Урин дулаан цаг ирж байгаатай холбогдуулан барилга байшингийн засвар үйлчилгээний ажил ид эхэлж байна. Энэ үед гэртээ томоохон засварыг төлөвлөөгүй байгаа ч тохижилтондоо анхаарч байгаа хүмүүст зориулан нэгэн зөвлөгөөг хүргэхээр шийдлээ.

Гэрийн гаднах хаалганыхаа өнгийг өөрчилж будах нь жижиг мэт боловч том өөрчлөлт болдог байна. Сүүлийн үед баригдаж байгаа барилгуудын хаалга цагаан өнгөтэй байх нь их болсон. Цагаан өнгө гэрт гэрэл гэгээ нэмдэг ч хиртэж бохирдохоороо  хамгийн муухай харагддаг.

Тэгээд ч өөдлөх айл үүднээсээ гэдэг дээ. Гаднах хаалга маань өнгө зүстэй байх тусам айл гэр өөдрөг байх биз ээ. Хаалганыхаа өнгийг яаж өөрчлөх нь таны сонголтын асуудал боловч гүн хөх өнгө нь бат бөх бас алслалттай харагддаг байна.   Хаалгыг будахын өмнө сайтар цэвэрлэнэ.
Бариул болоод цоожны хэсгийг будаг болохоос сэргийлж гялгар уутаар цэвэрхэн баглана. Мөн доод хэсэгт будаг дусахаас сэргийлж цаас дэлгэж өгнө.
Хаалганы өө сэвийг дарах зорилгоор цагаан будгаар будаж өгөх хэрэгтэй. Багсаар бус өнхрүүшээр будах нь зүйтэй. Энэ нь будгийг жигд түрхэхэд тус болно.

Дараагийн алхам  будахыг хүссэн өнгөөрөө будна. Гэвч энэ удаагийн будалтаар жинхэнэ өнгөө та олж авч чадахгүй л болов уу.
Иймд үндсэн өнгөөрөө дахин нимгэвтэр будаж өгөх нь зүйтэй. Ингэснээр хаалганы өнгө өөрчлөх ажил дуусч байгаа ч боловч цулгуй нэг өнгийн хаалга уйтгартай сэтгэгдэл төрүүлж болох юм.

Иймд өнгөө өөрчилсөн шинэхэн хаалгандаа гоёл зүүж өгч болно.