Хөөсөн блок буюу хөнгөн блок нь үйлдвэрлэлийн явц хялбар бөгөөд хамгийн өндөр үр ашигтай ханы материалын технологи юм. Маш олон жижигхэн нүх сүв, бөмбөлөг бүхий бүтэцтэй тул дулаан болон дуу тусгаарлалт маш сайн байдаг.

      Агаар бүхий хөөсөн бөмбөлөг нь хоорондоо холбоогүй тул дулааны алдагдлыг багасгаж дуу чимээг сарниулдаг. Мөн орон зайг томсгож их хэмжээний талбай эзлэх бөгөөд хөнгөн жинтэй, нарийн жигд бүтэцтэй, бат бөх, дулаан хадгалах ба дулаан тусгаарлана. Ус чийгэнд норж дэвтэхгүй, химийн хор, галын аюул багатай.

Хөнгөн блокны түүхий эд

      Хөнгөн блокыг цемент, болон хөөсөөр хийдэг. Цемент, хөөсний харьцаа нь 300:1, 400:1, 500:1 гэсэн орцоор найруулна. Элс болон шохойг дүүргэгч материал болгон ашиглаж болно. Өөрөөр хэлбэл 300кг цементийн зуурмагт нэг кг хөөс хийнэ гэсэн үг. Цементийн хэмжээ их байх тусам өндөр нягтралтай болох бөгөөд барилгын шалны хийцэд ашигладаг. Харин цемент нь бага бол дулаалгатай ханы хавтан болгон ашиглана.

     Ихэвчлэн нэг ширхэг хөнгөн блокыг 100 х 100 х 40 см хэмжээтэй үйлдвэрлэх бөгөөд хөнгөн блокны хэвийг та өөрийн хүссэн хэмжээгээр өөрчлөн хийж болно.

Хэвийг опалкны хар хавтангаар хийж болох бөгөөд барилгын төмөр бетонон хийцийн хашилтын хавтан ашиглан хийж болно. Энэхүү блокыг тусгай зүсэгч машин болон хөрөөгөөр хөрөөдөж төрөл бүрийн хэмжээгээр үйлдвэрлэж болно. Хаягдал хэсгийг дахин бутлан ашиглаж болно. Хэвэнд цутгасан хөнгөн блокыг 4-5 цагийн дараа задлан авч байгалын аргаар 7 хоног хатаана. Халаалт хийхээс өмнө зүсэлт хийнэ.

     Хөөсрүүлсэн цемэнтэн зуурмагаар барилгын дээврийг цутгаж байгаа нь.

      Хөнгөн блок нь дуу болон дулаан тусгаарлах чадвар өндөр байдаг тул дээврийн хэсэг болон давхар хоорондын хучилт, шал хийхэд нэн сайн. Мөн барилгын өөрийн өртгийг бууруулахад чухал нөлөө үзүүлнэ. Одоогоор үүнээс илүү хямд бөгөөд дулаан технологи гэж үгүй.

Тааз болон шалыг хөөсрүүлсэн цементээр хийх нь ямар ач холбогдолтой вэ?

     Орчин үед хүмүүс хөөсрүүлсэн цементэн зуурмаг гэх нэр томьёог сайн мэддэггүй . Барилгын шал болон таазаар маш их хэмжээний дулааны алдагдал явагдаж, үргүй зардал ихээхэн гаргадаг. Үүнийг төгс шийдэх арга бол хөөсрүүлсэн цементэн зуурмагын өнгөлгөө юм.

Галд шатахгүй

Хөнгөн жинтэй,

Өөрийн өртөг бага,

Цаг хугацаа хэмнэнэ,

     Ямар ч нүх сүвийг үлдээхгүй бүрэн бөглөнө.Эдгээр давуу талуудыг өөр ямар ч дулаалгын материал илэрхийлж үл чадна.

     Хөөсрүүлсэн цемент эн зуурмаг нь органик бус материал бөгөөд 500⁰C ээс дээш өндөр температурт тэсвэртэй. Мөн дулааны урвалд орж ялзрахгүй, удаан жилийн турш дулаан тусгаарлах чадвараа хадгалдаг. Даралт даах чадвар 0.6 ~ 0.8MPa, нягтрал 200 to 300 кг / м ³

      Ямарч хорт бодис агуулаагүй бөгөөд хөөсрүүлэгч бодис болон бусад нэмэлт түүхий эд нь дэгдэмхий бус, аюулгүй, орон сууцанд хэрэглэхэд эрүүл ахуйд хорт нөлөөгүй.

     Барилгын хамгийн их өөрийн өртөг шингээсэн дулаалгын зардлыг үлэмж хэмжээгээр бууруулж, ажилчдын хөдөлмөрийг ихээр хэмнэнэ. Цагаан хөөсөнцөрөөр дулаалга хийснээс 1 / 3 дахин хурдан бөгөөд хадах наах бүх ажлыг хөнгөвчилсөн.