“Авзага трейд” ХХК-ийг тойрсон хэл ам тасрахгүй л байна. Барилгын салбартаа мэргэшсэн ууган компаниудын нэг гэдэг утгаараа улсын төсвийн хөрөнгөөр гүйцэтгэх барилгын олон тендерийг авдаг.

      Авзагын Мэндбаяр гэх эрхэм улсын төсвийн хөрөнгөөр хийгдэж байгаа барилгын ажлыг цалгардуулж, барилга биш балгас болгох шахсан ажлыг мэргэжлийн байгууллагууд тухай бүрт нь илрүүлж, барилгын ажлыг нь зогсоож байсныг хэвлэлээр мэдээлж байсан.  

     Төсвийн 180 гаруй тэрбум төгрөгийн санхүүжилттайгаар хийгдэх ажлын нэг хэсэг нь Баянхонгор аймгийн Гурван булаг сумын 320 хүүхдийн багтаамжтай спортын заал бүхий сургуулийн шинэ барилгын ажил юм.

      Уг барилга нь 1,3 тэрбум төгрөгийн санхүүжилттай бөгөөд 2011 оны есдүгээр сарын 01 нд ашиглалтанд өгөх байсан ч одоо барилгын ажил 50 хувьтай явагдаж байгаа сурагтай.Удахгүй2013-2014 оны хичээлийн жил эхлэх гэж байхад энэ барилга дуусах уу, үгүй юу гэсэн асуулт урган гарч ирлээ.Үүнд захиалагч тал болох Боловсрол, шинжлэх ухааны яам хариуцлага тооцож, яаралтай арга хэмжээ авах биз ээ.

     Мөн 6-р сургуулийн хашааны газарт хууль зөрчин барьсан барилгынх нь талаар оршин суугчид, сургуулийн удирдлагууд хэвлэлээр мэдээлэл өгч байсан нь саяхан. Дээрх мэдээллүүдээс харахад гавъяат барилгачин Мэндбаяр “хурдан мориндоо ээлтэй, хүүхдэд харш” нэгэн бололтой.