Оросын уран барилгын Рэми студиэс гаргасан  хөвөгч Арк зочид буудлын зураг төслийг та бүхэндээ сонирхуулая.  Тус барилгын гол зорилго нь далайн түрлэг, үер, газар хөдлөлт зэрэг байгалийн гамшгийг тэсвэрлэж чадахуйц хүний гараар бүтсэн  архитектур, дизайны шинэлэг бүтээл хийх юм.



       Дун, хясаанаас санаа авсан дугуй хэлбэр нь  ямар ч төрлийн чичирхийллийг бүрэн эсэргүүцэх чадвартайн дээр богино хугацаанд барих боломжийг бүрдүүлнэ. Барилгын дотор гоёмсог цэцэгсийн цэцэрлэг байхаар тооцоолсны дээр  тусгай хуулганы тусламжтай нарны гэрэл өрөөнүүдэд  хэт хурц биш тохиромжтой байдлаар тусах ажээ.


   
Мөн тус  бүтээн байгуулалтанд нарны туяаг эрчим хүч болгон ашиглах, борооны дуслыг хураах  мөн гадна бүрхүүл нь өөрийгөө цэвэрлэх, дахин боловсруулах этилтрафлуроэтилет (ETFE) Бээжингийн Үндэсний Акуа Төвд ашигласантай адил материал хэрэглэнэ.


         Байгаль орчинд ээлтэй системээс гадна барилгын хачирхалтай загвар нь  зөгнөлт кинонд гардаг харийн байгууламжийг санагдуулах аж.  Рэми студиэс гаргасан энэхүү арк загвар нь Олон Улсын Уран барилгачдын Холбооноос  хэрэгжүүлсэн уран барилгачид гамшгийн эсрэг хөтөлбөрөөс гаргасан загвар юм.
Техник технологийн үсрэнгүй хөгжлийг гайхаад баршгүй ч хүн төрөлхтөн бид 22-р зууны амралтын газар ийм болж дэлхийн дулаарал бодит биелэлээ  олоосой гэж хүсэхгүй байгаа нь лавтай.