Нийслэлийн иргэдийн дунд анх удаа  “Иргэний оролцоотой төсөв-2014” санал асуулга явагдлаа. “Иргэний оролцоотой төсөв-2014” санал асуулгад нийслэлийн 152 хорооны 318,000 өрх оролцсон байна.

       Өрх бүрээс орон сууц, гэр хорооллын өрх гэж ангилан 2 төрлийн саналын хуудсанд нийгэм, дэд бүтэц, нийтийн үйлчилгээ,тохижилт, аюулгүй байдал гэсэн 5 чиглэлээр санал авсан бөгөөд нийт саналын хуудсын 20 хувийг автомат машинаар уншуулж хороо бүрийн хамгийн их санал авсан бүтээн байгуулалтын ажлын саналыг гаргажээ.

           Нийслэлийн хэмжээнд нэгтгэсэн саналын дүнг танилцуулвал:
Нийгмийн чиглэлээр Орон сууцны хороололд бага сургууль 10 хувь, хүүхдийн тоглоомын талбай 23 хувь, биеийн тамир чийрэгжүүлэлтийн талбай 26 хувь, цэцэрлэг 41 хувь, Гэр хороололд бага сургууль 11 хувь, хүүхдийн тоглоомын талбай 15 хувь, биеийн тамир, чийрэгжүүлэлтийн талбай 17 хувь, цэцэрлэг 57 хувь.

        Дэд бүтцийн чиглэлээр Дулааны шугамын шинэчлэлт 3 хувь, цахилгаан шугамын шинэчлэл 6 хувь, хороолол доторх авто зам 29 хувь, нэгдсэн граж, авто зогсоол 45 хувь, Гэр хороололд дулаан хангамж 14 хувь, цахилгаан хангамж 16 хувь, авто зам 16 хувь, цэвэр бохир усны хангамж 54 хувь.
           Нийтийн үйлчилгээний чиглэлээр Орон сууцны хороололд нийтийн тээвэр 14 хувь, утасгүй интернет 17 хувь, цахилгаан шат, дээврийн засвар 18 хувь, дугуйн болон гүйлтийн зам 22 хувь, нийтийн эзэмшлийн орон сууцны гадна дулаалга, засвар 29 хувь, Гэр хороололд худаг, ус түгээх цэг 14 хувь.
          Тохижилтийн чиглэлээр Орон сууцны хороололд хог тээвэрлэлт 12 хувь, явган хүний зам, гүүр 15 хувь,гэрэлтүүлэг 27 хувь, ногоон байгууламж 46 хувь, Гэр хороололд явган хүний зам, гүүр 16 хувь, хог тээвэрлэлт 16 хувь, ногоон байгууламж 24 хувь, гэрэлтүүлэг 44 хувь.
            Аюулгүй байдлын чиглэлээр Орон сууцны хороололд цагдаагийн пост 8 хувь, замын тэмдэг тэмдэглэгээ, хурд сааруулагч 9 хувь, яаралтай үед саад учруулах барилга, хашаа хаалт 20 хувь,  ус зайлуулах далан, суваг 14 хувь, хяналтын камер 49 хувь, Гэр хороололд яаралтай үед саад учруулах барилга,хашаа хаалт 9 хувь,хяналтын камер 10 хувь, цагдаагийн пост 23 хувь, ус зайлуулах далан, суваг 58 хувь нь саналаа өгчээ.

           Эндээс харахад орон сууц, гэр хороолол гэлтгүй санал асуулгад оролцсон иргэдийн дийлэнхи нь цэцэрлэг барих саналыг гаргасан бол  дэд бүтцийн чиглэлээр орон сууцанд амьдардаг иргэд автомашины граж, зогсоол барих, гэр хорооллын иргэд цэвэр, бохир усны хангамж шаардлагатай байна гэж хариулжээ.

        Эдгээр саналыг дүүрэг, хороо бүрээр гаргасан бөгөөд Улаанбаатар хотыг 2020 он хүртэл хөгжүүлэх хөгжлийн хөтөлбөр, нийслэлийн Засаг даргын 2013-2016 оны мөрийн хөтөлбөр зэргийг үндэслэн ирэх оны төсвийн төсөлд тусгах юм байна.