Eugenia байшин нь Жао Динизийн зохион бүтээсэн ер бусын, бас олон талт орон сууц юм. Энгийн байшин хэмээн нэрлэгдсэн энэхүү орон сууц нь 1650 ам.метр талбайтай. Уг байшинг налуу газар барьсан учир үнэндээ 86 ам.метр талбайг л эзэлж байгаа юм. 

      Байшингийн дээвэр нь налуу хийгдсэн бөгөөд нүүр талыг усны хуучин хоолойг ашиглан барьж, дээврийн хэсэгт тулгуур болгосон байна. Байшингийн нүүр тал нь гол, ой модыг харахад илүү тохиромжтой байдлаар баригдсан байна.

      Дээврийн хэсэг дээрээсээ доош хүртэл налуу хийгдсэн учир байшингийн ар нь ханын үүргийг гүйцэтгэж байгаа юм.  Мэдээж барилгыг маш сайн төлөвлөж барьсан бөгөөд нэгдүгээр давхартаа тохилог зочны өрөө, гал тогооны хэсэг байрлах бол хоёрдугаар давхарт унтлагын өрөө байрлана. Налуу тааз нь хүрээлэн буй ойн төгөлийн гоо үзэмжийг шингээсэн дотоод засалтайгаас гойд нийцжээ. Байшингийн гадна хэсгийг Африкийн урцыг санагдуулам хээгээр гоёсон бөгөөд хээ нь байшинг бүхэлд ороосон байдлаар урлан чимэглэжээ.