн жил Монголын барилгын салбарт мөрдөгдөж буй стандартад улсын үзлэг явуулахад барилгын чиглэлийн 575 стандартаас хэвээр мөрдөх 331, дахин хянах 224, хүчингүй болгох 20 стандарт байгаа бол ХАБЭА-ны 129 стандартаас хэвээр мөрдөх 4, дахин хянах 118 , хүчингүй болгох 7 стандарт байгаа нь тогтоогджээ. Тиймээс үзлэгийн үр дүнд үндэслэн шаардлагатай стандартыг шинээр боловсруулах, дахин хянах ажлыг салбар яам, холбогдох төрийн байгууллагатай хамтран зохион байгуулах, хөдөлмөрийн аюулгүй байдлын хариуцлагын тогтолцоонд шаардагдах техникийн нөхцөлийг хамтран боловсруулах, батлуулах саналыг дэвшүүллээ.
Улсын мэргэжлийн хяналтын газрын мэдээлж байгаагаар өнгөрсөн онд улсын хэмжээгээр нийт 406 үйлдвэрлэлийн осол гарч, 425 хүн осолд өртсөн бол 51 хүн ослын улмаас амь насаа алджээ. Мөн 210 хүн осолд өртөж хөгжлийн бэрхшээлтэй болж, 164 хүн түр хугацаагаар хөдөлмөрийн чадвараа алдсан байна.
- Хамгаалалтын шат тавцан, торгүй барилгын өндөрт хамгаалтын бүсгүй ажиллаж байгаад өндрөөс унах
- Ачааны подём дээр сууж ачаа зөөж байгаад өндрөөс унах
- Мэргэжлийн дохиочингүй ажиллах
- Өндрөөс сапуд төмөр унаж ирэх
- Краны ачаа доошоо унах
- Болконы онгорхой хаалга руу хий гишгэж ойчих зэрэг нь ослын гол шалтгаан болдог байна.
- Ажилчдаа ажлын тусгай хувцас, хэрэглэлээр хангадаггүй, ажлын хувцас хэрэглэлтэй ч үүнийгээ бүрэн хэрэглүүлж хэвшүүлдэггүй.
- Барилгын өндөрт ажиллаж байгаа ажлын байр болон лифтний хонгилд өндрөөс унахаас хамгаалсан хаалт хашлага, торыг шаардлага хангахаар хийдэггүй.
- Үйлдвэрлэлийн талбайн аюултай хүчин зүйлүүд тохиолдож болзошгүй бүст урьдчилан сэргийлэх дохио, санамж анхааруулга, аюулгүйн тэмдэг байрлуулдаггүй.
- Барилгын ажлын явцад өндрөөс барилгын материал, эд зүйл унахаас урьдчилан сэргийлж тухайн барилгыг тойрсон саравч, хайс, хамгааалалтын тор бүрэн хийдэггүй.
- Тухайн ажлын онцлогт тохирсон аюулгүй ажиллагааны зааварчилгааг боловсруулсан байдаг ч зааварчилгааг ажилтанд тогтмол өгч хэвшээгүй.
- Дотоод хяналт шалгалтыг зохион байгуулах тухай журам боловсруулаагүй, дотоод хяналт шалгалтыг зохион байгуулдаггүй.
- Ерөнхий гүйцэтгэгч компани барилгын үндсэн ажлыг бие даан гүйцэтгэхгүй, туслан гүйцэтгэгч авч ажиллуулдаг.
- Хөдөлмөрийн аюулгүй ажиллагааны сургалтанд хамрагдаагүй мэргэжлийн бус иргэдийг туслан гүйцэтгэгчээр авдаг.
- Барилгын материал, тоног төхөөрөмжийг барилгын норм дүрэмд заасны дагуу хадгалж, байрлуулдаггүй
- Барилгын ажил эхлүүлэх, үргэлжүүлэх зөвшөөрлийг барилгын аюулгүйн бүсийг тооцож олгодоггүй зэрэг нийтлэг зөрчлүүд илэрдэг гэлээ.
